You are here: HomeNewsEntertainmentKa kituahpih ding mi ka munaikei: Priyanka Chopra

Ka kituahpih ding mi ka munaikei: Priyanka Chopra

Written by  Published inEntertainment Tuesday, 05 November 2013 14:32
Ka kituahpih ding mi ka munaikei: Priyanka Chopra

Bollywood actress tallang mahmah, Priyanka Chopra in amah kituahpih ding leh damsung hun zatkhawm pih dia kitenpih ding tangval ‘Special’ taktak mu nailou a hihdan gen hi.

 


Thuthaksaite toh houlimna hun a Priyanka ina genna ah, ka damsung kingakna ding mi muanhuai huntawk ka muh nailouh ziak in pasal neih ding mawk in ka kinoh thei naikei chi hi. Priyanka sanggampa neuzaw, Siddharth Chopra in a hihleh hun bangtanhiam paisa in engagement ana bawlta a, tua dungzui in 2014 chiang a kitenna taktak neita ding uh a hihdan taklat in om hi.

 


Thuthaksaite’n hichibang a Priyanka sanggampa tanchin a genlai un dotna lam ah lutnaikei mahle uh Priyanka in bel a thudot ding un ana theikhol khinta hi. A genna ah, na hon dotding uh ka theihkholh ziak in ka hon hilh ding chin pasal nei dia kimannailou a hihdan leh a innkuante a kipan leng pressuer omlou a hihdan chiangtak in thuthaksaite kiang ah hilh hi.

 


Priyanka film nanung Krrish 3 khahkhiak in omlel a, mabanah boxer Mary Kom biopic story, 'Gunday', leh Zoya Akhtar toh project khat sepsuah sawm in panla lel hi. (PTI)

 

 

Read 737 times
Login to post comments