You are here: HomeNewsWorld NewsNortheastGam tuamtuam in Nagaland Hornbill Festival uap ding

Gam tuamtuam in Nagaland Hornbill Festival uap ding

Written by  Published inNortheast Tuesday, 12 November 2013 15:59
Gam tuamtuam in Nagaland Hornbill Festival uap ding

KOHIMA, Nov 11: India President Pranab Mukherjee in December 1 chiang a programme honna a neih ding, Horn­bill Festival a thupithei bangpen a zatsawm in Naga mite Kohima khopi a kipan gamlalou Kisama ah nakpitak in kisakhol uhi. Kumdang in ahihleh hiai festival ni 7 sung zat hizel a, himahleh kum­dang bangloutak in tu­kum a khovel gam tua­mtuam a kuapeuh leng phur chiat uh ahihdan theih ahih ziakin Neiphiu Rio government in ni 10 in behlap ding hi. Tua­banah kumdang a hiai festival zat hunsung in Rs 2.5 crore vel zatbei hizel a, himahleh festival zatna dia infrastructure poimawh tuamtuamte kaihkawmna a sumsente bel theih hilou hi.

 

Hornbill Festival orga­nizing committee mem­ber Abu Metha in tuni a thuthaksaite kiang a, a genna ah, 2013 Hornbill Festival zatna hun ah Great Britan mi tamtak hong kilang ding uhi. Hiai a kip­an thu kipahhuai mahmah theih a om bel, British government in hiai festival a lunglutna liantak neita ahi chih chiang mahmah chi hi.

 

British banah, gamdang tuamtuam a kipan dip­lomats bangzahhiam in leng festival uap ding ua, amaute banah India gam­sung a lasiam minthang mahmah, Javed Akhtar leh Korea gam a kipan Band tuamtuam in festival hun ah performance hongnei ding uhi. Festival zatna hun ah JK Tyres in Motor Sports sponsored ding a, Roland leh Yamaha in Music Festival sponsored ding a, tuabanah, Airtel company in Rock Show sponsored ding ahihdan leng thusuak in taklang hi. Tukum a item heltel thak dingte ahihleh Film Festival, Hornbil Dance Competition, Hornbill Master Chef Competition leh a dang bangzahhiam behlap hiding hi. (NNN)

Read 808 times
Login to post comments