You are here: HomeNewsSports NewsUnited player Van Persie in 1-0 in a club lui Arsenal gawt; United in League title mitsuan

United player Van Persie in 1-0 in a club lui Arsenal gawt; United in League title mitsuan

Written by  Published inSports News Tuesday, 12 November 2013 15:53
United player Van Persie in 1-0 in a club lui Arsenal gawt; United in League title mitsuan

MANCHESTER, (England): Pathianni nitak dak 10.40 in Old Trafford stadium mun a Premier League team lian mahmah nih Man­chester United leh Arsenal kimawlna hun ah entu tam mahmah a, khovel pumpi huap in India gam tanpha ah leng football ngainatu fans tamtak te’n hiai kimawlna bildoh chiat uh bang in kilang hi.

 

Tutung fixture ah tu season a top luah Arsenal in Manchester United maituah ding ana huphulh mahmah a, Manchester United kum 2002 akipan Premier League title khah­suahlou in ana lentou den a, ban ah Arsenal toh kibeihna om teng ah leng Manchester United in vualzohna ngah gige hi. Arsenal in 9vei hial league final tunpih mahleh zo­hkhiat bangmah neilou hi. Pathianni nitak inleng hiai team nihte kibeithei mahmah ua, himahleh first half kimawlna hun ah minute 27 in Machester United striker Rooney in corner nalhtak a apek Robin van Persie in nuamtak in a lu in Arsenal goal ah nalhtak in head lut a, entu Man Utd tamtak kipak in kikou zuazua hial uhi. Pathianni nitak mah in top four-contender- te lak a Tottenham leh Manchester City leh Arsenal te leng a vuallelh khak ziak un, tu in Man Utd in League table ah point 20 mu in top 5na luahtou venvon a, League title luahtu ding kitaitehna ah telpha ban suak maimah hi. Arsenal in ahihleh a point 25 khangsak tuankei mahleh top 1 luah veve lai hi. Top 5 tan ah Manchester United(20), Chelsea(21), Southampton(22), Liverpool(23) leh Arse­nal(25) chihte kivualtou dendan ua, game khat a vualzohna in dinmun sangtak tunpih thei ding uh ahihdan leng kilang mahmah hi. Man Utd maban ding leng limchi mahmah a, point 1,2,3 lel a kikhaitou atung a top luah team-te maban a taikan ding kilam en mahmah hi. Gunners manager Arsene Wenger in game kipatma in Van Persie ichih Arsenal mi hilai ahi chi’n pang tinten mahleh Persie in kisuanglah hetlou in goal khat in Arsenal gawtna pia a, point 20 mu in United top 5 ah vawksangtou hi. Tu in Premier makaitu Arsenal nenniam ahihtheihna ding in United in point 5 poimoh hi.

 

Premier League match dang ah News­castle in 1-0 in Tottenham zoukhia a,League table ah tu in Newcastle in point 17 mu in top 9na luahtou a, Tottenham in point 20 mu in 7na luah hi. Sunderland in 1-0 in Man­chester City zoukhia a, tu in Manchester City point 19 mu in top 8na luah a, Sunderland in point 7 mu in top 19na ah omlel hi. Swabsea leh Stoke-te bel ki-draw uhi. November 23, 2013(Kiginni)chiang in kimawlna om nawn ding a, top 5 contender-te lak ah Liverpool in Everton maituah ding a, Arsenal in South­ampton maituah ding a, Chelsea in West Ham maituah ding hi.November 24,2013(Pathi­anni chiang in Tottenham leh City kibei ding ua, United in Cardiff maituah ding hi.(BBC)

Read 662 times
Login to post comments