You are here: HomeNewsWorld NewsNationalPM Manmohan Singh in Russia nusia in China zuan

PM Manmohan Singh in Russia nusia in China zuan

Written by  Published inNational Thursday, 24 October 2013 00:05
PM Manmohan Singh in Russia nusia in China zuan

New Delhi, Oct 22: Ni 5 sung daih ding Russia leh China gam nihte vehna nei ding a zinkhia Prime Minister Manmohan Singh in anihveina ding a Moscow, Russia mun a khualzinna aneih hunsung in Russian President Vladimir Putin toh Moscow khopi ah ‘summit level talks’ nei uhi. Russia ichih tunitan pha in India a ding a khuam muanhuai hitou ngitnget denlai ahi chi’n PM in gen hi. Kihouna zoh ahihtoh kiton in, tuni Sepnawnni in China zuan in Russia pawtkhiatsanta hi.

 

 

Sepnawnni in Vnukovo international airport mun a ‘ceremonial stand-off’ zatna hun ah PM Manmohan Singh thupitak in Russia in khakhia hi. Beijing mun ah PM in Nilaini chiang in Chinese counterpart Li Keqiang toh ‘restricted talks leh delegation level talks’ nei ding a, Chinese President Xi Jinping zintunna nuai a ann nekkhawmna hun leng va uap ding hi. China vehna hun ah PM in China toh gamgi thu toh kisai top agenda in nei ding a, Ningani chiang in PM in China nusia in India zuan nawnta ding hi.

 


Moscow mun a President Vladimir Putin toh summit level talks neihna hun ah PM in hun sawttak zekaisak a omtou nilouh nuclear power deal toh kisai lohsappih hi. Moscow khualzinna hun ah PM in tulel a government signature projects chi a minloh a om-India south coast mun a Russia khutsuak nuclear power plant phase nawn hun ding toh kisai a kihouna bangchileh om thei ding chihte pansan in zinkhia hi. Joint statement bawlkei mahle uh makai nihte’n Kudankulam mun a third leh forth blocks toh kisai a general framework agreement drafting toh kisai nasa zosem a hatsak ding in kithukim uhi.

 


Beijing vehna hun a kilemna suaikaih a om dia lam et khenkhatte lak ah, Indian Cabinet in a sukfel khitsa Border Defence Cooperation Agreement (BDCA) toh kisai in kilemna suaikai ding ua, BDCA in a tup ahihleh tactical level a cammander nihte kal a ‘hotline’ bawlkhiat ding ban ah avangkim av meeting neihzel ding, Line of Actual Control (LAC) kantanna thubuai toh kisai security force-te zuih ding dan khenkhat leng tuun khawmkha hi. Visa regime thu toh kisai ahihleh Indian Cabinet a sukfel manlouh ziak in nawlkhin in om hi. China akipan investment hoihtak mitsuan kawm a Chinese industrial parks tamsem India a bawlkhe ding chih himahleh Chinese team-te’n amun-lehmual ding thu a bangmah saifelna aneihnailouh ziak un kilemna suaibel kainailou maithei uhi.

 


Agreements tawndan uangbawlna leh mimal-lehmimal kingaltuahna lam toh kisai nasa zosem ahatsak ahihtheihna ding in leng India leh China kilemna suai kai ding uhi.(PTI)

 

 

Read 636 times
Login to post comments