You are here: HomeRSS FeedsThe Lamka Post

The Lamka Post | April 18, 2017

Tuesday, 18 April 2017 12:58

Class XII physics question paper leak case

Imphal West Court CJM in ngoh a om mi 6te bail in khahkhia

Imphal, April 17: Council of Higher Sec­ondary Education Ma­nipur saina nuai a April 5, 2017 a class XII exam ading Physics question paper leak thubuai toh kisai a ngoh leh mat a om mi 6te tuni Seppatni in Chief Judicial Magistrate Imphal West, Manipur in bail in khahkhia hi.

 

Physics question pa­per leak- saktu hidan a ngoh a om mi 6- Md. Ab­dur Rahaman, Nongmai­them Mohen, Guruma­yum Premchand Sharma, Nameirakpam Romesh Singh, Yumkhaibam Wak­up leh Sultan Ahmed-te police-te’n ni 15 sung cus­tody a khumbeh lai ding a ngetna a bawl uh toh kiton in, tuni’n Imphal West Court CJM Lamkhanpau Tonsing ma ah dinsak in om uhi. Amaute tung a section 420/380/34 of the IPC leh section 72 of IT Act pansan in ngohna bawlkhum in om uhi.

 

CJM thusuah dung­zui in, April 5, 2017 a Class XII Physic exam kipatma zinglam dak 9.10 in ngoh a om No.1-4 te’n invigilator-te kiang a hawmkhiak ding question paper hong uhi. Question paper hong a mi 4 a buai mahmah laitak un, room sung ah ngoh a om No. 6 (Sultan Ahmed) valut in lem vala a, ngoh a om No.5(Yumkhaibam Wak­up) kiang ah student-te kiang a thonkhe ding in theisak hi. Hiai lemlak ahihleh WhatsApp group ‘Galaxy exam Cen­ter’ ah upload in om a, a nung sawtlou in kithehzak hi. Court in Ngoh a om No.1-4te’n pilvanna leh awlmohna tasam uh ahi­hdan mukhia a, amaute tung a ngohna bawlkhum a omte huntawklou hidan a kigente leng nawlkhin­sak hi. Court in ngoh a om No.6 dinmun toh kisai a taklatdan in, question pa­per-te lemla a student-te kiang a thonkhetu a pang hidan in thutankhum hi. Ngoh a om No.5 toh kisai in, Court in thil a sepkhiakte diklou mah a hihdan pompih a, himahleh a tung a ngoh­na bawlkhum a omte bel pompih theilou hi.

 

Thiltung omte mu kawm in, Court in No.1-4te tung ah gov­ernment nasemtu khat surety a zang a, PR bond Rs.70,000/- chiat pia a bail ngahthei ding in phalna pia hi. Ngoh a om No. 5 &6 a ding in, Court in government nasemtu khat surety a zang a, PR bond Rs. 2 lakh chiat pia a bail ngahthei ding in phalna pia hi. Court in suizuina maban neitou lai ding uh hidan in taklang a, ngoh a om tengteng kiang ah Court phalna tellou a kibumang ahih­keileh Manipur pawtsan theilou ding in gakna bawlkhum hi. Ngoh a omte kiang ah police in­vestigating officer kithu­ahpih chiat ding inleng Court in theisak hi.

 

 

Singngat MLA in BJP zom; BJP leh NPP kal buaina hihveng in omta: CM

IMPHAL, April 17: Ccpur district sung Singngat as­sembly constituency a pan Con­gress ticket a telching a om Gin­suanhau in tuni sunnung in BJP zom hi. Congress MLA khat in tuni nitaklam a BJP a zop toh kiton in, BJP a tailut Congress MLA 2 phata hi.

 

Ginsuanhau ahihleh tuni ni­taklam in BJP office ah Manipur unit BJP President Bhabananda leh Chief Minister N Biren Singh tel in vaidawnna hun zat in om hi.

 

Kha paisa inleng Andro as­sembly constituency a pan Con­gress ticket a telching a om Th Shyamkumar in BJP ana zom hi. Th Shyamkumar ahihleh tulel in cabinet minister ahi.

 

Huailou in, Odisha a ki­pan tuni a Chief Minister N Bi­ren Singh hongtun toh kiton in Health minister L Jayentakumar kitawpna tungtang a buaina leng hihveng a om hi’n thusuak in taklang hi. Hiai toh kisai Chief Minister in a genna ah, hiai thu ahihleh innkuansung thu hi a, hihveng a omta ahi chi hi. Himahleh Health Minister in a kitawpna pen zukkik hiam chih bel taklat hilou hi.

 

Ni nih paisa in Health minister L Jayentakumar in a mohpuakna leh thuneihna sung a midang kigolh chih ziak a lungkimlou in Minister ahihna a pan kitawpna lai pia a, himahleh a kitaw­pna pen Chief Minister in pomsaklou hi.

 

Chief Minister N Bi­ren Singh makaih BJP Government ahihleh NPF MLA 4, NPP MLA 4, Tri­namool Congress MLA 1, Independent MLA 1 leh Congress a pan taikhia MLA 1 toh pangkhawm a bawlkhiak hi a, himahleh tuni a Congress MLA khat in BJP a zop toh kiton in Biren Singh Government ah MLA 33 omta uhi. A lehlam ah, Congress pen ‘single majority party’ himahleh kha paisa a MLA khat a taikhiaknung in MLA 27 pha ua, tuni a Congress MLA khat a tai­khiaknawn ziak in Con­gress in MLA 26 neita chihna suak hi.

 

Tua bangkal ah, Chandel Autonomous District Council Chair­man tel in member 14 in tuni’n BJP zom uhi. Chandel ADC Chairman Lukhosei Zou leh MDC 13-te vaidawnna leh kip­ahpihna tuni’n BJP of­fice ah BJP Manipur unit President Bhabananda leh Chief Minister N Biren Singh makaih in nei uhi. 

 

 

State govt in Jt. Director kalh a HC thusuah bawl tutan zuilou

Imphal, April 17: Manipur state govern­ment in, Commerce and Industries Department a Joint Director len ding a mi khat a ding a promo­tion order suah a om can­cel ding a Manipur High Court in thusuah a bawl zuilou hi.

 

February 14, 2017 in Justice Kh Nobin Singh makaih Manipur High Court single bench in ACRs ah tanau leh sang­gamte deihsak tuam chih thu pansan in Joint Direc­tor Industries(G&M) post len ding a Sh Ibotombi Sharma promption order suah a om cancel hi. DPC sai a hih sung a dikloutak a gamtatna om hidan a muanmohnate toh kisai in, Joint Director Indus­tries ding a Sh Ibotombi Sharma kaisanna ding a Manipur Public Service Commission (MPSC) DPC meeting chouna leh Manipur Public Service Commission, State of Manipur kalh a Khuman­them Dillip Singh in writ Petition case No, 328 0f 2014 a thehlut hearing neih a hihzoh nung in Manipur HC in thukhen­na bawlkhum hi. Khumanthem Dilip in writ petition ah amah sang a junior zaw Joint Di­rector Industries (G&M) post len ding a telkhia leh kaisansak a hihna thu ah, amah chinlou a hihna toh kisai a thudik puangkhe ding in Manipur High Court ah ngen hi. Kh Dilip Singh ACR toh kisai ‘very good’ chih piak in om a, amah sang a junior zaw Ibotombi Sharma tung ah ‘outstanding’ grade piak in om hi. Manipur High Court in writ petition toh kisai hearing a neih zoh in, state government pan­laknate phiatsak a, Febru­ary 1 , 2014 a Joint Direc­tor (G&M) post len ding a Sh. Ibotombi Sharma promotion order tel in Department of Commerce and Industries , Govt. of Manipur a Joint Director Industries (G&M) kai­sanna ding a December 28, 2013 a DPC meeting a thupukna omte koihkh­iaksak hi.Kh Dilip in ACR a lutna ding a thuzakna bangmah ngahlou a hi­hdan leh maban a nasep masawnna ding a hun lem a neihte leng nawlkhinsak a om hidan in gen hi.

 

 

CCI in 1-Day Seminar nei

LAMKA, April 17: Centre for Community Initiative (CCI) saina in tuni, April 17, 2017 sunma dak 11 in CCI Conference Hall, Nehru Marg, Central Lamka ah One Day Seminar om hi. Hiai hun ah Ms Angela Vungthianmuang & Mr N Thomas, MSW-TISS, Guwahati in ‘Child Sex Abuse’ chih thupi zang in sinsak ua, Mr Pauzagin Tonsing, Exe Director, CCI in ‘Rights of Per­sons with Disabilities Act, 2016’ chih leh Ms Niangngaihmang, Dy Di­rector (HR & Adm) CCI in ‘Disability Inclusive Disaster Risk Reduc­tion (DIDRR)’ chih thupi zang in sinsak uhi.

 

 

Activa leh Diesel Auto kiphu, mi 3 liam

LAMKA, April 17: Tuni nitak dak 6 vel in Hmuia Veng Tedim Road ah New Bazar lam manoh a tai passenger pua Die­sel Auto MNO2B/2090 leh New Lamka lam manoh a pasal 2 kipua Activa MNO2B/4494 a taite kiphu kha ua, huai ah activa a tuang pasal 2 liam in Diesel Auto a tuang passenger 1 leng liam hi.

 

Hiai tuahsia toh ki­sai in Diesel Auto driver D. Khamzalam of Elim Veng, New Lamka in amah Auto in Activa a tuang liamna tuakte leh amah puak passenger 1 liam pen Lamka Dam­dawi Inn casualty paw­tung ngal hi.

 

Active in Diesel Auto a phutkhakna taklam­pang a guard dia kibawl sik leng kawi zou hial hi. Activa a tuangte lak ah a hektu Seikhongam (45) s/o (L) Doukholun of D. Phailian, a taklam khe liam in a lutang leng liam a, huai ban ah Activa a tuang mah Khaiminlian (30) s/o Zamlet of Yang­nomphai, a taklam khe liam hi.

 

Diesel Auto a tu­ang passenger-te lak a driver-pa taklam pang a tu Vanlalkungi (31) w/o Hmangeta of Ngathal, a bil taklam ah si pawt in a ha khat kia a, a mailak leng liam hi. Seikhongam leh Vanlalkungi ahihleh tunitak mah in doctor-te’n Imphal ah refer ua, Khaiminlian ahihleh Lamka Damdawi Inn ah admit in om hi.

 

 

5th All Manipur Folk Drama Festival-2017 hongkhia

Imphal, April 17: MDU Hall, Yaiskul Police Line, Imphal a Manipur Dramatic Union saina toh 5th All Manipur Folk Drama Festival-2017 honna program zatna hun a Chief Guest a pang Art & Culture Minister, Shri L. Jayentakumar Singh in tulel a state a art and cultural dinmun toh kisai awlmoh huai a sak thu gen hi.

 

Minister in a thugen­na ah, state a cultural heri­tage hauhsaknate dopsang leh hatsak sem ding lung­gulh ahihdan gen hi. Kho­tang ah art and culture in dinmun poimohtak luah a, i mimal hihna leh kho­sakdan sulangtu leng ahi uh chi’n gen hi. Tawndan puahphatna ding a state government in panlakna chituamtuam a neihte toh kisai leng taklat in nei hi. Mipite kiang ah leng state a art & culture puahna ding a state government in kalbi a lakte kithuahpih ding in ngen hi. Hiai hun zatna ah Minister in Festival Souve­nir leng hongkhia hi.

 

Program zatna hun ah MDU President Shri A. Ksheergopal Singh, Sangeet Natak Aca­demi Awardee Shri E. Joychandra Singh & Di­rector Manipuri Ensem­ble Shri Kshetri Jugindro Singh-te Special Guest, President leh Guest of Honour in pang uhi. Director DIPR, Mani­pur Shri Meghachandra Kongbam leh theatre per­sonality tallang tamtak leng tel uhi. Ministry of Culture, Govt. of India, New Delhi a kipan panpi­hna toh hiai festival sai in a om ahi.

 

 

Ni 6 sung Police Custody a om di’n theisak

LAMKA, April 17: Police a pan kizadan in 25-Assam Rifle-te’n April 15 sunnung dak 2:30 vel in New Lamka (G) ah mi 2 - Suankhankhual (47) s/o (late) Kamkhen­thang of New Lamka (G) leh Dalkhanlian (38) s/o Gindoulian of New Lam­ka (G) a pan galvan M-16 rifles 1, magazine 1 ban ah sumtang in Rs.10,300/- leh mobile 2 mankhia ua, nitak dak 8 vel in Lamka Police Station ah pekhia uhi.

 

Mat a om mi nihte Police-te’n leng CJM Court ah dingsak ua, court in Police custody a ni 6 sung, April 21, 2017 tan om ding in theisak hi. Hiai thu ah Police in FIR No. 22(4)2017 CCPPs, U/S 25(1-C)A. Act & 34 IPC bulh uhi.

 

Mat a om mi nihte Police-te’n leng CJM Court ah dingsak ua, court in Police custody a ni 6 sung, April 21, 2017 tan om ding in theisak hi. Hiai thu ah Police in FIR No. 22(4)2017 CCPPs, U/S 25(1-C)A. Act & 34 IPC bulh uhi.

 

Huailou in, April 15 in Behiang a GREF Camp a om Budhram Munda (40) s/o Etawa Munda of Sidh­ma village, Jharkhand, Behiang khonawl gamlak ah awklumsa a muhkh­iak in om a, amah ahihleh April 13 & 14 vel a awklum hidia muanmoh ahi. A lu­ang ahihleh zan in Lamka Damdawi inn puaktung a om in postmortem bawl ua, huai zoh in Police-te’n GREF heutute kiang ah siluang pekhia uhi. Amah ahihleh lungsim venlouh­na nei hidan a gen hi a, hiai thu ah Police in UD Case No. 02(4)2017/SGT-PS, U/S 174 Cr PC chiam­teh uhi.

 

 

School 15 a ding Gas Stove pia

LAMKA, April 17: Zonal Education Office, Ccpur nuai a Mid-Day Meal(MDM) scheme first phase a ding in Govern­ment School 15 telkhiak in om a, huaite kiang ah tuni sunnung dak 1 in T. Goukhomang, ZEO/Cc­pur in gas thuk (stove) khat chiat pekhia hi.

 

Telkhiak a om school 15-te ahihleh Bijang Loubuk Jr High School, GM High School, Hen­glep Govt. High School, Kangvai Govt. High School, Lanva Model School, Molpheitampak Jr High School, NKT (A) Jr. High School, Phun­gkhothang Govt. High School, Singngat Govt. High School, Singngat Standard Jr High School, Tuibong Jr. High School, Vimala Raina High School, Vumhao High School, Vungzagen High School leh Zogal Jr. High School hi uhi. School 15- te ahihleh LPG connec­tion bawlna lai toh pia ua, amau lemtang bang in LPG cylinder refill ding uhi.

 

 

Manipur Judicial Service Rules 2005 bawllem thak di’n ngen

IMPHAL, APRIL 17: Manipur state Law Min­ister lui Okram Joy in Manipur High Court ki­ang ah, Judicial Officer post luah ding lak sung a Manipur leitang neitu mipite deih leh lunggul­hte ngaihtuahsak ding in ngen hi. State leitang luahtu mipite lunggul­hte kepbitsakna ding a Manipur Judicial Service Rules 2005 bawllem thak ding in, a kisaipih Mani­pur High Court Adminis­trative kiang ah ngen hi.

 

O. Joy in Manipur Press Club a thuthak­saite kiang a, a gendan in, Grade-1 Judicial Officer post ading in candidate 46 in ngetna pia ua, amaute lak a candidate 12te state pawlam a kipan hidan in gen hi. Law Minister lui in a gendan in, Manipur Civil Services Combined Competitive Examminia­tion 2010 rule inleng Can­didate khempeuh in Ma­nipuri a hihkeileh Tribal pau khatbek a theih teitiei ding uh ngiat hidan a et­sakna pekawm in, MCSC­CE, 2016 a bawllemthak omte toh kituak a, ngetna pia candidate tengteng Manipur state tualsuak mi ngen ahih ding uh ban ah Manipur Judicial Service Rules 2005 leng bawllem thak ding in ngen hi. Ma­nipur High Court kiang ah ngen hi.

 

 

IB Road black topping kipan

LAMKA, April 17: BJP government thak a din khiak toh kiton in zan a pan in IB road ah black topping pan uhi. IB Road bawl ziak in Nehru Marg lamkath­uam ah one-way traffic zat hilou a, Tedim Road tawn in garite paisuak uhi. IB road leh Mis­sion road bawlna ding in fund omsa omkei mahleh Rs. 53 lakh vel estimate kibawl hi’n thutut kingah hi. Lam­lian bawlzoh ahihchi­ang a tuilakna ding leh a dangdang a dia kuaman lamlian touselou ding in PWD/Ccpur in ngen hi.

 

Tuaban ah, Sugnu Road bawlna ding tu­nung chiang a E Tender bawl hiding hi’n leng of­ficial thutut kingah hi.

 

 

Rayburn College ah Forest toh kisai national seminar om ding

LAMKA, April 17: North Eastern Council (NEC) sponsored-na in April 19-20, 2017 sung Rayburn College, New Lamka ah, ‘Protection of Forest for Sustainable Development in Mani­pur’ chih thupi zang in 2-Days National Semi­nar om ding hi.

 

Hiai 2-Days Na­tional Seminar honna ahihleh April 19 sunma dak 10 in Rayburn Col­lege Auditorium ah om ding a, huai ah chief guest leh guest of hon­our in V Hangkhanlian, Minister, Agri., Vety & AH leh Prof Adya Prasad Pandey, Vice Chancel­lor, Manipur University, Imphal pang ding uhi. Huai ban ah host leh president in Prof Dr N Mohendro Singh, for­mer Member, Steering Committee NER Vision, 2020, DONER, Govt of India leh Academic Adviser, Rayburn Col­lege leh Rev Dr Khen P Tombing, Principal, Rayburn College pang ding hi.

 

Technical Session ah Room 2 a kikhen in hun kibang in seminar nei ding ua, huai ah mi tuamtuam in thupi tua­mtuam pansan in sinsak ding uhi.

 

April 20, 2017 sun­nung dak 3 in valedic­tory function om ding a, huai ah chief guest, guest of hour leh func­tional president in Brig. Ajay Kumar, Comman­dant, 27 Sector AR; Col. D.S. Murty, SC, SM., Dy Cdr, 27 Sector, AR leh Rev Dr Khen P Tomb­ing, Principal, Rayburn College pang ding uhi.

 

 

Manipur ah Realisation Day (Go Back Foreigners) zat in om

IMPHAL, April 17: 1980 a ‘Anti-migrant (go back foreigners) Upris­ing’ hun a sihna tuak stu­dent-te phawkthakna leh state sung a tualsuakmite humbitna ding ngimna in tuni’n Realisation Day (Meekap Thokpa Numit) zat in om hi.

 

April 16 & 17, 1980 in state sung a pawlam mite hong lut ding uh dalna ding dan bawl ding phutna a kiphinna hun ah police leh security force-te’n kiphinna nei student nih kaplum uhi. Hiai ni ahihleh Manipur a In­ner Line Permit System (ILPS) zat ding phutna kipatni hi a, kumteng in All Manipur Students’ Union (AMSU) makaih in Realisation Day (Meekap Thokpa Numit) chih min­vuah a zat in om hi.

 

Pishum Chinga, Imphal ah hiai hun a si­hna tuak student nihte phawkna leh zahna in pak pia ua, tua zoh in stu­dent tamtak in Imphal khopi sung ah lampi zui uhi. Hiai hun ah slogans tuamtuam ILPS zat ding leh pawlam mite kiang a gam neitu hihna piaklouh ding chih thute tangkou­pih ua, rally zoh in Ma­nipur College, Imphal ah meeting nei uhi. ILPS zat ding phut­na nasatak omlai a state sung a pawlam mi nak­tak a kibehlaptou zel toh kisai in hun paisa a stu­dent makaite’n thugen uhi. Pawlam mite a pan kihumbitna dia Manipur state sung a tengkhawm tualsuakmi nam tuamtu­amte pankhawm a pan­lak poimoh ahihdan leh pawlam mite state sung hong lut ding uh kham­na ding dan bawlkhe dia state leh central govern­ment nohna bawl po­imoh ahihdan gen uhi.

 

AMSU president Manjit Sarangthem in a genna ah, state sung a pawlam mite hong lut in khantouhna ding a dalkhak ban ah tual­suakmite tawndan leh kivaihawmna tanpha hi­hbuai kha hidan in gen hi. Huai ban ah AMSU in kum 37 paisa a kipan “Gamdang mite paikik un” chih thupi zang a tualsuak mite humbitna dia pan ana lata ahihdan leng gen hi.

 

1980 kum a tual­suakmite humbitna ding ngen a kiphinna hun ah student nih - Potsang­bam Lukhoi leh Kuidrom Loken in a hinna ana pia uhi. Huainung in state government in state paw­lam mite honglut ding uh dalna ding dan bawlkh­iak ding lemsa a, huai toh kisai mah in 1994 inleng AMSU leh state Govt in kilemna suaikai uhi. Himahleh huai kilemnate tunitan a tak a sepsuah bangmah om nailou hi­dan in AMSU president in gen hi.

 

AMSU President in a genzelna ah, Manipur state sung a tualsuak mite mangthang ding kuan himahle uh Central Government in tualsuak­mite humbitna ding toh kisai ngaihsaklou hidan in gen hi. Huai ban ah AMSU in “Realization Day” a zat pen state mip­ite leh state government a dia leng pataudak khet­na toh kibang ahihdan gen hi. AMSU in ahihleh dankalh a state sung a lutte khamna dia panla zomtou zel ding ahihdan leng gen hi.

 

lungkimlou in Minister ahihna a pan kitawpna lai pia a, himahleh a kitaw­pna pen Chief Minister in pomsaklou hi.

 

Chief Minister N Bi­ren Singh makaih BJP Government ahihleh NPF MLA 4, NPP MLA 4, Tri­namool Congress MLA 1, Independent MLA 1 leh Congress a pan taikhia MLA 1 toh pangkhawm a bawlkhiak hi a, himahleh tuni a Congress MLA khat in BJP a zop toh kiton in Biren Singh Government ah MLA 33 omta uhi. A lehlam ah, Congress pen ‘single majority party’ himahleh kha paisa a MLA khat a taikhiaknung in MLA 27 pha ua, tuni a Congress MLA khat a tai­khiaknawn ziak in Con­gress in MLA 26 neita chihna suak hi.

 

Tua bangkal ah, Chandel Autonomous District Council Chair­man tel in member 14 in tuni’n BJP zom uhi. Chandel ADC Chairman Lukhosei Zou leh MDC 13-te vaidawnna leh kip­ahpihna tuni’n BJP of­fice ah BJP Manipur unit President Bhabananda leh Chief Minister N Biren Singh makaih in nei uhi.

 

 

AR-te’n statio­nery van pe ding

LAMKA, April 17: Zingchiang, April 18 sunma dak 11:30 in Pear­sonmun a The Malsawm Ability Resource Centre ah 25th Bn Assam Rifle-te’n vualphalou nau­pangte kithuahpihna in stationery van tuamtuam pe ding uhi.

 

 

O Joy in Manipur Judicial Service Rules bawlthak ding deih

IMPHAL, April 17: Manipur Law Minister lui Okram Joy in High Court of Manipur kiang ah, Ju­dicial Officer laknate a Manipur tualsuakmite deihsakna pe masa ding in ngen hi. Hiai toh kisai in High Court of Manipur in Manipur Judicial Ser­vice Rules 2005 bawlthak a, state sung mite mah judicial officer a lak ahi­htheihna ding ua dan thak bawl ding in ngen hi.

 

Manipur Press Club a O. Joy in thuthaksaite ki­ang a, a genna ah, Grade-1 Judicial Officer lakna ding a candidate 46 om lak a candidate 12-te state pawlam mi ngen hidan in gen hi. Manipur Civil Services Combined Com­petitive Examminiation 2010 rule dungzui a Ma­nipur government nuai a sepna awngte apply thei ding candidate-te ahihleh Manipuri ahihkeileh Ma­nipur tribal mi ahih ding chih ahi. Huai ban ah MC­SCCE, 2016 amendment dungzui a High Court of Manipur nuai a sepna awngte apply thei ding ahihleh Manipur state sung a teng mi ahih ding chih hi a, hiai thu mah Manipur Judicial Service Rules 2005 a behlap po­imoh hidan inleng gen hi.

 

 

Thoubal ah 2- Day Food Mela kipan

Thoubal,April.17: RUSA Manipur tawsawn­na toh RUSA-Thoubal College saina nuai ah tuni Seppatni in Col­lege Campus,Thoubal ah “Learn & Earn” chih thupi pansan in ni nih sung daih ding Food Mela kipan hi. Hiai hun in student-te’n ngeina a an nek chituamtuamte lak ua, nek vante bawldan leh a limna ding a, a hel­pih chituamtuamte lahna leng nei uhi.

 

Hiai hun in Dr.Rk. Yaiskul Singh, Addi­tional Director Univer­sity & Higher Educa­tion Govt. of Manipur, Okram Chaoba Devi, Principal Thoubal Col­lege leh Ng.Maimu Singh, President Association of Food Scientists and Technologists,Manipur Chapter-te Chief Guest, President leh Guest of honour in pang uhi.

 

Thoubal College Principal Okram Chaoba Devi in traditional food uangbawl semna ding a student-te panlakna kipahpih mahmah a, home Science a student-te hanthawnna ding leh academic course a home Science subject lak ding lunglutna piangsak thei ding khop a, a zauzaw sem huap a talent omte phoukhe ding inleng Principal in ngen hi. Activity tuamtuam Cul­tural Programme, In­teractive Session, Meet the Artists of Manipur leh Entrepreneur-te toh houlimna chihte leng sai uhi.

 

Food Mela ah dawr neu 34 bawl in om a, Singju thongba, Singju leh Kanghou dawr 2 sang a tamzaw leng hon in om hi. Dawr tuamtu­am a nektheih chi tua­mtuamte chiam ding in student leh mipi tamtak in mela veh uhi.

 

 

IGAR (South) in media inter­action program sai

Imphal, April 17: Mantripukhri, Imphal West District a Head Quarter (HQ) IGAR (South) ah tuni Sep­patni in Indian Institute of Mass Communication (IIMC) Director General KG Suresh leh Indian In­formation Service (IIS) Additional Director Gen­eral Mayank Agarwal-te toh media interaction program sai in om hi.

 

KG Suresh in thuthaksaite toh houlim­na hun a, a gendan in, in­teraction program pum­pi in information of mass communication toh kisai a awareness piak ding tuppen a nei ahi chi’n gen hi. Kum 1965 a kip­hutkhia IIMC in mass communication kong ah dinmun poimohtak luah a, tuni tan in mass com­munication and infor­mation technology firm leh institute tuamtua­mte toh IIMC tehkak in om denlai chi’n gen hi. Tulel in IIMC in Aizawl, Mizoram a North East­ern Campus tel in gam­sung pumpi ah Campus 6 nei a, main campus ahihleh New Delhi ah om hi.

 

 

 

 

 

 

NEWS TOMKIM

 

PHED in electric fee Rs 82 lakh val ba

LAMKA, April 17: Lamka khopi a ding Khuga Dam tui lakna dia electric power zang a tui pump ngai ahihman in, PHED/Water Supply Dept in Electric Dept/MSPDCL a pan electric la uhi. Himahleh PHED/Water Supply Dept in kum 7 val electric fee a piaklouh ziak un a bat uh Rs 82 lakh val a, tua ziak in Electric Dept/MSPDCL in Khuga Dam tui pump-na dia kizan electric disconnect-sak ua, huai a kipan Lamka khopi sung ah Dam tui kailou hi. Himahleh mipi khualna ziak in DC/Ccpur in panla in, huai toh kiton in Electric Dept/ MSPDCL inleng power pe nawn ua, tu in ngeina bang in tui kainawnta hi.

 

 

PTC-CWC Meeting om ding

LAMKA, April 17: Hongtung ding April 22, 2017 sunnung dak 1:00 in PTC-GHQ Confenrence Hall, Hiangtam Lamka ah Paite Tribe Council Central Working Committee meeting 19veina om ding hi. Hiai hun ah Paite namsung a pan MLA telching thak a om V. Hangkhanlian leh Vungzagin Valte kipahpihna leh PTC-GHQ CWC Ex-officio member dia laklutna om ding hi. Hiai hun ah Rev S. Vung Minthang, Gen. Secy., EBC in thumsakna nei ding hi.

 

 

SUNNA:

Valte Tunkhokam (67) s/o (L) V. Khualkham of Khominthang, New Lamka, tuni, April 17, 2017 zingkal baihtak in BP stroke ziak in si a, tuni mah in YPA New Lamka hamual ah kivui hi. RIP.

 

Kim Mary (14) d/o Haogin & Nengpi Haokip of Tollen, near Kaimai, Tousem Sub-Division, tuni, April 17 nitaklam dak 4:30 vel in si (awklum) hi. RIP.

 

 

 

 

 

 

 

…for more detail : here

 

 

 

 

 

RELATED

The lamka Post | April 14, 2017