You are here: HomeNewsWorld NewsNortheastAssam ah nautang 7 kaplup in om; night curfew kipan

Assam ah nautang 7 kaplup in om; night curfew kipan

Written by  Published inNortheast Wednesday, 06 November 2013 12:39
Assam ah nautang 7 kaplup in om; night curfew kipan

GUWAHATI, Nov. 5: Garo National Liberation Army (GNLA) cadre-te hidia gintak galvan tawi mi bangzahhiam in Seppatni in in Assam’s Goalpara district sung a khota khat ah thau in mipi lak bankap ua, hichibang thiltung ah nautang 7 in sihloh ua, midang 9 in liamna tuak uh ahihdan police thusuak in tuni in taklang hi.

 

 

Police thusuak in a taklat zelna ah Assam-Meghalaya gamgi a om, Gendabari khua a hichibang thiltung a si leh liam tuakte ahihleh Diwali zatna a gambling kimawlna a kihel hi ua, amaute’n kimawl a tha-it mahmah laitak un galvan tawi mi 8te va dianglut in khentuam neilou in bankap uhi. A mun mahmah a mi 6 si ngal ua, midang 10te liam a etkol himahleh sawtlou nung in mi 1 damzoulou in si hi.

 

Assam ah nautang 7 kaplup in om; night curfew kipan

 

Thusuak in a taklat dan in, gelkholh a om RHAC election ding ziakin khalui a kipan hiai state sung lungphawn huaitak in om mun mahmah hi. Assam government in Nov 13, Nov 16 leh Nov 25 a neih dia RHAC three-phased polls a puankhiak ziak in Rabhas mite kipak mahle uh a langkhat hiai polls deihloh Garo mite, religious minority leh Khasi mite banah community tuamtuamte’n bel government thilsawm kalh uhi.

 


Zan a thiltung toh kisai in Assam chief Minister Tarun Gogoi in state DGP kiang ah, helte matkhiakna dia manhunt pan ding leh thiltung toh kisai a muanmoh a om, GNLA militant-te nouneltak a velchian ding in leng thu pia hi. Tuabanah, hichibang thiltung ziak a buaina uangsem a pian louhna ding in army-te zang a nasep pan ding inleng CM in DGP theisak hi. Tua dungzui in Assam-Meghalaya gamgi ah nitak dak 7 a kipan zinglam dak 6tan night curfew puan in om a, hiai in bangtan daih ding hiam chih bel gentheih hinailou hi.(NP)

 

Read 988 times
Login to post comments