You are here: HomeColumnsKC Lian TombingFilm Khat I Bawl D'u Le - III

Film Khat I Bawl D'u Le - III

Written by  Kham Chin Lian Tombing Published inKC Lian Tombing Thursday, 10 October 2013 01:01
Film Khat I Bawl D'u Le - III

Helopa…
Melmate boxing in, tawpek (tawpek in)
Tuibuk cil phih in
Helo pa…

 

Mi' bawlsa ei tawh kituak dia heilem (locally adjusted – bulsut taktak dia, tha neiloupi leh zung kha loupe ahih theih ngoih-ngoihsa) tawh lungkim huntawk vel maid an a om a na kisa nilouh hang a; hucihial hilouo ahi cih a heloo te'n hon puangzak utuh, ahi! Ahahai!! Hampha, hampha, kicici mai.

 

Zogam khawpi leh gawmkik simthu vai a mun poimawh Kaihlam Khawpi khutsuak hngei-hnge in cu ahihna a taklang khopmai. Panpih ngaite panpih a; melmate tawpek a, tuibuk cil phih ding "heloo" kuapeuh mawhpuakna ahihna lungsim a dimlet la in hon sa khia.

 

Hey, nang kua e?

 

E, Zuansialcing aw, kemaw, Zokhanthang ka hi.

Ka nu leh keikia khawsa ka hi ua, na pa Hangsai in hon mankha a, hiai ah henkol bun in ka omta.

 

Salmatpa, Khupcing leh Ngambawm, Liandoute Unau, Unau Tangmai Tuhte leh Aknou Ciakciak cihte kialel tangthu neite hilou hial ihi. Samat galmat a om ihihman in I nunzia, khangthu, innkuan thu, mimal thu, gamthu leh eimah thute school leh collegete ah sinthei dinmun a ding nailou ihihman hizaw hi. Hiai henkol hon sutkhetu ding nang Zuansialcing, Cing aw, Cingno aw, koi a om na hia?

 

Salmatpa mi taangnel huai leh nunnuam ahihdan a suahtak nung in kimuthei hi. Azi tawh loukhou a, a haksa pen muna a-om hun inleng, thathou leh kipaktak in om hi. Ngaih nang tawh om le'ng mun khempeuh nuam e, I cih, henkol bun in leitual ahh tu maimah le;ng le dikthei thou hilou ahi? A sunghte veh a ava kuan ua, a sunghpa'n ana eng cih laitak a a tangvalpa' melsuah (facial expression) hong kikheng na na mu uh hia? Ke'n hicibangte 100 ah 100 ka 'like' ahi.

 

Pipute'n sianthouna ana ciil bawl sim mah le uh, film a di hial hong hihciang in kongtual nahpa thang nengnung kilawmlou a; zubel a tuileihna ding in zong plastic nou zang khollou maithei uh. Huci mah bang in, a nungak in ansep thei a, anhawi thei khollou a diam ah; a kiang a plastic baltin, kongtual a syntax tuipang leh a bang a calendar kitakte'n ipipute ana khangthak mahmah vial uh, cih langsak.

 

A technical (camera & editing etc.) ka siamkei vial a – himahleh cameraman liim dawk lulu leh 'angle" dikloupi a laak; scene kikhek teng a mit dudu kialou, sawi puaipuai a omten kha hon petsak tantan. make-up, costume leh camera trick I cihmaitepawl, sound mixing, lighting cihte a tehna omleh a tawzelh le pha zoulou ding hi.

 

Sumpung muhkhiak kinepna leh lam-etna a kibawl hilou cih I theihman in leh dukdaklouta a bawl maimai hilou ahihman in tampi genkei dia (hiaite pawl gelhdia sawl le ihih zenzenlouh tawh, I pahtak man leh kithalawp pawngmawk man a gelh ihih bang) – tulai a film I suahkhiakte uh ciambnuih lampang deuh ahi a; Meiteite' digital film industy 2002/03 (Meitei hel heutu khat 2001 kum a thah ahih apat Hindi film ban uh hive'n) a hong kipankhia e'n 2012/13 – cih bel kum 10 sung keleu in I phatouta uhi. amaule a kipattung ua hici mah ahi uh. Kum 5 hong pailai leh Meitei tawh film quality ah liangkou kikim ding hihang, I sutzop touh zel uleh.

 

Kei' leisa a ka et a k'on gen bek hileh phave, kei bengvak louh ziak hia a leina di kitheilou.  A neisate apan ka muhsawn hi ei. Ei Zomite hicibang thilte zuak leh leina lampang huuuuilaipek apan tunitan I buaipih uh ahi hi. tuciang in US, Canada, Thailand, Malaysia, UK leh adangdang ate' leina ding genlouh, Delhi, Mumbai, Aizawl leh Shillong ate'n Lamka product a muh zawhlouh nilouh mawk uh, diklou hial hi. hon ngaihtuah bheng-bheng mah dih uah!

 

Ciamnuih I cih – gen a nuihzathuai, muh a nuihpih theih, etlel a hiziang, zaklouh/muhlouh ziak a nuihpih theih, anung a ma thu ziak a nuihzathuai cihdan a tuamtuam ana om vial incin. Khensiam ngai. Dena I genzual bang, damdawi min "betdoksin" bang nak eeng nalhlua; hilele anatna pen natna dang hileh nak eeng cihhuailua. Huaiziak a ciamnuih teelsiam ngai a'ihcu.

 

Nidang deuh in Tui Bawsa Luahkik Theihloh, Sanggah Laizom, Lenciil, Sulkik Leellou, Khimzing, Ngaihanglai series cihte film nuam taktak ina nei ua, aneu a lian in kahpih zen in ina ensek uhi. Tuciang in hicibang tangthu paipi khat zui a film omnawn manglou in, ciamnuih pianism ngen I bawl uhi. Ciamnuih pen deihlaw napi in sum-le-pai, tha-le-zung tampi seng ta vanglak, film "serious" deuh leh "picing" deuh I bawlkhe nawn ta uh awle? I cih patpat leh Penglam film, ciamnuih a mah om man tazel. Huai le ki-en nailou a. Huci kawmkal ah "core committee" te bang film peuhmah bawl a hoih diing ahia, ci a a thum veina mawngmawng kikamkupna leh khawmpi kithuah nei diing in tulai in luum vengvung ve u'n, film picing leh ettham mahmah khat hon bawlpih uh ngak a ki-om khinkhian atazen veh, mipite.

 

Related:

FILM KHAT I BAWL D’U LE

Film Khat I Bawl D’u Le - II

 

Read 943 times Last modified on Thursday, 10 October 2013 01:10

  • Rangkachak
    Rangkachak
    Tuesday, 15 October 2013 13:31

    a nuam e... lungsim a awlmoh nang na hon luisuah theih diandian a... ka amen.

    Himah ei, film production hongpiangte pen minam nunzia tehna khat hita ci le'ng khial kei inteh, hong hisemsem ding hilai di e... tech a khantouh dungzui in.

Login to post comments