You are here: HomeNewsWorld NewsInternationalSyria tualgal omsung in Jesu lim liamtak kibawlkhia

Syria tualgal omsung in Jesu lim liamtak kibawlkhia

Written by  Published inInternational Monday, 04 November 2013 15:34
Syria tualgal omsung in Jesu lim liamtak kibawlkhia

BEIRU T, Nov 3: Syria a tualgal huaisetak omsung in bronze zang a kibawl Jesu Lim (statue) liantak khat mualtung khat a tunkhiak a om hi'n thusuak in taklang hi.

 


Cherubim mualtung a tunkhiak a om Jesu Lim kibawl ahihleh a khutte zaksak in om a, thukhunlui hun a Constantinople in Jerusalem a phak deklai a, a tawtkhakna lampi ahihziak a, huai chiamtehna a hiai mualtung a tunkhiak a om hi'n kigen hi. Hiai Jesu Lim kibawl in meter 12.3 (40 feet) a lian leitual tutkhum a, a sanlam ahihleh meter 32 (105 feet) in sang hi.

 


Syria tualgal pailel laitak October 14 a hiai statue buaina omlou a honkhiak a omtheihpen chiamteh tham pha hi. Hiai statue bawlna ahihleh kum 8 paisa a kipan hita a, 2011 a Syria president Bashar al-Assad paihkhiak ding phutna a tualgal kipan in hihbuai mahleh nasep khawllou a sutzop a om in, kha paisa a zawhsiang a om hi'n thusuak in taklang hi.

 


Syria tualgal ah khristian leh nam tawmzawte tup leh ngim a omna kal ua hiai bang a statue thupi mahmah khat zawhsiang a omtheihpen thil lamdang mahmah hi'n kigen hi. Ahihhang in thusuak khenkhat in a taklatdan in, al-Qaida toh kizom helpawl khenkhat in khritiante tung a zahngaihna neizek uh hi'n taklang hi.

 


Thusuak in a taklatna ah, hiai Jesus Statue bawlzawh a ompen tungdingna ding in nithum lut a, tractor leh crane zang a tunkhiak a om hi'n taklang hi. Hiai statue bul a Adam leh Eve lim leng a pangtuak ah koih in om hi. (AP)

 

 

Read 550 times
Login to post comments