You are here: HomeNewsWorld NewsNationalNikhat a Rs.14 loh in Lalu in Jail sung ah huanbawl

Nikhat a Rs.14 loh in Lalu in Jail sung ah huanbawl

Written by  Published inNational Wednesday, 06 November 2013 13:26
Nikhat a Rs.14 loh in Lalu in Jail sung ah huanbawl

RANCHI, Nov 5 : Fodder scam thubuai toh kisai a sum acrore a sim negutu chi a ngoh leh suangkul sung a khum a om RJD president Lalu Prasad in Hotwar a Birsa Munda Central Jail compound sung ah pak leh meh huan nalh taktak bawl in nuamsa mahmah a, nikhat a Rs.14 lel loh in pak huan hoih taktak bawl in buai mahmah hi.

 


Kal khat vel paita in Jail warden-te’n Jail campus ah mohpaih a om mite kiang ah huanbawlna ding leitang hawmkhia ua, himahleh Mr Lalu in October 30 a bail peding a ngetna abawl thu toh kisai Jharkhand high court in a nawlkhinsak zohni zingchiang a kipat in huanbawlna toh kisai in nasep kipan ngal hi. Scam ziak a mohpaih a om IAS leh IRS officer-te Jail sung ah teacher in pang uhi. Jail thusuak in a taklat dan in, Lalu in huan bawltu midangte tung ah nasep dingdan toh kisai a thupiak abawlna ah dakkal tamtak a hunzang khezel a, nuamsa mahmah ahihdan leng taklang uhi. Hotwar Jail sung a khum a om mi 3,000te lak ah 30% te atangpi in sual nasepna lam toh kisai makai ngen hi ua, 10%te Maoist helpawl akipan hi uhi.(TNN)

 

 

Read 630 times
Login to post comments