You are here: HomeColumnsZOMICooLMooDTuadan Hi…..

Tuadan Hi…..

Written by  Pauson Tombing Published inZOMICooLMooD Tuesday, 11 November 2014 02:25
Tuadan Hi…..

~By: Pauson Tombing

 

Mi khenkhat in ana gen uh, Chiamnuih lah hi lah dik mahmah “Mi’ pau-le-ham I theih masakte zahmoh lam hiam mi totna hi ut mahmah” chih bang in, eilawi inleng TV leh Internet khong a gam changkang takte’ gamtat-khohei I laksawnte uh ahoih lam sang in aselam tam zawding in ka gingta ve.

 

Samtan lehang lah “Buai na chiaa….” Chih theih ding khop a tan leiluai I chi hiam tan deiduai….eh! genkha dek nailou…tan feifui…tan lenglong! Chini..mai in. Khekol teng le’ng lah a khekol in akhuhna teng leng muhtheih beuhbauh thou, puan-ak silh le’ng lah apaisuk-apaitou-apai phei teng muhtheih kia hilou a muhtheih cherchar….!!

 

Naupang khawmpi om lai a lapawl leh Bible action kidemnate TV tungtawn a kana etleh, lapawl a basste bang world-cup a va kimawl hongtung tung phet di bang, “numei hia le pasal hiale huai a bass lak a pang pen” chih khong hi kei ka na buaina…. khemkhem in.Tatoo bang gelh sam, hoih a hoihlou,bang lem bang laimal chih theih butlouh hi zomah venchin….Everready battery sung a avui vom omte zang a agelh hilai ven aw. Mawldeuh lai a mi’ kizepdan manban nailou hi maithei himahle’ng le Biak-inn adia killawmlah deuh sa hiset veng e. Ki a ki changkang sak….Mobile thaknei a vibrate a koihkha in ahong ging tak a puakzak di sa a taizak thei duaiduai laite hinuam uh chi uh eive mi’n… huai kicheidan huntawk theiloute kha..

 

Hun paisa ah singtangmi hiloute’n I numeite uh ana pawng maingal ziak un thiltung ana om zekzek a, maingal luatdi’a bang hihkha, bang chi omkha, bangchi kichei, ei a singtang mi tata in I numeite uh thangbawl lua I diam? Chihte ngaihtuah tham ching thou eive maw. Nu-le-pate mah inleng khovel kinoh gawp, tate’ siamna/pilna manban lou chi a dinkhawl mailou a pantheih dandan a pang chenchen ngai hita mawk veh. Social networking sites tuamtuam ah vaite/eimi hiloute’n I gam hong luah dim dan uh I tangkou pih mun mahmah ua, ei mahmah inleng I omna Lamka sung ah VAINEL Leh VAIHAM khit khiat siang sipsip hunta sa hi set veng aw. Nou bang na chi ngaih d’uam ah zaw thei khang.

 

Dam bawlna a hiaizah lut, hiaipa’n hiai zah negu chihte khong kagen utlam ahi kei! Amau mun ah ding leng keileng amau sang in ka uang zaw kha mawh na! Eimah mimal mah inleng awlmohna neukha bek neilou ihi d’uam ka chih ton tam hi. Aziakbel, I lui neihsunte uh dustbin I suah ua, nin kih huai pipi I pai ua huaile nin bawding gari omlou leng hilou, Lamka khopisung a I lui neih tengteng uh dak khia in en mah d’uh, abuahdan I keplouhdan aki lang mai maw. Pathianni a leng dawr khak ding zuizou nailoute leh Diwali chiang a leng halpuak lel leng khamzou aki hinai kei a hi maw.I khua mahmah ualeng mundang a hong kipante’ “Play” theih maimai ihi lai ua hi maw… POI TEUH KHANG!! Zoutang bang kadam nak leh……chi lailai set di I diam?

 

I khel dan uh lah mawl a mawl huai thei taget. I gamsung a phatuam ngai leh gam iit tamlou omte’n waiting shed etlawm mahmah bawl taleh, abang mit donna leh khelna nei I set ding u’am suse chitchiat…bawlhoih non le uhlah suse zel…bawlbawl ding bang hileng le suse ding himhim a ana tangpang den ding om hil’eng kilawm tel hang a maw…Khuga dam a guest house kilawmtak, ei adia I phulouh ding khop a hoih hon bawlsak uh, a uumna/bang glass teng khong peuh dengse khemkhem. Huai kia deihkhop lou lai in zahmoh pipi gelh khemkhem settawk. Hiai bang a gamtangte tata bang “gam-iit” kichi ut zeza zomah ding hi hang a maw… “ Love is Blind” achi namah ua ‘Blind takzet ahi! Numei-leh-Pasal kal a iitna lah ‘blind’, gam iitna le ‘blind’. Blind vek!

 

Gamdang ichi diam state dang ah I om a I tenna Lamka(…ale khekzoh hilou…)I gal et a, huchi-khachi leh chih gen-le-sak bang I hauh kia hilou hangsan petmah in ‘comment’ I pe deuh vel a, a mun ah I hong om hial leh zaw aw…… zankhovak a Bible simsuak chuh hi, A ihmu theite adia ap a ap huai, a ihmu theiloute adia ngaihngaih theih lah a hisel ngellou ihmutna deih tentente adia ning kitel huai chih toh kibang di’n koih suk mai ni maw. Tukum in I solkal nasemte uh nasatak in hong pension souhsouh ua, aban adite’n lah “I gam zaw khosakna tak kei…khotang selua..” chi a vaigam zuan bhengbheng lah vaigam apan gam iitna thu tangkou deuh lehlah! “Ching gam haite’n hong man ve ua….!!” N’ong mat utkei u’aleh kamsim tawntung ta un….. chih motmot dikhong ut phial mai kei set tawk ve!

 

A manpha mahmah kana sak leh pammaih kana sak mahmah “Suangmantam Digest” a kana simkhak khat ka theih dandan in ka hon gelh ding – Nikhat skul naupangte kiang ah a heutupa un dotna bawl hi. A dotna bel “Khovel ah bang diklou nasa pen ua?” chi in dawng hi. Naupang khatna in “Kideidanna” chi in dawng a anihna in “ numeite nuaisiahna” chi in dawng hi. A naupang thumna in “Ka pa’n ka homework a gelhdik louh teng a kei no’n zep zel pen dik kasa kei pen” chi in dawng chi uhi. TUADAN HI..maw I paidan uh….

 

 

Zomicoolmoood©29oct14.

Read 653 times
More in this category: « Khem in ka omzel maimah!

  • zouhuihkhi
    zouhuihkhi
    Monday, 17 November 2014 20:04

    Manpha mahmah e.

  • whoami
    whoami
    Wednesday, 19 November 2014 15:45

    Very tulai Lamka reflection chi mai dia le

Login to post comments