You are here: HomeNewsSports NewsCrystal Palace 1-0 West Ham United

Crystal Palace 1-0 West Ham United

Written by  Published inSports News Thursday, 05 December 2013 17:22
Crystal Palace 1-0 West Ham United

London: Premier League kimawlna lohchingtak in paizomtouzel a, hiai toh kiton in Sepnawnni in Crystal Palace in home ground Selhurst Park mun ah West Ham United zintun hi. League table a nia­mpen hihna luah Crystal Palace in dinmun haksatak maituah kawm in home match masapen aneihna hun ah 1-0 in

 

West Ham United zoukhia hi. First half beikuan minute 42 in Marouane Chamakh in Crys­tal Palace ading in goal khat peklut kha zenzen a, kipaklua in kikoukhe loiloi hial hi. Point 3 amuhbeh utoh kiton in League table a niampen hihna akipan in point 10 mu in top 19na ah kaltou uhi. Tulel in League table ah Sunderland in niampen hihna luah hi. Apaita Kiginni in West Ham United in 3-0 in Fulham thazoh mahleh Sepnawnni nitak a Crystal Palace toh kibeihtuahna hun ah goal khat leng khumkhelou in vuallel hi. Crystal Palace manager Pulis in a player phat mahmah a, kimawltung akipan player-te’n kipumpiakna hoihtak nei a kimawlna paipih ahihdan gen hi.

 

West Ham United vual­lelh ziak in manager Sam Allardyce in kimawlna toh kisai thangpaihuai chi’n ana genkhe khial hi. Marouane Chamakh goal khum in West Ham United-te chiamnuih lel suaksak toh kibang chi’n ana gen a, player-te ad­ing a maizumna kia hi­mailou in, official-te ad­ing inleng zumhuai chi’n anagen hial hi. West Ham United in point bang­mah a muhlouh ziak in tu in League Table ah point 13 mu in Top 15na luahlel hi. Dimun niampen(relegated) chi a chiamteh a om gige ding utlouh ziak in Crys­tal Palace in lungsim tak toh kimawlna ana paipih hi. Kiginni chiang in home match dang khat ah Crystal Palace in Cardiff City maituah nawn ding a, tu dinmun sang a dinmun hoihzaw a muh ngeileng kilam en mahmah hi.(BBC)

Read 865 times
Login to post comments