You are here: HomeForumOpinionLamka khawpi a nekzon nadia hoihdia kagingtak khat!

Lamka khawpi a nekzon nadia hoihdia kagingtak khat!

Written by  Chin Guite Published inOpinion Thursday, 24 October 2013 01:02

Lamka khawpi sung ah sorkal nasem hilou, mitamtak haksa sataka khawsa, nekzawn nading leng thei tuan khol lou,septheitheih sem, kiloh tawm zel,muhtawm netawm a om inkuan tampi I om uh kagingta a, hiaite ading bik a nekzawn nadia hoihkasak leh lamet huai hi a katheih awlmawh naziakin kahon gen ding.

 

Tulai in Lamka khawpi ah niteng in nekding mehding chituamtuam anteh louhing zuak ding kidai mahmah lou hi kilei ngai pahpah mai hi. Meh ding Lamka khaw kimleh kiang a hong lut sunsun te- Singaat lam apat hong lutte Dorcas Hall kong ahong tung phet chianga mikituh zak, Sugnu lam apat honglut te zingkal baihtak in New Bazar bulah ahong tuntun in mi kituh ngai pah,Tepaimuk line a honglut te lah Thangzawm road tuan dengman lou hial mi kihawmzak gai pah zel uh. Hichih khawp a Lamka ah meh akidaih mahmah lou ziak in Bishnupur district apat in Pangal leh Meitie nupi ten Lamka ah meding 70% phial hon supply tou uh kingai hi.

 

Lamka a mehding akidaih louh louh ziakin import ngen ahihman in Lamka ah gingtak sangin mehman tampet mah a khenkhat bang Vaigam khopi sangmah inleng aman tam zaw tham hi.Huaiziakin i Pangal nupi leh Meitei nupi ten Red cross lamdung ah nuamsa in meh tampipi in zuak phenphung mai uhi. Hiai mehte enleng kisin zekleng eigam ah i piangkhiak saktheih kalamen tinten hi.

 

Hichibang igamdingmun ahihziakin , i govt official lamte hiin i public leader te hitaleh vegetable market lam hahtak in hon focus ua,schemes tuamtuam zanga igam ua tunung zek chiang a igam ah meh kining chingtak ahong piang khiak saktheih uh i lamen hi. Huchia igam a kam(job) tampi hon ki creat khiak a,inkuan tampi ten kivak na ding ahon neih theih nading un.

 

Kuapeuh mahin Lamka meh nasan akitou delh zou naideklou ahih dan thei thak a maban a summet bawl ding gel leh nekzawn nading kichiang neinailou te ading in huan bawl leh meh zuak leng nekmuh theih nakhat ahih mahmah ding chih ithieh dan iki zasak hi.

 

Read 923 times
Login to post comments