You are here: HomeNewsWorld NewsInternationalGalvan tawi pawlkhat in Libyan PM pimang

Galvan tawi pawlkhat in Libyan PM pimang

Written by  Published inInternational Saturday, 12 October 2013 01:52
Galvan tawi pawlkhat in Libyan PM pimang

Tripoli, Oct 10 : Galvan tawi helpawl-te’n Tripoli khopi sung a hotel khat a kipan Libyan Prime Minister Ali Zeidan pikhia ua, tuhun tan a, a omna theihzui hinailou a hihdan government thusuak in taklang hi.

 

 

Libyan Revolutionary Operations Chamber a kipan thusuak in a taklatdan in, Libya government in kallui a United States kiang a al-Qaeda suspect Abu Anas al-Liby matkhiakna ding phalna a piak ziak a lungkimlou a Prime Minister a matkhiak uh a hihdan leh public prosecutor-te deihna bang a gamtang uh a hihdan leng taklang uhi.

 

 

Rebels lam a kipan thusuak in a taklat zelna ah, gamdang mite, a biktak in US intelligence bodies pen Tripoli khopi sung ah mawk in hong kibual theilou ding a, tuabang a kibual dia phalna piak hileh Libya soverignity hihsiat hiding ahi chi uhi.

 

 

Prime Minister Ali Zeidan a hihleh US Secretary of state John Kerry in Abu Anas al-Liby matkhiakna ding toh kisai thupuan tamlou a neih nung a pimang a om hi a, John Kerry in a genna ah, Libyan government in leng Abu matkhiakna ding in operation khawkngaih mahmah ana chi hi.

 


Rebels pawl in bel general prosecution office a kipan thusuak a ngah dungzui ua Prime Minister a mat uh hidan in taklang ua, himahleh a langkhat ah justice ministry in bel Prime Minister matkhiakna ding thusuah bawl lou himhim a hihdan thuthaksaite kiang ah gen leuleu zel hi. Hichibang thiltung toh kisai in government in Revolutionary Operations Chamber tung ah ngohna bung mahleh Brigade for the Fight against Crime kichi pawlkhat leng muanmoh lak a heltel a hiihdan taklat in om hi.

 

 

Cabinet leh , Libya's top political authority, General National Congress in thiltung mohpaih kawm in theihtawp suah in panla lel a, hichibang thubuai lak a mipite dai dide a na om ding in leng theihsakna bawl uhi. Director of communication Amel Jerary in a genna ah, zanitak zankim vel a thiltung hi a, hiai toh kisai information bangmah ngahlou a hihdan leh lamdang sa petmah a hihdan gen a, PM mankhetute bel naktak a kisakhol uh hipeuhmah ding ahi chihlouh gending tam theilou hi.(AlJazeera)

Read 640 times
Login to post comments