You are here: HomeNewsSports NewsTuni dong World Cup a gualzote

Tuni dong World Cup a gualzote

Written by  Khampi Published inSports News Wednesday, 11 June 2014 14:24

~ By: Khampi, Malaysia

 

I theih tek sa bang in kum li teh khatvei ta kidemna ahi football World Cup pen tukum Brazil ah hong om nawn ahihman in World Cup thu tuamtuam i gen toto lai ding hi. Tutung in World Cup a pian a kipan tuni dong a ki suihna gam leh Winner leh Runner te i theih sasa himah taleh a kiphuat cil 1930 pan tuni ciang a gualzo te hong gelh kik nuam ing. World Cup ki phuat cil ahi 1930 kum hi in Uruguay in inntual (host) sem uh a Final dong na kahto zo uh hi. Final ah a gam veng (inveng) ahi Argentina tawh hong ki tuak uh a Uruguay 4-2 Argentina tawh hong zo in World Cup ngah masa pente hong hi uh hi.

 

World Cup ah nihvei na a hi 1934 kum ciang in inntek Italy in hong sem in amau zong inntual ah Final ciang mah hong tung leuleu uhi. Final ah Italy 2-1 Czechoslovakia tawh tawh hong zo in Wrorld Cup a nih vei na Champion hong ngah uh hi. 1938 Kum ciang in a yhumvei na World Cup hong tung leuleu in France te inntek hong sim in Final ah 1938 kum a Champion Italy leh Hungary hong ki tuak uh a Italy 4-2 Hungary tawhzo in Italy te nihvei a kizom in Champion hong ngah uh hi. World Cup pen Kum 4 teh khat vei ta ki bawl hi mah tase leh 1942 leh 1946 te ah buaina tuamtuam tawh bawl zo lo uh hi. 1950 kum ciang in hong ki pan kik leuleu uh a inntek Brazil in hong sem in Final dong mah hong tung tozo uh a Final ah Uruguay tawh hong ki tuak uh a Brazil 1-2 Uruguay tawh Uruguay in hong zo a Champion nihvei hong ngahta uh hi.

 

1954 Kum ciang in Swizerland in inntek sem in Final ah Germany leh Hungary hong ki tuak uh a Hungary te Final nihvei hong tung to zo mah tase leh Champion hong ngah zolo in Germany 3-2 Hungary tawh Germany in Champion hong ngah hi. 1958 kum ciang in Sweden in inntual hong sem in Final dong hong tung to uh a Final ah Brazil tawh hong ki tuak uh hi. Brazil 5-2 Sweden tawh Brazil in Champion hong ngah uh hi. 1962 Kum ciang in Chile in Inntek hong sem in Final ah Brazil leh Chezchoslovakia hong ki tuak in Brazil 3-1 Chezchoslovakia tawh Brazil in 2vei ki zom in Champion hong ngah kik uh a Italy khit teh nivei ki zom a Champion ngahte hong hi uh hi. 1966 Kum ciang in football uk tampi in ih tha piak pha diak a hi England in inntek hong sem in Final dong hong tung to zo uh a Final ah England 4-2 Germany tawh hong zo in Champion hong ngah uh hi.

 

1970 kum ciang in Mexico in inntek sem in Final ah Champion nihvei a kizom a ah ngahte gel ahi Brazil leh Italy hong ki tuak uh a Brazil 4-1 Italy tawh Brazil in a thumvei na Champion hong ngah hi. 1974 kum ciang in Germany in inntek hong sem in Final dong hong tung to zo uh a Final ah Inntek Germany in Germany 2-1 Holland tawh hong zo Germany in Champion hong ngah hi. 1978 kum ciang in Argentina in inntek sem in Final dong hong tung to zo uh a Final ah Argentina 3-1 Holland te hong zo in Champion hong ngah uh hi. Holland te pen thumvei a kizom in final hong kahto uh hi na pi in a nihvei mah in a nihna hong ngah hi. 1982 Kum ciang in Tulai tak Champion ahi Spain in inntek sem in final ah Italy leh Germany hong ki tuak in Italy in Italy 3-1 Germany tawh hong zo in a 3vei na Champion Italy in hong ngah hi. 1986 Kum ciang in Mexico in Inntek sem leuleu in Final ah Argentina leh Germany hong kahto uh a Argentina in Argentina 3-2 Germany tawh hong zo to in a 2vei na Champion hong ngah uh hi.

 

1990 kum ciang in Italy in inntek hong sem in final ah 1986 Kum a Final kah tegel ahi Germany leh Argentina hong ki tuak kik uh a Germany in Germany 1-0 Argentina tawh hong zo kik in 1986 kum a ah lelh uh hong loh kik zo hi. 1994 Kum ciang in US in inntek hong sem in final ah Champion tam vei a ngah pente gel hong ki tuak kik leuleu uh a Brazil mah in Brazil 3-2 Italy tawh hong zo in a 4vei na Champion hong ngah uh hi. 1998 Kum ciang in France in inntek hong sem in Final ciang hong tungto zo a Champion tam vei ngah pen ahi Brazil tawh hong ki tuak uh a France in France 3-0 Brazil tawh hong zo in Champion hong ngah uh hi.

 

2002 Kum ciang in Asia gam Japan leh South Korea ki pawl in inntek hong sem in final ah Brazil leh Germany hong ki tuak uh a Brazil in Brazil 2-0 Germany tawh hong zo in a ngavei na Champion hong ngah uh hi. 2006 Kum ciang in Germany in inntek hong sem in Final ah Italy leh France hong ki tuak in hong ki si khop mahmah uh a Penalty dong hong ki sui in Penalty pan in Italy in 5-3 tawh hong zo in a livei na champion hong ngahta hi. 2010 kum ciang in South Africa in inntek sem in final ah Spain leh Holland hong hi tuak in hi tegel zong hong ki si khop mahmah uh a 116 munite dong hong ki din uh a Iniesta in goal hong khum in Spain in Spain 1-0 Holland in Spain in Champion hong ngah hi .

 

Tukum 2014 ah inntek Brazil hi in kei upmawh na ah Final ah inntek Brazil leh Argentina kah to kha in ka um a Argentina in Champion ngah in ka um mawh hi. Nou e leh?

 

Read 737 times
Login to post comments