You are here: HomeNewsWorld NewsNortheastArunachal Pradesh CM in Assam toh ki-unauna hoihzaw bawl ding in chial

Arunachal Pradesh CM in Assam toh ki-unauna hoihzaw bawl ding in chial

Written by  Published inNortheast Tuesday, 05 November 2013 14:46
Arunachal Pradesh CM in Assam toh ki-unauna hoihzaw bawl ding in chial

ITANAGAR, Nov 4: Arunachal Pradesh chief minister Nabam Tuki in adiak a inter-state boundary mun a khosa mipite’n amau bial chiat a a kintheilam a khantouhna aneihna ding un, ama state mipite leh Assam state mipite kikal a pankhawmna hoihzaw bawlkhe ding in chial hi.

 


Nibangzah hiam paita a Lakhimpur district(Assam) huamsung a om Boginadi mun a NGO pawlpi nih - Northeast Socio-Cultural Organization leh Jankalyante saina toh former Prime Minister Indira Gandhi sih champha a 29{+t}{+h} veina zatna hun a blood donation programme zatna hun a paikhawm mipite kiang a Tuki in a thugenna hun ah state nihte kithutuak tak a pangkhawm dan siam ding in chial hi. Vaisaitu pawlpi nihte ahihleh Union minister of state for tribal affairs and Lakhimpur MP Ranee Narah in a phuhkhiat ahi. Tuki in agenzelnaah, Arunachal Pradesh leh Assam state mipite pumkhat ban ah inkuan khat ihi ua, development projects tuamtuam omte lohching a paipih ahihtheihna ding in, eite’n tup khat neikawm a lemna toh khantouhna nei a i pankhawm uh poimoh ahi chi’n gen hi. Bandhs, strike leh kiphinna tuamtuam omte’n khantouhna ding toh kisai naktak a buaisak phaban ahi chi hi.(TNN)

 

 

Read 681 times
Login to post comments