You are here: HomeNewsWorld NewsNationalMangalyaan satellite pua PSLV rocket kapkhe ding

Mangalyaan satellite pua PSLV rocket kapkhe ding

Written by  Published inNational Tuesday, 05 November 2013 14:18
Mangalyaan satellite pua PSLV rocket kapkhe ding

Sriharikota, (AP), Nov 4:Sepnawnni nitaklam dak 2.38 in India Mars mission gol mahmah khat Andhra Pradesh state Sriharikota mun akipan in Red Planet chi a minloh a om Mars planet kho omdan bangkim enkhe ding in, India in unmanned satellite Mangalyaan potu Indian Space Research Organisations's workhorse launch vehicle Polar Satellite Launch Vehicle (PSLV) kichi Mars planet zuan in kapkhiat in om ding hi.

 


Hiai a ding toh kisai in kisakkholna bangkim lungtun huaitak in paizomzel a, Pathianni dak 6.08am akipanta dakkal 56 sung daih ding formal countdown pailel ah, kapkhiatna ding a poimoh mahmah ‘fuel’ kiningchingtak khawl PSLV rocket sung ah thun dim hiding a, health check leng hoihtak in paitou lel hi. October 28 in hiai Mangalayaan satellite huihkhua a kapkhiat ding chih himahleh Pacific Ocean a kho omdan a ginatlouh ziak in kapkhiatni hunding suan in om hi. Mangalyaan satellite kichi rocket pansan a kapkhiat ahih chiang in India longpi lian mahmah nih- SCI Yamuna leh Nalanda-te’n tuipi tung a kivialleh ding rocket hinna hoihtak in enkol ding uhi. November 19 tan hiai kapkhiatna tohlet hon in om den ding a, November 30 tan Mangalyaan satellite in trans-Martian orbit ah 200-million-kilometre asau khualzinna nei ding a, zekaina banghiam aneih khak zenzen leh mission toh kisai buaina nasatak tuakthei ding ahihdan leng thusuak in taklang hi.(NDTV)

 

 

Read 526 times
Login to post comments