You are here: HomeNewsFeature NewsBAC in BukpiTimes Award 2016 hawmkhia

BAC in BukpiTimes Award 2016 hawmkhia

Written by  BukpiTimes Published infeature News Sunday, 12 February 2017 16:39
BAC in BukpiTimes Award 2016 hawmkhia

Lamka, Feb-11: YPA Hall, Dorcas veng ah tuni’n BukpiTimes Award Committee (BAC) te’n Bukpi Siamsin Award abawl uh “BukpiTimes Award 2016 leh 2017 a Exam dingte thumsakna nei uhi. Huai hun ah Langkhanpau Guite, Chairman, ADC/CCpur leh CT Lian Guite, MDC, 16-New Lamka (W) te’n Special Guest hihna tawh uap uh a, T. Paukhianlian MDC, 9-Ngazam in buaina aneih ziakin uapthei lou hi. Special Invitees ah Phungzakham, Chairman, BKK in uap hi.

 

Langkhanpau Guite in a thugenna ah i pau (Bukpi pau) kepbit deihhuai asakthu gen a, zumpihlou a tawisang zawk ding ahihdan gen in, Bukpi pau man ding lauhuai hi’n gen hi. Siamsinna tawh kisai in, ADC leh govt school-te awlawl a hong hoih ding, semlou a lawhlak chihte hong hitheilou ding ahihdan gen in, Biometric attendance tawh kisai ADC school 10 ah koih hita hi’n gen hi. Aman agenzelna ah, i gam adia sa poimawh mahmah Sial(mithun) leng Bukpi gam ah tampen hi’n gen a, huaite hoihtak a kephoih deihthu leng gen hi.

 

CT Lian Guite in athugenna ah, eilawi khanmawh bok pen zumhat (timid) ziak hi’n gen hi. A hoihlam himhim a kipahtawi luat ding ahihdan naktak in gen hi. Siamsinna lam a lawhchinna dingin tup(goal) neih poimawh a, huai banah hun bikhiah leh huai i tup lawhchinna dia daltheihte theih poimawh hi’n gen hi. Aman agenzelna ah, i tupte uh niamtheilua ahihdan gen in, tup sangpi neih ding hileh i tup tan tunlouh tawp aleng i tup apan gamlalou a khe ding hi’n gen hi.

 

Phungzakham in agenna ah, niteng a khawllou a laisim ding ahihdan gen hi. Aman agenzelna ah, Liankitang’ nu-le-pa’n kum tengin buh tin 300/400 khou gige uh chi hi. Amau pitek-putek himahle uh nitengin lou kuan gige uh a, off ni omlou in niteng in sem uh a, tua ziakin pasal thahat taktakte sang inleng buhhau theizaw uh ahihdan etsakna dingin gen hi. Laisiam kia hunlou ahihdan gen in omdan-gamtat hoih leng neih ding banah khawtang adia phatuam ngaihna neih poimawh asakthu gen hi.

 

Hiai hun zatna ah T. Gouzanang, Adviser, BAC in patna thumna nei a, Rev T. Kaikhotuan in exam dingte leh Awardee-te adingin thumsakna leh hasotna thugen hi. Huai banah, Bukpi lasiam Joshua Nangchinhau Tonsing leh a lawmnu, Miss Kimthiannem leh Miss Mangnunmawi te’n lasa uhi.

 

K. Dongsiamding, Secy, BAC in BukpiTimes Award 2016 hawmkhia in, huai ah- Miss Siamlalnem d/o S. Lianzakham of Vengnuam, New Lamka in N. Goulian & family leh Dr. H. Nengkhanpau & family te’n a donate uh- Nu (late) Pamngaihchiin Memorial Award (Overall Topper Award) leh (late) H. Khamlian Memorial Award (CBSE’ Class XII Arts Topper Award) la a, Rs. 5000/- + Rs. 2500 leh Memento sang hi. Aman CBSE saina in Class XII Arts ah 1st division 84.4% in zou hi.

 

Miss Ruthi Manngaihlian d/o Khamkhosiam of Vengnuam (S), New Lamka in N. Liantungnung (Chief of Bukpi) & family te’n a donate uh (late) N. Gouthawn Memorial Award la a, Rs. 2500/- leh memento sang hi. Aman BSEM saina a Class X exam ah 1st division 65.4% in zou hi.

 

Nekkhankhual s/o N. Khamzakhen of Thangdong veng, Gangpimual in Nu Chiinkhoniang & family te’n a donate uh (late) Ngailianmoi Memorial Award la a, Rs. 2500/- leh memento sang hi. Aman COHSEM saina a Class XII Arts exam ah 1st Division 67.8% in zou hi.

 

Vungmuansiam d/o Vungzadong of Chimtung veng, New Lamka in Damsawmthang & family, New Delhi te’n a donate uh BA Topper’s Award la a, Rs. 2500/- leh memento sang hi. Aman MU saina a BA 6th sem exam ah 1st Class 72.3% in zou hi.

 

Joshua Nangchinhau Tonsing s/o Ginzathang Tonsing of Siloam veng, Bungmual in Nu Chinghoihmawi & family, USA te’n a donate uh B.Com Topper’s Award la a, Rs. 2500/- leh memento sang hi. Aman MU nuai a B.Com 6th Sem examna ah 1st Class 64.83% in zou hi.

 

Huai banah, BukpiTimes Meritorious Award ah GBC apan M.Div zou Khaijohnpaul s/o Chinkamlian of Bethel veng, New Lamka kipahpihna memento piak in om hi.

 

Organiser te’n Award hawmkhiakna dia panla kuapeuh tungah kipahthugen uh a, abikin Donorte, Special Guest leh Invitees-te, prog a tanmun neite leh Bukpi Artiste, Nxt Digital, YPA Dorcas veng unit tungah kipak petmah ahihdan gen uhi. BukpiTimes Award, 2017 thupizaw sem a zat hidi’n leng gen uhi.

 

 

Award ngahte :

  

  

 

  

 

  

 

RESULT

  

 

 

Limlak nepnoite : hiai ah

Read 413 times Last modified on Sunday, 12 February 2017 16:50
More in this category: « BukpiTimes Award
Login to post comments