You are here: HomeColumnsKimbawi' PaTulai i gam dinmun uh bang loh a pha di? Ngaihtuah a ngai

Tulai i gam dinmun uh bang loh a pha di? Ngaihtuah a ngai

Written by  Kimbawi’ Pa Published inKimbawi' Pa Tuesday, 08 September 2015 02:30
Tulai i gam dinmun uh bang loh a pha di? Ngaihtuah a ngai

Kimbawi’ Pa

I tulai dinmun vengvung uh et in a lungzinhuai mahmah hi. I gam sung ua ut leh utlouh gen louh a om teitei ngaite bang ka ngaihtuah chiang in ka ngaihtuahna mun dang ah a om thei kei hi. Ka mihinpih, ka chi leh sate, ka nam pihte ka ngaihtuah in ka thuak mahmah hi. Hiai bang hun buaihuai i tuah uh ei thu ahi kei, i palaite uh ngoh theihna chiang a om, Pathian in eite etkhiakna dia a hon bawl houh ahi d’aw? Chih khawng ka ngaihtuahna ah hong lut hi.

 

Kei gen ziak zaw ahi kei na dia, i MDC-te bang uh ‘Special Session’ sam a Manipur Assembly a Bill 3 Passed a omte ‘Kou district a zat ka phal kei di uh, chih bek a na pass tei le uh’ chia ka post in tha pia a diam, chih ka thei kei, Chairman Langkhanpau’ in a MDC-te a kimukhawm ua, resolution a passed uh, chih facebook ah ka na mu hi. Huai di mah ahi.

 

Himahleh, kivenna di’n, (just for caution), tua luang hiai zah a kikham nung in heutu hiam, heutu a kibawl hiam in a mipite uh sum in hon zuak mahmah kei le uh ka deih hi.

 

Tua hichitel a i gam uh buai a, luang huaizah kikham, mahni veng a vui dia phallouh hilai, huaite a ngaihtuah huai mahmah uhi. A Inkuante uh hi dia ka kilimbawl chiang in haksat chi ka sa mahmah hi. Nou le ana kipe sin himhim d’uh, nopchi na sa uhiam? Haksat chi ka sa mahmah a, ka ngaihtuahna in thuak haksa a sa thei mahmah hi. Ta leh nau si nei hingal, mahni in a luang kikham lou, misi nei lah hingal, a puak a haksat didan ka ngaihtuah a, ka thuak pih mahmah hi.

 

I issue uh a lian a, huai ahih dungzui a misite bang le ngaihtuah khawm di’n hoih ka sa hi. Kei le ka nau a si a, a lung a kivui a, ngaihtuahna a dau deuh in ka thei. Ka pa a si a, a lung a kivuikhia a, ka dahna a kiam deuh hi. Tua i misi neihte uh inkuante’ a di ka ngaihtuahsak chiang in kei a di’n haksat tuak ka sa mahmah hi. Hiai ka gen ana zadah kei un, hon gen zom di ka hi.

 

Ta leh nau, nu hiam, pa hiam, pu hiam in a hoh sihsan leh a omna mun uh a awng baih mahmah lai hi. Si neih kichi thil nuam ahi het kei. Vui khiak a hihma diakdiak, a lung kiang ua om bang haksa law mahmah ahi. A vui khiak di ulah chikmah chiang a amel uh kimu nawnlou di, vuikhiak louh dia lah houpihtheih hi tuanlou, haksa mahmah ahi. Hiai teng k’on genna ziak tu’n k’on pan di.

 

Tua, Manipur Assembly a Bill 3 ki-passed-te’ ziak a si ahi uh. Mi 9 in hinna a pia uh. JAC ki-form in ni 10 sung a ademand uh ‘next to a kin/tanau naipen Manipur solkal in a piak di,’ chih hi’n ka thei hi. Huai ma misi luangte lak louh di chih ahi lai hi. Tua O. Ibobi in bangmah gen lou lai maw? Ahihleh a diak a Zomi MLA a i neihte uh kibu himahle uh bangziak a amilim pathian uh O. Ibobi bek toh kihou lou a dai dide uh e? I mi siluangte uh bek vui theihna di’n hong pau sam le uh chih a deihhuai mahmah hi. Siluangte a kivui masiah lah mipi sisan sou di a bang lai a, huaite vuikhiakna dia i palaite un pan a lak kei uleh dai mawk lou di a bang hi.

 

Koi a kibu ahi ua, chih tan zaw dotna ka bawl kei dia, a pu uh O. Ibobi kiang khawng ah gen le uh sepna a om sam di’n ka gingta hi. Mahni in le hilou, morgue a ta leh naute’ luang a om sung lungtang nat didan suangtuah sam uh hen aw.Gen di ka thei nawn kei. I palaite uh sum hau kisa a, kibuk mang a bit di kisa ahi ua hi’n teh, va chih di lah a kilawm kei deuh a.

 

A himhim in a hihna ua kipan a ki-resign kei uh lele mipite’ lungkimna di CM toh kihou ngal le uh chih ka deih mahmah hi.

Read 357 times
More in this category: « Mi Vantang Suggestion: »
Login to post comments