You are here: HomeNewsWorld NewsInternationalPakistan in a guk in drone strike phalsak

Pakistan in a guk in drone strike phalsak

Written by  Published inInternational Friday, 25 October 2013 19:30
Pakistan in a guk in drone strike phalsak

WASHINGTON, Oct 24: Zan a Washington Post in thuguk poimawh (top secret) khat a suahkhiakna ah, mipi'n zadah mahleh US in hektu bei lenna zang a Pakistan gamsung a helpawlte beih Pakistan in phalsak ahihdan taklang hi. US in hektu bei lenna zang a helpawlte a beihpen Pakistan in gum hiding a muanmawhna bel 2011 a kipan in ana om khinta him hi.

 


Thusuak in a taklatna ah, hiai thuguk poimawh ahihleh Central Intelligence Agency in a bawl (draft) hi a, Washington a etchetna bawl ahihnung in Islamabad ah Pakistan thuguk saipawl a officialte kiang a piakkhiak a om hidan in taklang hi. Hiai document ah, helpawlte hatna mun beihna dingte ah, "na vaihawmna solkal in hon nget bang in" chih kigelh a, huai munte mah US in a beihna mun hi'n kigen hi. File khenkhat ah US leh Pakistan pangkhawm a helpawlte beihna ding thu leng om hi'n thusuak in taklang hi.

 


Hiai thu ahihleh Amnesty International Day zat zawhni a suahkhiak a om hi a, US in hektu bei lenna zang a poikhoihlou minautang hinna laksak leh international law bohsia hidan a ngawh in om hi.

 


US in drone strike a pat 2011, kha guk masa sung lel in helpawl 152 thah in om a, himahleh huaite lak a minautang telkhalou hi'n thusuak in taklang hi. US president Obama vaihawmna in bel minautang humbit kawm a helpawlte beihna pen hektu bei lenna zang a nasep mah hoihzaw ahihdan leh hiai bang nasep na munte bel al-Qaida toh kizopna nei helpawlte opkhum, Pakistan gam a dan kizatlouhna munte ahihdan taklang hi.(AFP)

 

 

Read 628 times
Login to post comments