You are here: HomeNewsEntertainmentJustin Bieber leh Selena Gomez kingawm nawn zel..!!??

Justin Bieber leh Selena Gomez kingawm nawn zel..!!??

Written by  Published inEntertainment Sunday, 05 January 2014 01:18
Justin Bieber leh Selena Gomez kingawm nawn zel..!!??

Lamka khopi sung a electric current bangphial a relationship ginalou, Selena Gomez leh Justin Bieber-te’n a relation uh a hihtatna nanungpen uh kumkhat valzek paisa himahleh tuchiang a kigawmkik ding simthu lel nawn leuleu uh hihtuak hi.

 

Bieber leh Selena fans-te a dia thu zaknophuailou penpen tuh hiai tuailai nihte relationship ginaloutak mai, kikhenzel, leh kigawm zel tungtang hi a, kumlui zalmangpha a kichih nanungpen hun un bel maban ah leng kigawmkik nawnlou ding bang mahle uh 2nd January, 2014 ni in Bieber tenna inn kum ah hunawl a zatkhawm lai uh muhkhak in om nawnta hi. Tuaziak in a kingai nawn uh chih bel chiangtak a genthei ahi tuankei, himahleh a hunpaisate uh etkik in tutung in leng a lungsim ua om thute ki-bet tham ching hi. Tamtakte’n a kigawmkik nawn ding uh deihsak kei mahle uh a lungsim tak uah bel kigawmkik ngeingei ding uh ahi chih ngaihdan nei khinta uhi.

 

Kum 19 a upa Bieber in interview na khat a, a genna ah, Gomez tuh ka hinna in a poimawh mahmah lai a, khatveitei kigawmkiknawn ka lamen chih ana gen khinta hi. Hiai interview hun a, a thugen ziak a Gomez in kiknawn sawm ahidiam chih bel theih hikei mahleh tulel dinmun et in Gomez leng Bieber lam ah kihong petmah hihtuak hi.

 

Gomez in a hihleh damlouhna paulam in ni bangzahhiam paisa in Australian tour ana cancelled khinta a, hiai tungtang thuchian puangkhe kei mahleh hunpaisa a, a lawm lui ( Justin) a dia a lungtang sung a munawng a bawlsak ziak leng hingei dia gintakhuai a hihdan thusuak in taklang hi. (Contactmusic)  

Read 1289 times
Login to post comments