You are here: HomeRSS FeedsLatest Articles

Aadhaar eKYC

Thursday, 13 July 2017 22:09
~ Kamzalian Tomging
 
 
Mobile phone connection thak la din na va kuan a, document leh limlak bangmah na tawi kei hi. Na Aadhaar number gen in, na finger na swipe geih leh na min leh address banah photo hong kilang mai hi. Lauhhuai, lamdang leh lemtang mahmah. Hih pen bang dang hilo in na Identity proof ding in electronic Know Your Customer (eKYC) zat ahi. Bank account, Income tax PAN leh Elector's Photo Identity Card (EPIC) tawh link ding cih thu hong omta hi. A diak in Aadhaar zat ahihna ah tampi ten government hilo business company ten I data teng nei uh cih ngaihdan I nei hi. Mi tampi patauhna privacy tawh ki-nai pen article 21 of India Constitution in bang gen hiam I cihleh ‘No person shall be deprived of his life or personal liberty except according to procedure established by law’. Right to Privacy gen tam hetkei veh aw maw. Aadhaar eKYC genchet som ni.
 
 
Ni dang in connection khat pepeuh, mobile phone leh gas connection tel in, na lak dek ciangin personal detail (demographic data) leh limlak na pia hi. Tua banah a application form ah suai na kai hi. Tua mah bangin eKYC zatna company (mobile phone network provider) ten Aadhaar bulpi UIDAI apat in I demographic detail teng kaikhia in electronic application form ah na limlak na tan ki fill up chet hi. Aadhaar number leh fingerprint na swipe ciangin bang om ahia cih gen ni. Aadhaar number pen nang a ahi na maw cih etcetna ding in na biometric data signal pai in server kongkhak ah a va ki report hi. Biometric pen Cross check-na om in yes or no dawnna piak ahi. Yes ahihleh na demographic data te zat theih din a hong ki dawk/fill up hi. No ahihleh bel diklo/reject chet ahimai.
 
 
Theih dia poimoh ahihleh Aadhaar zangtu Authentication User Agency (AUA) ahk Authentication Service Agency (ASA) hiah Mobile phone Service provider ten na data a kaihlut na ding in nang phalna a lou thei lou ahi. Email account ahk Facebook account tawh I tehkak ding. Account access na ding in username leh password a poimoh. Na Aadhaar detail omna UIDAI te server Central Identities Data Repository (CIDR)ah na username pen na Aadhaar number ahi a, password ahihleh na biometric (fingerprint or iris) ahi. Hih tegeel na zatsak zual ciangin Mobile Phone Network company ten na min, address banah na photo kailut theipan uh ahi cih thei ni. Na biometric data khol leh hentang theih ahikei. 
 
 
Company ten nang phalna tawh na demographic data a kaihkhiat teng kia digital softcopy save/nei lel uh ahi. Na biometric (fingerprint leh iris data) save khalo himhim uh ahi. Ngaihtuah dih, Offline hun lai in na demographic data teng application form ah na gelhlut a suai na kai hi. A ki-lamdanna om kei.
 
 
A lungnophuai khat ahihleh na Aadhaar number gelhlut na ding leh biometric swipe lut na ding vanzat (device) approval bawl masak ahi. Device apat Aadhaar database ah na Aadhaar detail zawllut na ding in Application Programme Interface (API) strict standard nei bawlkhiat ahi. Hih API zang thei ding in phalna company teng piak ahi zenzen kei. Na Aadhaar number hi in biometric data te secured network ah encryptedin luang hi. Biometric pen information gateway ah hentang leh guktheih louh dia venbit ahi.
 
 
Tua ahihna ah lauhuai ahi kholkei. Hih tawh kisai newspaper, social media leh huntawp diklo deuh a kokkha na simkhak ciangin patau ken. A gelhtu/khaktu sangin theithuk zaw in kikoih in la nui hiuhiau lel in.