You are here: HomeNewsWorld NewsNationalRatangarh temple ah mi 90 siklup in om

Ratangarh temple ah mi 90 siklup in om

Written by  Published inNational Monday, 14 October 2013 14:04
Ratangarh temple ah mi 90 siklup in om

Datia, Oct 13: Madhya Pradesh’s a Datia district a om Ratangarh temple ah Durga Puja ahih toh kiton a pathian be dia kuante lak ah mipi a tamluat ziakin mi 90 siklup in om ua, midang 100 val liam uh hi’n thusuak in taklang hi.

 


Thusuak in a taklatna ah, hiai temple ahihleh Datia apan Km 80 vel ding a gamla hi a, Mahdya Pradesh khopi Bhopal apan ahihleh Kms 400 vel ding a gamla hi a, hiai mun ah pathian beding in mihing lakhs 5 vel paikhawm uhi. Hiai temple omna mun tak ahihleh Sindh luidung kiang a gammang sahtak a om hi a, temple lutna ding a queue sautak a om in Sindh lui tung a lei kidoh tan ahleng sautak in kivual ua, lei kichimdek ahi chih zuau thuthang a om ziakin mipi taidalh ua, a taidalhna lam ua mi 90 siklup khak a om uh hi’n thusuak in taklang hi. Tuabanah, misi kibehlap zel dia gintak ahihdan leng thusuak in taklang hi.

 


Thusuak in a taklatzelna ah, hiai lei tung ah mihing 25,000 vel bang om ua, mihing a pumbuaina lam uah tui lak a kia leng om ua, amaute zonkhiak theihlouh in omlai uhi. Hiai thil tung toh kisai in police in a huntak a bangmah a hihlouh ziakin ahi chi a ngoh in police te suang in kidenhuan ua, hiai ah police 6 den liam inleng om uhi.
Hiai thil tung toh kisai in police leh mipite kal ah kingohtuahna om a, mipite’n a genna uah mipi control na ding in police in chiangpum zang in mizep uh hi’n ngoh ua, himahleh senior police official te’n bel hiai ngohna nial ua, hiai toh kisai in government in judicial inquiry bawl ding in order bawl ngal hi.

 


Hiai thil tung toh kisai in district administration in relief toh kisai naktak in buaipih a, amaute banah local mite’n leng kithuahpihna hoihtak pia uh hi’n Uma Shankar Gupta, Home Minister, Madhya Pradesh in taklang hi.

 


Tuabangkal ah, November 2013 a assembly election neihna ding toh kisai in election code of conduct zat hitamahleh, hiai thiltung ziak a hinna mansuahte kiang ah Rs. 1.5 lakhs piak hiding ua, a liam nak deuhte’n Rs. 50000/- leh a liam zekte’n Rs. 25,000/- ngah ding uh hi’n government in thusuah bawl hi.Hiai thil tung toh kisai in Congress president Sonia Gandhi in thusuah bawl in poi a sak dan taklang a, sihna tuak inkuante sunpih mahmah ahihdan taklang hi.

Read 587 times
Login to post comments