You are here: HomeNewsWorld NewsNationalIndia leh China in gamgi thu ah point 9 in kilemna suaikai

India leh China in gamgi thu ah point 9 in kilemna suaikai

Written by  Published inNational Thursday, 24 October 2013 13:50
India leh China in gamgi thu ah point 9 in kilemna suaikai

New Delhi, Oct 23:Prime Minister Manmohan Singh in Russia aveh zoh nung Sepnawnni nitaklam in Moscow nusia in Beijing bohlut a, Beijing ah nih sung hunzang ding in, Nilaini zingkal in PM in Beijing khopi ah Chinese premier Li Keqiang houlimpih a, “gamgi venbitna toh kisai a pangkhawmna ding thu”( border defence cooperation) leh ‘ ban ah thil tuamtuam tel in kilemna suaikai ua, himahleh visa thubuai toh kisai inbel kilemna suaikai theilou uhi.


Ni nih sung daih ding Beijing vehna nei Prime Minister Manmohan Singh in Chinese premier Li Keqiang toh akihou zoh phet un, “khovel pumpi in India leh China chibai bukna neithei uh ahi” chi’n gen hi. PM in agenzelna ah khangthu achiamteh tham ding in gamgi thubuai toh kisai in India leh China in ‘border pact’ tel in point 9 in kilemna suaikaita a, kiunauna hoihzaw mitsuan kawm a hiaibang khantouhna thupitak bawlkhiat a om ahihdan leh gamdang kuamah gamgi thu a kidaihlah lolou ding inleng genbeh hi. Gamgi mun a lemna leh muanna in India leh China kal ki-unauna omte naktak in kipsak ding chi hi. Chinese premier Li Keqiang mahmah inleng hiai kilemna in gamgi mun ah lemna leh kidekzohna(tranquility) hon tun ding ahi chi hi. Border Defence Cooperation Agreement (BDCA) thu a kilemna point tuamtuam omte lak ah India leh China in sepaih thahatna zang in amau kal ah kikaptuahna leh vauna thu ban ah thuneizaw kisakna ziak a sepaih zang a gamtatna chihte himhim bawllou ding in kilemna suaikai ua, Line of Actual Control (LAC) mun a flag meeting neizel ding in kilemna suaikai ua, senior army officers leh defence official-te’n avangkim a meeting neikhawmzel ding leh military headquarters nihte kal a ‘hotline’ omte leng kikum khawmzel ding in kilemna suaikai uhi. LAC sung a telephone contacts leh telecommunication links neih ding chihte leng kilemna suaikaihna ah telkha hi. Visa thubuai toh kisai Indian cabinet lam akipan kimanzohlouhna khenkhat a om ziak in kilemna suai bel kaithei nai tadihlou uhi. (NDTV)

Read 661 times
Login to post comments