You are here: HomeNewsWorld NewsInternationalObama in Merkel phone ngaihguk theipih chih US in nial

Obama in Merkel phone ngaihguk theipih chih US in nial

Written by  Published inInternational Tuesday, 29 October 2013 14:32
Obama in Merkel phone ngaihguk theipih chih US in nial

WASHINGTON, Oct 28: German chancellor Merkel Angela tung a electronic surveillance neih a om US president Barack Obama inleng mimaltak a theihpih hidan a kigen pen US in nakatak in nial hi.

 


Bild am Sonntag newspaper in a taklatdan in America's National Security Agency chief General Keith Alexander in Merkel cellphone ngaihguksak ding toh kisai 2010 a Obama theihsak khinta hi'n taklang hi. Tua banah Merkel tung a phone surveillance leh spying ahihleh 2002 pek a kipan hita maithei hi'n German media thusuak in taklang hi.

 

 

Thusuak in a taklatzelna ah, president Obama in thei mahleh khawlsaklou in sunzomsak a, NSA in 'spying target' a Merkel phone a neihna kum sawm bang valta ding a, tukum June kha a Obama in Berlin vehna a neihlai a leng Merkel phone ngaihguk a om ahihdan taklang hi.

 


Himahleh NSA spokeswoman Vanee' Vines in hiai ngawhna naktak in nial a, 2010 a National Security Agency chief General Keith Alexander in president Obama kimuhkha lou ahihdan leh huai kum a Chancellor Merkel cellphone surveillance bawlding bangmah genkhak a omlou hi'n taklang hi.

 


Europe an Union makaite'n khovel a hiamgamna douna a pangkhawm gamte tung a US in surveillance & spying programme a neihpen naktak in mawhsa ua, hiai bang a US gamtatna in kimuantuahna hihsethei ahihdan taklang uhi.

 


Hiai thu toh kisai hilhchetna leh dawnna ngen ding in Germany in a spy chief Washiongton a sawlding ahihdan taklang hi. German Interior Minister Hans- Peter Friedrich in a genna ah surveillance leh spying programme pen khelhna ahihdan leh US in hilhchetna a piak ngeingei ding ahi chiin gen hi. Swiss President Ueli Maurer inleng US surveillance programme deihlou leh mawhpaih ahihdan ana puangta hi.

 


Thusuak in a taklatzelna ah, US intelligence in Paris, Madrid, Rome, Prague,Geneva leh Frankfurt tel in high-tech surveillance office mun 80 val a nei ahihdan taklang hi.

 


Huailou in Chancellor Angela Merkel tung a surveillance programme 2002 a kipan ahihleh huai hun a United States president George W. Bush hun a kipan Merkel tup a om hita ding a, Merkel ma a German makai Gerhard Schroeder hun a kipan spying kipan hita ding hi. Gerhard Schroeder in ahihleh US in Iraq a dou deihlou in Russian President Vladimir Putin toh kizopna hoihtak ana bawl uh hi'n kigen hi. (AFP)

 

 

Read 638 times
Login to post comments