You are here: HomeColumnsZokhualKhokhaal Huihkhi Leh Lianu Teen-niik

Khokhaal Huihkhi Leh Lianu Teen-niik

Written by  Khamkhokam Guite Published inZokhual Thursday, 10 March 2016 13:05
Khokhaal Huihkhi Leh Lianu Teen-niik

(The Paite ‘Haiku’)

 

 

 


By:- Khamkhokam Guite

 

Zodawn tangkhua khaal,
Lianu teen-niik huihkhi’n seem;
Seem e, huihkhi’n seem.

 

Khokhaal huihkhi aw,
Tunnu zuapa’n hilhlou hiam-
Zehzum lou huihkhi!

 

Gaaldot sevau bang,
Lianu pheiphung ngoubang lang;
Lang e, ngoubang lang!

 

Khokhaal huihkhi aw,
Koi lam zingzin na hiam aw?
Ka siang lawi dih ve.

 

Tung sun ni sa leh
Suangko’ paak zem nuai ah e;
Selung geel veng e.

 

Zingzin huihkhi vang’n
Muhlouh ding sokngei bang lang;
Tang pa’ sinlai phawng!

 

Teen-niik leh huihkhi’n
Tangpa hambang vai sak e.
Mangpha, khaal huihkhi!

 

Note : ‘Haiku’ kichi Japante poetry chi khat ahi hi. A Japan pau a Haiku-poem aphuah chiang un, a metrical pattern 5, 7 leh 5 syllables in, dawng thum zel in bawl uhi. Amau Japan pau in ahihleh, hiai dan zuih ngeingei ding ahi a; ahihziak in, pau dang a Haiku-poem bawl chiang in, hiai pattern diktak a zuih hamsa takpi hi.

 

 

 

 

 


Hilhmoh taimoh huihkhi aw

 

Khokhaal
Huihkhiin seem e
Chingnou teen-niik

Read 654 times Last modified on Thursday, 10 March 2016 13:08
Login to post comments