You are here: HomeNewsWorld NewsInternationalUS in gam makai 35 phone call ngaihguksak

US in gam makai 35 phone call ngaihguksak

Written by  Published inInternational Saturday, 26 October 2013 23:39
US in gam makai 35 phone call ngaihguksak

LONDON, Oct 25: Britain's Guardian newspaper in a taklatna ah United States in khovel a gam tuamtuam makai 35-te'n vangla-tongsan (phone) zang a midang toh a kihouna uh ngaihguksak ahihdan Edward Snowden in document a lakkhiakte tungtawn a theihkhiak a om ahihdan taklang hi.

 


Edward Snowden document tungtawn in, US government department khat a officialte'n phone number kaikhawm ua, huai numberte US National Security Agency (NSA) kiang a pesawn zel uh hi'n taklang hi. NSA in phone number a kaihkhawmte White House, state department leh Pentagon a semtute zang in gamdang makaite hihna suichiansak zel hi'n kigen hi.

 


Hiai thu ahihleh US in German chancellor Angela Merkel phone ngaihguk sawm chih thu omnung a, Germany in Washington kiang a hilhchetna peding a ngetna a bawlnung a taklat a om ahi hi. Hiai thu ah White House in Angela phone ngaihguksak a om ahihdan niallou a, tuabang a hihnawnlou ding ahihdan taklang lel hi. Tuma deuh inleng US officialte'n NSA kiang a phone number 200 pekhia a, huailak ah gam tuamtuam makai 35-te number leng telkha chihthu ana omta hi. Himahleh makai 35-te kuakua hihiam chih bel taklat hilou hi.

 


Brussels a European Union Summit omding ah leng US in surveillance leh spying programme a neih tungtang in khawmpi agenda khekzou ding khop in kilang hi. Ahihhang in hiai thu toh kisai NSA a kipan bangmah gen-le-sak omnai tadihlou hi. (Reuters)

 

 

Read 616 times
Login to post comments