You are here: HomeArticlesInfoZogam Artiste Association (ZAA): “Nation Wide Gospel Music Festival 2014” Highlights...

Zogam Artiste Association (ZAA): “Nation Wide Gospel Music Festival 2014” Highlights...

Written by  Zogam Artiste Association Published inInfo Thursday, 04 September 2014 11:21
Zogam Artiste Association (ZAA): “Nation Wide Gospel Music Festival 2014” Highlights...

Nation Wide Gospel Music Festival 2014 program toh kisai Lamka khawpi sunga Saptuam Head Office tenga , Biakna lama I heututen, Saptuamte kithuah khawmding Lemsak pihna leh Phalna (green signal) ahon piak ziak un, I kipak petmah a, amaute tung ah, Toupa minin kipahthu I gen hi. Huchibang ahihziakin, hiai nasepna leh ki thuahkhawmna in, I khawpi sunga Saptuam leh Biakinn omna tengteng huapkha vekding leh, sawkban ding, Biakna leh Phat Khawmna Program Thupitak ahih ding chih I deihdan ahi.

 

FESTIVAL IN A TUP LEH A PAI DANDING.

 

  1. “Nation Wide Gospel Music Festival 2014” in a tuppen ahihleh “TO PRAISE AND WORSHIP GOD”, “Toupa I Pathian Phatding, A mah biading, A mel zongding in leh, A min nakpi taka tawisang dingin”.
  2. Hiai Festival ZAA in a organize himahleh Khris a u leh nau kuapeuh in, chi leh nam, ahihkeileh pau leh ham, huaiban ah pawl thil a ana lalou dingin, Toupa minin I kingen hi. Hiai program toh kisai mobalization naa (work) pat ahih chiangin, chi-leh-nam ahihkeileh pau leh ham thu ki buaipih loudinga, Toupa I Pathian kia mai et a amaipha zongding leh, A mah a lianpen a koih dingin.
  3. Khristian ten I vek ua Khris a innkuan khat I hihdan athak a, ki phawkkhiat thakna a hong om a, I gamsung ua ki itna leh ki lainatna ahong khanlet sem theihna dingin. I gam a, chi leh kuang, pau leh ham a, ki deidan na ahong beia, I gam Khristian gama, communalism hihbei a ahong om theihna dingin.
  4. Taksa dan a Laigui khatzom I hihna kia hilouin, Kalvari a Jesu tatna sisan ziaka, eite Khris ah Laigui khatzom ihi, chih athak a ngaihtuah in, Doctrine hiam, ahihkeileh, Pawlthu te buaipih louin, Kalvari a tatna Gingtuten’ Saptuamte ki pumkhatna hihhat dingin theihtawp suahin pangni.
  5. Khristian Tuailaite ki gawmkhomna, nakpi taka hihhat a ahongom a, I gam Khristian gam ahihna diktak ahong kilat theihna dingin. I pau leh ham neu khakhah aki batlouhna te, buaipih louin, hiaite I gam leh nam hauhsakna ahi chih phokin, khat leh khat ki deihsak tuahin, Toupa mai ah nuamsa takin iki thuahkhawm dinguh.
  6. Saptuamte laka Khalam ki pumkhatna (Spritual Integrity) ahong omsem theihna dingin leh, hiai FESTIVAL tungton a, PATHIAN KHA SIANGTHOU vehna thupitak Itan ua, I gam ua Salam leh khalam a, kikhekna thupitak ahong om theihna dingin.
  7. Huai ziakin, hiai Festival ah, Chief Guest, Functional President chihte a omkei dinga, TOUPA I PATHIAN SUPREME GUEST in, I neiding hi ahi. I Pathian Min Siangthou, a mite tungtawn a, nakpi taka tawisanga a om theihna dingin. A neupen apan alianpen, a tawmpen apan atampen, mi tengteng, I Pathian mai leh, a mitmuh a kikim a omin, Toupa I Pathian amah a lianpen a koihin, amah phatin iki thuahkhawm ding uhi. Hichibang lah Toupa mitmuh a manpha leh amite hihding him ahih ziakin.

 

 

“Aw hongpai un Toupa kiangah, Amah phatin, nuamsa takin, la I sakhawm ding uh. Amah lah ahoih ngala, A chitna khantawn a omding ahih ziakin, Toupa I phat ding uh”

 

I THUPI DING IN VAN MANG NA UBANGA AKAHNA KALVARI AH KHENTUAM NEILOU UH AW NAM TENGT ENG LEH, CHICHIH PAUCHIH TE VAN MANG NA UBANGA , AKAHNA KALVARI AH KHENTUAM NEILOU UH HALLELUIJAH, GENSIAM LENG MA W, HALLELUIJAH, AW HEHPIHNA , DAITHEI NGEILOU, KIPAHNA , HINNA PAKHOIH

 

I PROGRAM GUIDELINE DING IN

  1. Community teng akipan la khatchiat kaihkhawm ding, A hihtheih leh, hiai late ei tualsung suak late hileh a deihhuai a, ahihtheih keileh lah poilou. Laa hong kipekhawmte apau hiam ahih keileh a banghiam chihte buaipihlou a, ahi bangbang a eia ahi chih thei koma sakdi.
  2. Hiai atunga la ki kaikh awmte Biakinn chih a tuailaiten ana zir dinguh ahihziakin, la hing, mi tampin a pawla sakding, la saknuam, Pathianin a zat mahmah late hileh a deihhuai mahmah hi.
  3. Community chih apan La I kaih khawmpte, a Soundtrack (Music Track) toh hipah ngal henla, mipin live a I sakkhawm ding ahih ziakin, akal ah music (interlude music) saulua keithei leh, a deihhuai hi. La kikai khawmte avek a eia vek, Pathian I phatkhawm nading ahiziakin, I sak chianga, akawi pen hiam mute a off tuamding deihlou I hihman in, music lama mawhpua ten, a style leh music flow leh a dangdang approval ana bawl dinguh hileh.

 

Hiai Atunga Teng Banah, I labu a la hoih taktak I neihte a pawla sak dingin: 1.Jesu minlian phat chiatni e. (All Hail The Power) (Crown Him) 2.Aw pau sangtampin la sading. (O, For A Thousang Tongue To Sing) 3.Kongkhakte aw na kihong un. By Rev. Andrew Thomson B.D. 4.Halleluijah chorous. 5.Piandang suisenglouh aw Pathian. (Unsearchable Is Our God)

 

 

  1. Jerusalem Zion Khawpi Galin don un.
  2. Aw Vanglianpen Halleluijah.
  3. 3.Aw Toupa thupipen lambang pakin apha.

 

 

Hiai atunga late lenkhawmla leh Saptuam labu a om, La ineihsate Saptuam a I omna labu dandan in ana zir photleng, ahun chiangin ahih leh projector zangin screen a kapkai in agelh dandan enin I sakhawm theipah maiding hi. I programe a lohchin theihna dingin I late I siam mahmah ngai ahimanin, kuapeuin la zirna ah theihtop suahchiat ni.

 

Special Number Dingin:

Hiai I lapawlte leh Lenkhawm late banah I lak ua lapawl siam; Cetral Choir I neihte leh, I program a special number dia zehtel tuak I sakte guanlut beh dingin.

 

Special Note:

I Programme leh i hunzat tengteng Video leh Audio Live Recording hingal pah thei ding in kuapeuh ki sakkholna leh, Ivai saina ah Standard leh Smart tak a I perform theih nading in theih top suah in pangchiat ni.

 

I Festival,pen politicalize somlou ihhih mahbangin, hiai hun ah kuamah in, I nampuan hiam ahih kei leh, mi laka, I nam hihna chiamtehna uniform a chituam deuh huchibangte hihkei theileng. Toupa I Pathian mai leh, A mitmuh a amite, I vekpi a kikim leh kibang a ki thuahkhawm ding chih I tupdan ahihziak leh I thupi KHENTUAM NEILOU chih ahihziakin.

 

Jesu sisan a tatsate namkhat ihih dan langsak dingin ahihtheih liai leh, I vekin silh leh ten kibang theileh a deihuai petmah a, himahleh ki sakkhawlh na hun sau I neihlouh ziak leh, I mite adia puakgik ahihkhak ding a lauhuai ziakin, I meeting chiang a iki thutuahna bangbang hi zaw dingin.

 

Hiai atunga Silh leh ten (uniform) I genin I program a tan neite leh special number present dingten, nampuan ahih keinak leh, uniform silh phal hiding in. I hun, manphatak leh, phatuam taka, I zat ua, Pathian vualzawlna thupitak I tan theihna dingun, Short Message honpe dingin I lak ua Pathian mizatte a kallaklak minute sawm sanga saulou hun piakzel dingin.

 

I naa sepna leh I Festival program a za huap theipen ding leh Saptuam omna Biakinn teng sawk banding deih I hihmanin, I program kisai thu poimoh lai hawmkhiat ding tengteng, I sunga community pau I neihtengin, letkhia in hawmkhe vek thei leng a deih huai. Hiai I kithuah khawmna I vekua a ahi chih I latsak sem theihna dingin. I programme in, kum upat leh naupang thu ah, limite neilou ahih man in, anaupangpen apan upapen tan huapkhavek ahih man in, kua peuh in i omna saptuam chiat ah, i programme toh kisai motivation hahbawl chiat ni. Hiai ngaihtuah naziak in i latelte ah leng lenkhawm la leh labu ineih masak te apan la hoih isak tuam deuh te hong kikaikhawm ahi.

 

Compare ahih kei leh Announcer dingin I community pauteng a kimvek teitei theihna dingin a baih theilam in sehkhiaksa in awm henla, ama pek akipan preparation ana neih theihna dingun, ki kaikhawm theile uh.

 

Usher toh keisai in, I Tuailaite nakpi taka a kithuah khawm ding uh deih I hih manin, Saptuam chih apan I tuailaite ki kaikhawm henla, hoih takin brief masa in ki thuahkhawm sakleng.

 

I Programe teng ah Pathian kianga ki piakkhiatna mipi thum khawmna khatvei omzel thei leh, hiai hun thumna pituin poimoh a sakleh, chalange hour leh artal call hipah thei dingin.

 

Hiaiteng I Programe, pai Danding Tangpi a Guide line hihenla, Meeting paikhawm chiangin ahoih zoksem na dingin palai paikhawm ten ngaihtuah khawm ni. I program lohching taka I zat theihna dingun, thumna toh theihtop suahin pang chiatni.

 

“Aw hong pai un, Toupa kiang ah, Amah phat in nuam takin, La I sa khawm ding uh. A mah lah a hoih ngala, A chitna khantawn a om ding ahihziakin, Toupa I phat ding uh”.

Read 1266 times

  • whoami
    whoami
    Friday, 05 September 2014 11:25

    A hoih tuak lua! Chief Guest, Guest of Honor adg.adg. omlou ding, miteng teng a kikim a om ding, Toupa mah phat ding, Ama kikimpih omlou, tehpih ding dang omlou chih ensak kawm a pahtawina,kipahna langsak ding.. VIP line/tutna chih leng omsak louh dia hoih didan eive. Usher te VIP maivil a a buailuat chiang ua i biak pen in mun nei kha lou sek ahi.

Login to post comments