You are here: HomeNewsEntertainmentOne Direction album thak in Album chart ah top luah

One Direction album thak in Album chart ah top luah

Written by  Published inEntertainment Tuesday, 03 December 2013 15:49
One Direction album thak in Album chart ah top luah

One Direction band in a khahkhiak thak, 'Midnight Memories' album in UK album chart a No.1 luahtou a, hiai album a hihleh 2013 sung a dia ‘fastest selling album’ a chiamteh leng ahi hi..

 

Official Charts Company a kipan thusuak in a taklat dan in, One Direc­tion studio album thumna, 'Midnight Memories' a hihleh kalkhat sung in copy 237,000 zuakkhiak in om a, hiai in 2011 kum a,a khahkhiak uh 'Up All Night', leh 2012 kum a, a khahkhiak uh, Take Me Home chihte record kheng vek hi. Up All Night a hihleh kalkhat sung in copy 139,000 zuakkh­iak in om a, Take me Home a hihleh copu 155,000 zuakkhiak in om hi.

 

Amau bang a lasasiam dangte record toh tehkak in Daft Punk in tukum May kha a, a khahkhiak,'Random Access Memories album leng kalkhat sung in 165,000 copy zuakkhiak in om a, hiai in bangtanhiam sung “fastest selling album of 2013’ hihna ana luah mahleh One Direction in amah a nanungpen a hon khahkhiak a kipan top ah hawlkhiak in om hi.

 

Official Charts Company's Chief Executive, Martin Talbot in a genna ah, hiai album pen One Direction a dia “fastest selling” kia ahikei, 2011 kum a Michael Buble ina khahkhiak, Christmas album nung a dia copy 200,000 tung zuakkhe masapen a leng chiamteh in om hi. (Contactmusic)

Read 702 times
Login to post comments