You are here: HomeNewsSports NewsChampion Ding A Lam-Et Khatna

Champion Ding A Lam-Et Khatna

Written by  Khampi Published inSports News Monday, 09 June 2014 21:49

A kuama peuh in a ngaklah leh bildoh pen a a neih, leitung football kidemna thupi pen World Cup, Brazil ah kipan petmah ding hita a; i site ah leng hiai World Cup toh kisai hong gelh ding leh hong update ding in footbal a uk mahmah, Malaysia a om Pu Suan Khan Kham aka Khampi i nei a, i lungdam hi. Aman tutung world cup toh kisai a ut bangbang hong gelh ziahziah ding a, world cup toh kisai a gelhthoh lam ah i site hong vak ding hi.World Cup pen miteng ngaihven ahihna ah amah Khampi lou, midang a gelhnuam a om leh zong ZOGAMonline in ki welcome gige ding hi chih zong i gennuam kawm hi.

 

A masapen in tutung a champion ding a lamet bangzah hiam hon gelh phot ding hi. (admin: ZOL)

 

Champion Ding A Lam-Et Khatna


~By: Khampi

 

Tu kum Brazil a football World Cup kidemna a champion ding a lam-ette gelh ding pen baihlou hi. Ahang banghiam chihleh a kidem dingte a siam ngentang ahihman uh hi. Bangteng hileh a Champion ding a lamet thum tan bek hong gelh sawm ding hi ing. Tukum a Champion ding a mi tampen in a lamet bel inntek Brazil hi pah hi.A siamna uh simlouh, intek ahihna vuah home environment pen amau a ding a phatuam ding a Champion hi ding a lametna lianpi om hi.

 

Brazil gam pan a kimawl ding mi 23 pha uhi.

Amaute Lamhilh (Coach)- Luiz Scolari

Kungpang - Cesar, Jefferson, Victor

Nungdal - Alves, Maicon, Marcelo, Maxwell, Silva, Luiz, Henrique, Dante

Alai - Gustavo, Paulinho, Ramires, Fernandanho, Hernanes, Oscar, Willian, Hulk

Maitai - Neymar JR, Jo, Fred, Bernard

 

Lamhilh pupa ahi Luiz Scolari in pen khangno lamte tam tel lua ngam lo in Neymar, Oscar leh Bernard, amau teng bek kum 23 nuai siah ahi hi.

 

World Cup pian zawh a tam vei ngah pen, a gualzo pen ahi Brazil in tua a Lamhilh pa mah tawh 2002 kum in a a nunung pen na ngah ngei uh hi.

 

Tukum pen Group A ah Croatia, Mexico, Cameroon te tawh ki tuak khawm kha uh ahi hi.

 

Overview. Alai kimawlte a hoih mahmah hang in amaitaite deih bang zo pha lo uh hi. Anungdalte pen tu laitak leitung bup ah a muanhuai pen pawl ahi hi.

 

Tukum World Cup a kimawl masa pen ding Brazil vs Croatia puai ciang hong zo/kidin/lel diam ngak lah hang ei.

 

 

 

Read 705 times Last modified on Monday, 09 June 2014 22:11
Login to post comments