You are here: HomeNewsTech ReviewsMobile bang chi zat le sawt pang ding?

Mobile bang chi zat le sawt pang ding?

Written by  Kawlva Published inTech Reviews Tuesday, 30 July 2013 10:38
Mobile bang chi zat le sawt pang ding?

~By: Kawlva

Tulai khovel i et leh thil a neupen apan alian pen tan, electric zat ngai vek phial ta hi. Hichi bang kawm kal ah Mobile phone bang leng electric (in this case battery) zang mah in ut na munmun a tawikawm in kihou na dingin zat theih ta hi. Mobile phone a hong neu deuhdeuh a, a sep theih pung hulhul in a man leng tam hiaihiai maimah hi. Hiai mobile phone I poimoh na uh tuam chiat mahleh, I zat na uh kibang vek ahi. Phone a sawt deuh kihou theih na, la ngaih nang leh thil dang azat na tuamtuam a zang I hih na uah, a man bang le tawm khollo ahih na ah, sawt thei pen zat ki ut chiat hi. Tua I gen nop pen bang dang hilo in hiai mobile phone pen kha bang chi zat leng sawt hon daih pen ding hiam?

 

Mobile phone himhim battery a pai ahih ziak in battery lam gen zek masa leng ka ut ahi. Battery chituam tuam om himah leh tu lai a Li-Ion ki zang tang pi ahi. Hiai battery pen kha a tang piin a thak lei khit phet chiang in a tawm pen a dak kal 4-5 sung khong hoih tak a charge ngai dan ahi. Zat pah I ut sek ziak in a charge ding hun zah bang charge khollo a I zat leh bel sawt hoih taktak lo dan ahi. Khakhat in khat vei bek a battery leh a phone ki sukhak na mun pen hah siang zel leng deih huai hi. Charging dan bang le a bei ma deuh in charge zel le, a beih khiat chiang a charge sang a hoih zaw, himahleh a kimkhat bang a om lai a charge pen kha hoih tuan lo dan ahi. A dim a charge man gige lo bang I hih leh battery in leng lel veve dan ahi. Li-Ion battery in “virtual memory effect” kichi nei a, a dimlo a charge mun luat a leh huai effect ziak in battery dim bang gige mah leh sawt daih hetlo ding hi. Hiai pen a ven nang in a dim mahin charge zel theile. Pilvan ngai nawnna khat ahih leh a khengval a charge theih mok ahi. Battery pen a tangpi in indicator om ahih man in a dim chiang a lak khiak pah theih leh hoih ahi. A dim nung a sawtpi charge lai ziak a sawt pang tuan teuhlo, a siat na a pang zaw daih dan ahi. A khengval a charge mun luat leh sawtlo nung a battery puak (bulging) thei ahi. A hong puak hial leh zaw a nunglam bang ki siin theilo thepthup ut mahmah hi. Battery charger te a tang pi in rating nei vek ahih na uah, pil vang tak a charger bang le zat ding ahi, phone charger bang le a tuamtuam mok zat khollouh poi hetlo ahi. Tulai bang in data-cable neilo phone a om khol kei dia, hiai te bang leng a pin kituah ziak a muhmuh zat khollouh poi het lo ahi. Hiaite (data cable) bang leng power rating nei vek, ahih man in na phone toh kituak ding a hon piak sa pen mah uh zat zawk ding ahi.

 

Battery sawt thei tawp zat nang in zaw phone bang le dop luat ban ah thil tampi guanlouh ahoih zaw tham hi. La leh milem tam guan deih huai in ut huai mah leh a battery in ana zo khol lo hi. Signal omlouh na bang a zaw sumit vet le battery heklo deuh hi. Phone khenkhat te ah application tuamtuam guan theih in zat theih himahleh a zat dan I siam kei leh hiai application khak khinlo a, hong sa a nawtsiat khak baih lam mahmah ahi. Hiaite bang in battery a na ne ek ut hi. Phone khen khat ah hiai application ki hong te a banban a et na om hi, himahle phone teng ah om veklo ahih na ah application zat te pen sumit thei zel le hoih mahmah din gintak huai hi. Vannuaizom (internet) bang ah thil download bawl bang leng application (browser) kha khak hoihlouh ziak a theih lo kal a download bang ana pai in sum kia hilo a battery bang le bei zungzung thei ahi. Theih samah bang in camera bang le hoih thei mahmah himah leh flash ziak in battery hek ut mahmah hi. A poimoh lo in ON chitchiat khol kei le battery heklo mai ahi.

 

Ringtone tuamtuam la nalh pipi zat te khong bang le battery in lel mahmah dan ahi, vibration mode bang leng hoih hetlo dan ahi. A omsa te kha hoih zaw tham daih ahi. Wallpaper bang le a omsa te zat battery heklo zaw. Animated screen saver khong bang le zatlo in battery save nak mahmah.

 

A poimoh lo in Bluetooth bang leng zang khol kei leng a battery sawt pang tuan mahmah hi. Bluetooth headset kha phatuam tak a zat theih himah leh battery in lel petmah dan ahi. A poimoh khol keileh bang zatlo pen hoih zaw hi, damtheih na lam bang le subuai thei zek dan a ki gen ahih na ah, pil vang ngai mahmah leh kilawm. Memory card thuah theih nate bang leng, a phone a pan in la khia in card-reader bang zang thei lai leng, sawt pang tuam mahmah ding hi.

 

Camera a chiang thei top a zat theih dan siam ngai mahmah hi. Mobile phone camera himhim a tang pi in nitak a zat result deih bang thei ngeilo hi. Himahleh sun lai khong bang a zat, chiang thei mahmah hi. Tulai in mobile phone camera a hong thang mahmah a, a megapixel bang a sang lamlam in hong ki taiteh uhi. Hiai te a megapixel a sang dung zui in aman bang leng hon sang pah hulhul hi. Tullel in mobile phone camera ah zoom kha om zek mah leh a sang pen 8x khong hitang pi hi. Digital zoom ahih ziak in deih huai na omtuan khol lo dan ahi. For more on zoom click here. Tulai a camera phone te atangpi in smart zoom ki zang sek hi. Hiai smart zoom ahih leh Sony te muh khiak dan ahi. Hiai smart zoom bang dang hilo in digital zoom chikhat himahleh digital zoom sang a chiang zaw in milem la thei dan a gen ahi. Gen teh nang in, tullel a mobile camera te 3.2 megapixel khong hitang pi hi. Limlak ding pen zoom kawm in a size 3.2MB (a lian penpen) a kilak chiangin lian mahmah leh leng chiang khollo hi. Hiai smart zoom zang in a size 3.2MB hilo in 3MB tan in koih in zoom kawm in la leteh chiang tuan mahmah ding hi. Smart zoom zang camera te a tang pi in a size lianpen a koih chiang a zoom ki zang thei lo dan ahi. A size lian pen a na koih a na zoom theih lai a le bel smart zoom omlo chih na himai ahi. Smart zoom nei camera phone himhim a result bang leng chiang tuan mahmah. Tu nai zek in Samsung ten camera phone G800 kichi, 3x optical zoom toh ki thuah launch khe dom dan uh ahi. Hoih mel mahmah dan eive.

 

Mobile phone zat na a tam luat ziak in sawt apan nang leh bang chi zat leh sawt hoih pen ding chih bang leng gen kim hak sa mahmah hi. Tulai bang in Bluetooth zang in game kimawl bang leng hong om ta uhi. Mi tuamtuam Bluetooth zang in game bang leng kimawl theih mawk dan ahi. Kum nawn chiang in 3G a hong om pah ding a huai chiang bang a application sang deuhdeuh hong om ding, huai teng ban ah video conferencing/video calling chih bang leng hong thang mahmah ding a gen kholh na sang mahmah hi.

Read 1480 times
Login to post comments