You are here: HomeNewsEntertainmentLady Gaga in khawk sateuh lou

Lady Gaga in khawk sateuh lou

Written by  Published inEntertainment Thursday, 14 November 2013 15:05
Lady Gaga in khawk sateuh lou

Legendary singer Madonna leh Lady Gaga kal ah kitheihsiamlouhna om mahleh huaipen Gaga in poi sa vetlou a, lungsim a veina leh khawk sakna himhim neilou Gaga a om chiang in a langkhat ah Madonna ana thangpai mahmah a, a kal siatna uh bawllem dia panlak sawmlou chi’n ngoh suk zel hi.

 


Singer nihte kal a issue om pen bei ngeilou leh veng ngeilou ding hileh leng Gaga in bel khawk saktuak hetlou in omthei a, hiai issue ziak a bangmah bahloh lou ding a hihdan leh a lehlam ah Madonna in bel ana buaipih mahmah a hihdan Gaga in gen hi.

 


2011 kum a Gaga in ana khahkhiak, 'Born This Way' single leh Madonna single 'Express Yourself, in kibatna tamtak a neih ziak ua hichibang kisiat kibalna piang ahi chia thuthang pen a dik mah hia chia thuthaksaite’n Gaga kiang a dotna a bawl uh Gaga in a dawnna ah, ‘hiai kitheihsiamlouhna kichi hong kipatdan lam chituamtuam in a gentheih hi, himahleh kei ngaihdan in bel, single kibatziak a Madonna thangpaihna sang in hiai tungtang ka puaklat pih hetlouh ziak a ka tung a, a thangpaihna a uangzaw, himahleh ken bel khawk kasa teuhkei chi hi.

 


A gen zomzelna ah, thil haihuai mahmah ahi, singer tuamtuam tamtak a kiom a, huaite’n single tampi tak kibawl chiat a hih manin kibatna chiang nei single khat leh nih bel omthei tham ahi, Madonna kichi amah kia a khosa tuam ahituan a hia? A hihkeileh single khat a kibat khak zek ziak a, a hinkhua leh a career pumpi segawp ding ahituan a hia? Huchibang tuk a leikou mite ling (thorn) in ka gawt ut mahmah chi hi.

 


Kum 27 a upa 'Bad Romance' singer, Gaga in a hihleh midang toh leng buaina ana tuak munsim mahmah a, 'Fashion Police' co-host Kelly Osbourne toh a kal uh leng zanlam zek in veng theipan hi. Hichibang thil tuak mahleng kei mohna ahi gige kei, kuahiam khat ka hinkhua a, a hong kigolh chiang a hichibang tuak kahi chi hi.(Contactmusic)

 

 

Read 943 times
Login to post comments