You are here: HomeNewsEntertainment7 Remarkable Stories of Vladimir Putin

7 Remarkable Stories of Vladimir Putin

Written by  Published inEntertainment Tuesday, 19 November 2013 16:25
7 Remarkable Stories of Vladimir Putin

1. Zungbuh gutu a ngohna mang nawnlou ding: Tukum June kha in New England Patriots neitu, Robert Kraft in Russian President Vladimir Putin tung ah ngohna khat ana bawl hi. Huaibel, Robert in 2005 kum a Russia gam a veh hun a Putin in amah a kipan 2004 Super Bowl ring ana guksak a hihdan ana taklang hi. 

 

Kraft in hiai toh kisai New York Post a, a taklat dan i en zual ding: “Russia gam a ka hoh lai in ka khut a kipan zungbuh ka sutkhia a, Putin kiang ah ka lak hi, himahleh putin in amah khut ah a bun a, bangmah genlou in hon paimangsan hiau hi. Huai hun a ka thilgen bel, ‘huai zungbuh toh kuahiam khat va that in aw’, ken bel ka khut ka sakhau pawlam ah ka koih a, aman bel a sunglam ah a khumlut in midang 3 toh a vakkhe hiau uh’ chi hi.

 

Hichibang ngohna Putin thupuangtute’n nial vek mahle uh, gam khat makai leh khovel a mi tallang mahmah a hihna zar in ngoh a hihna maimah leng mi theih in kilawm hetlou hi. Amah bang dinmun luahtu, Barack Obama, Xi Jinping a hihkeileh Angela Merkel chihte’n hichibang ngohna a tuak ngei uh hin nathei hia?? Hiai tangthu in tuh Putin khangthu ah chiamteh tham thil khat ana bawl mawk hi. Huaibel President dia thil thulimlouchik guk ziak a guktakna leh gamtat hoihlou a minsiatna in tuni tan a nung a zuita hi. Etsakna ding in Russian journalist Masha Gessen in a laibu bawl, "The Man Without a Face" kichi ah Putin zungbuh gukna gelhtel khak in om zomah hi.Tuabanah Here laibu gelh, Gessen in leng ring transaction toh kisai ana gen nawn leuleu hi. Hiaite banah a mang thei nawnlou ding a chiamtehna bangzahhiam leng a omlai hi.

 

2. A bodyguard 1 in nou a guk ziak in zum petmah hi. A nihna ah Guggenheim Museum a Putin leh a bodyguard-te a hoh hunun Bodyguard khat in vodka (zu mantam mahmah) kikoihna Kalashnikjov nou khat ana gu nawn leuleu zel hi.

 

September 2005 ahi a, Putin tuh New York's Guggenheim Museum a hunzatna khat ah khuallian dia chial in om hi. Hiai hun a function zintuntute leh Putin houlim tui tak a, a om lai un Vodka koihna dia design nalh leh tuambik a kibawl Kalashnikov container khat ana kigu nawn a, hiai in a hihleh Moscow ah $300 bang manzou ding hi. Bodyguard khat in nou gu a pawtkhia ahi chih Putin in a theih phet in zum petmah a, gen ding theilou in a hohna mun nusia hi.

 

3. Kial ziak a sihna tanpha a tun dek lai in Putin hausa a khep in pung:  A thumna ah, Putin in hauhsakna a lunggulh ziak in zahlakna thupitak leng ana tuak nawn hi; 1991 kum in Putin tuh deputy mayor of St. Petersburg ahi a, himahleh mizawng leh gentheite a dia solkal in sa a hawmzakte nekguk chih leh a dangdang thangsak petmah hi. Khopi khenkhat a mi zawngte ann ngawl a si phial a, a omlai un amaute a ding Puttin in ana huaikhawm a, huai hun a, a hauhsakna tuh $40 billion a kipan $70 billion tungtou zou hi.

 

4.Dakkal 3 sung vingveng John Kerry kingak sak:  A 4na ah Putin tuh gamdang a kipan official-te toh kimuh ding chiang a kizekai sak ut a khel tat khemkhem mi ahi hi. Tua dungzui in US secretary of state John Kerry in leng tukum bullam in dakkal 3 hilhial Putin zia ngak kha hi.

 

Thuthak paungzaktu leh tanchinbu bawlte’n putin thukheldan a tuamtuam in description bawl uhi. Tuate lak a, a gen nalh mahmah khat tuh, Moscow pansan opposition news paper Novaya Gazeta a opinion editor Andrei Kolesnikov in, ‘"tuchiang a Putin tung a thunei bel Pathian kia ahi’. Khovel ah person No. 1 ahi a, a ut huhun in a kizekai sak thei chi’n ana gen hi.

 

5. Pilkhel tak in supporter zong  Russia gam a president hihna a let tunglai in supporter hau lawmlawm lou a, milian leh milalte deihsakna leng ana tang lawmlawm lou a hih manin Russia gamsung mah a building khat amah leh a nungzuite’nb bomb in hihsia ua, hiai thiltung pen Chechnya leh Dagestan a kipan helte sulnung ahi chi’n ngohna diklou bawl uhi. Kum tamtak a hong painung in thil omdan diktak pholhsuah in hong om a, huaibel, Putin a dia mi poimawh mahmah khenkhat te’n Putin minhoih a khuksak theihna ding uleh Putin in gamsung leh gamdang a supporter tamsem a ngeih theihna dia hichibang thil ana hih uh hi a, Chechnya mun ngial ah kidouna huaisetak tunloh hi.

 

6. Moscow Apartment hihsiatna  Hiai bomb puak ah mihing a sang sim in liamna tuak ua, 293 in sihna ana tuak uhi. Putin in hichibang thiltung toh kisai bangmah thu ana theikhalou himhim a hihdan 2000 kum in "First Person," tanchinbu ah chiangtak in ana gen hi.

 

Theilou taktak mah hia? A hih­keileh a theilou lem kineih hia? Amah thugen mahmah i simsuk ding. “bang eita..!? ka gamsung a building bangdin kei mah in ka hihse dia ahia? Hichibang a non ngohna uh thil kilawmhetlou ahi a, zahlak tak in na hon koih uh. Russia gamsung a kuapeuh in a mihinpihte tung ah hichibang thil a semsuah ngam kei ding’ ana chi hi. Putin tuh 1980s laivel a East Germany a KGB agent hihna a let lai in leng German intelligence report ah gentel in om deuh gige hi. Huaibel bangdang ziak ahikei, omdan kilawmlou leh zite vuak hatlua (wife-beater) chin ana chiamteh uhi.

 

7. Vladimir Putin Lyudmilla Wife  When Putin leh a zi a hihleh tukum June khabullam in ana kikhen uhi. Bang dang ziak hilou in Putin in kimawlmi naupangchik, Alina Kabaeva leh midang khenkhat banah a personal photographer Yana Lapikova chihte a zi sang mah a, a pibawl zawk ziak hih tuak hi. Hichibang thuthang tuh kum 1 vel a zi taktak pen in dohzou tak in thuak hi. Hiai ngohnate toh kisai in Putin ngei in leng a gen ding tam a thei hetkei a, nial leng a nial thei samkei hi.

Read 946 times
Login to post comments