You are here: HomeNewsSports NewsCapital One Cup-Semi-Final First Leg ah West Ham in Manchester City maituah ding huphulh

Capital One Cup-Semi-Final First Leg ah West Ham in Manchester City maituah ding huphulh

Written by  Published inSports News Wednesday, 08 January 2014 14:20
Capital One Cup-Semi-Final First Leg ah West Ham in Manchester City maituah ding huphulh

Nilaini nitak dak 7.45 in Capital One Cup-Semi-Final First Leg kimawlna ah Manchester City leh West Ham kibein­awn ding ua, West Ham tung a vualzoh­na ngah ahih ngeingei leh Manchester City in kum 1976 akipan League Cup final a tangtunpihna thupitak masapen hilai ding hi.

 

Match 13 a kimawlna om ah City boss Manuel Pellegrini lamte’n vual­zohna ngahtou den ua, hiai toh kiton in Manchester City in Nilaini nitak a Etihad Stadium a Capital One Cup-semi-final first leg a West Ham manager Sam Allardyce lamte kibeihpih ding kal ngaklah mahmah hi. Kiginni nitak a FA Cup kimawlna ah League Cup a nihvei vualzohna ngah City in 1-1 in Blackburn Rovers ki-drawpih mahleh season haksatak lak ah West Ham lamte zohkhiat ding bel kimuang mahmah uhi. League Cup ah West Ham in khatvei leng vualzohna ngahkha nailou a, hun paisa a game 9 kimawlna hunsung in khatvei vualzou kha zenzen a, City toh kimaituah ding aguktak in huphulh mahmah uhi. Khalui in West Ham Al­lardyce lamte’n semi-final tan tunthei­hna ding in lamdangtak in 2-1 in Tot­tenham zoukhe khia hi. Nilaini nitak a Manchester City toh kibeihtuahna hun ah London Club West Ham key player khenkhat-striker Andy Carroll (foot) leh defenders James Tomkins (groin) leh James Collins (calf)-te tellou ding ua,Winston Reid (ankle) leh Ricardo Vaz Te (shoulder)-te leng telbanlou ding ua, midfielder captain Kevin Nolan leng suspend in omden lai hi. West Ham boss Allardyce in 5-0 a Forest alelhna thu toh kisai agendan in, 5-0 a zohkhiat ding ut kuamah omlou a, Mamchester City toh Semi-final kimawlna apoimoh pen ahi chi’n gen hi.

 

West Ham toh kibeihtuah ding in City key player khenkhat- Sergio Aguero (calf) leh Dedryck Boyata (suspension)- te leng teltheilou ding ua, himahleh Micah Richards, Stevan Jovetic leh Martin Demichelis (all hamstring)-te bel telzou maithei ding uhi.The Lamka Post prediction: 3-0(Soccerway)

 

 

Read 616 times Last modified on Wednesday, 08 January 2014 14:26
Login to post comments