You are here: HomeArticlesInterviewOnline Interview with Nem Muankim and The Lamka Post

Online Interview with Nem Muankim and The Lamka Post

Written by  The Lamka Post Published inInterview Tuesday, 28 October 2014 03:17
Online Interview with Nem Muankim and The Lamka Post

LP : Eimite lak a lasiam minthangtak na hihziak in, bangchik a pan lasak na na pan a?

NMK : Ka neulai deuh class VII ka simlai a pan in biakinn khong ah lasak ka na panta hi.

 

LP : La siam mawngmawng na hi hia ahihkeileh kizil a siam na hi hia ?

NMK : Siam honsate a dia siam, hon saloute a dia siamlou ka himai haha... Zilna ka neikei ka lungluta hi. Tuchiang in ka neulai a ka natna neinawnlou ka kisakleh tu khonung in hong puangthak a la le deihbang in ka sa zounawnkei. Hon thumpih un Bronchial Asthma ni kum a pat in hong puangnawn...

 

LP : Na album bawl masakpen bang ahia ?

NMK : Ka album bawl masakpen ahihleh Gospel album “Kipak Ing” chih 2009 a ka bawl ahi.

 

LP : Tunitan in album piching bangzah na bawlkheta a ?

NMK : Album piching mimal in khat kia ka bawl pan.

 

LP : Album piching hilou la record bangzah na bawl kha ding?

NKM : Ka laphuahte 4 ka khumta a, huaite ahihleh “It leh ngaihte” (vdo toh), “Tulsing lelpan” (vdo toh), “Zoutate lungtuak Simthu” (vdo bawllouh), “Hon ngailua ing” (vdo bawllouh) chihte kei mimal khutsuak ahi a, huai banah Banglore Zomi album ah Khangnote (C.K Khai album "Kong it zua'' ah), Saranghae, Damtak in Mangpha (Minthang Guite toh), OMG, Mittaw bang itna (Minthang Guite toh), Changbang ka tel (Kenedy toh a album “Kei a di'n”) chihte leh Pu Pauzacin late ah la 3 - Zo ngeina pawi, Siamsin momno, Lailung muanna omlo (Muan Hangzo toh) chihte ka sakha hi.

 

LP : Na lasakte lak a nang phuah bangzah a om kha a ?

NMK : Dena ka gensa mah bang in 4 ahi a, BZC a ka khumsa uh le a om a. chik chiang in kon release di uam ah. U Minthang Guite in a kaih hon bawlsak le a la thu hon lepsak ahi.

 

LP : Pathian la na sakte lak a bang la hoih na sa pen a ? Bangziak in.

NMK : Ka Pa la phuah "A thupi e" chih hoih kasa pen. A ziak tuh a tangthu om a kiphuak ahih ziak in huai banah "Tulsing lelpan" chih pen hoih ka sa, a ziak tuh Jesu pianna leh a sihna banah a thohnawnna uapkha a ka phuah ahih ziak in.

 

LP : Gam ngaihla/zawlla na sakte lak ah bang la hoih na sa pen a ? Bangziak in.

NMK : Zawlla/Gamngaih/Pathianla la ah ka sak khakteng leh ka gelhteng hoih ka sa vek.

 

LP : La lam toh kisai in i gam leh i minam bang dinmun a om hi'n na thei ?

NMK : Lasate/hong kipan tungte i pahtawi naksang un a gensiatlam i hat ua, mi 1 le 1 i kidomsang kei lua ua, huai in i gam ua la a khan di bang in a khangsak kei ka sa hi. Huaiziak in lasate kivui lawsek hi.

 

LP : Khangthak lasatu dingte kiang ah bang 'thuchah' na khak nuam a ?

NMK : Kipan se kei un i gam un a zilkei. I gam ua mite lungsim liantak mi pahtawi dan siamtak a hong hih chiang un kipanpan un ka chih ut.

 

LP : Chin-Kuki-Zomite lak a Gospel singer-te kua na ngaisangpen a ?

NMK : Nu Lianlunching, Vanlal Sailova-te siam ka sa pen.

 

LP : Chin-Kuki-Zomite lak a love song leh gamngaihla singer-te kua na ngaisangpen a ?

NMK : Benjamin Thomte naksiam e... sa hiahhiah mai eivoi.

 

LP : Nungaklai, laisiam, la siam leh melhoih zawmahlai na hihchiang in, tangval tampite lungsim luahtu na hi a, tua ziak in LAM-ETNA a omlai diam chih bangle kithei nuam dan hive aw.

NMK : Kareee non dong siam e... haha.. Maban zaw Pathian thu hi... ahi a tulel in chu lametna omlou phot.

 

LP : I gam a lasiamte'n a phutawk uh pahtawina ngah hi'n na thei hia ?

NMK : I gam a lasatute’n sumdawnna a sa uh ahikhol kei a, i gam leh nam dou dia la sa ahihziak in pahtawina a tan ding ua kilawm tanglou uhi. Huaiziak in, pahtawi ding lam-en a lasa hikei mahle uh pahtawina kichi pen “Teuhlou” ahi mai.

 

LP : I gam a fb zatdan hoih huntawk hi'n na ngaihtuah hia ?

NMK : Hoih ka sa zouchiah kei, a diak in group khenkhat ah i kipilsak theilua uh ka sa.

 

LP : Tulel in album bawl na nei hia ? Tua bang om leh bangchik hun a release na sawm a ?

NMK : Neilou.

 

LP : I gam in a taksap lianpen bang hi'n na thei a ?

LP : N’on dong hoih mahmah e. I gam in a taksap pen tuh ITNA ahi. Adiak in nam 1 leh nam 1 kikal ah itna a omkei.

 

LP : La tungtawn a i gam a minthang na hihziak in, hiai toh kisai a haksatna na tuah bangbang a om a ?

NMK : Haksatna bangmah omkei. Khat veivei tuh mi'n lasa dia hon chial chia ‘aw’ va chih di haksa ka sa sek bangziak hiam i chihleh ka awmna in hon phak hun di a kigen theihlouh ziak in.

 

LP: La lam a hon hanthawntu (inspire) bang/kua ahia ?

NMK : Kua dangle ka chi kei a UMinthang Guite kiang a i omleh nuam himai. La a lunglut banah mi hon hanthawn siam petmah. Khat veivei bang tuh khovel a lasiam pen bang kihileh kilawm mai.. haha

 

LP : La siam na hihman in, la sa in mundang/gam dang koi munmun ah na paikhata a ?

NMK : Ka paikha naikei. Laizillai ka hih ziak in koimah ah paikhe thei di dinmun in ka omkei phot. India pua ah mun 2 ah chial in om mahleng ka zilna ziak in ka paithei kei hi.

 

LP : La siam i neihsunte mipi'n hichih zaw deuh lehang khangtou zaw ding i hi uh chih khong ngaihdan na nei hia ?

NMK : Eimite i lungsim uh a neu a kihanthawn naksang in kigensiat lam i poimoh ngaih zaw uh. Etsakna in Saranghae a hong pawtkhiak tuung in fb a group khat ah kiselna in ana zang ua, eipau hizaw deuh leh mo / eipau a thumal di muzoulou uh hi’nteh mo chih khongte in hong kiselsel ua huai khongte’n hon su-nguai maimai sek hi. Huaiziak in lungsim zau zaw deuh theileh ei Zomite i lasiamte uh la lam ah khangtou mahmah di un ka gingta.

 

LP : Zawl la sak toh kisai bang ngaihdan na nei a ?

NMK : Pathian in mihingte a hon siam a, mihingte kal ah itna a siam hi. Pathian khutsuak mihing itna la i sak a siatna om in ka theikei. Banah ei Zomite'n i theih dia hoih ka sak tuh la i chih entertainment ahi a, lasak dungzui in mi ‘judge’ keile chih ka gen ut hi. Etsakna di’n khotang hinkhua ah zawlla sate mi hoihlou Pathian la sate kia mihoih chih khong (social stigma). Ei Zomite laa lam a i khantouhlouhna uh huaiziaktak hi in ka thei. La a i khantouh uttaktak leh la khatpeuh Pathian la/ gamngaih la/ zawl la/ suunna la sakvek sawmle la kihau ding a, la lam a kikhangtoutuan mahmah ding hi. Pathian la demand channel ate khong bangle entertainment ahi a,  Pathian biakna taktak i chih i lungsim a AMAH a hongten a, en limtak a i biak pen biakna  ahi.

 

LP : Lamka Post in local artist-te tanchin hiai bang a hon kisuahzel pen bang ngaihdan na nei a ? Hoih hia hoihlou ?

NMK : Na hihhoih lua uh hon sunzom toutou zel un. I lasiam te uh milak a phoulat zel di mah ahi. Pathian in hon pi hen.

 

LP : Na lasakte lak a na minthanpih mahmah khat “Saranghae” bangchidan a hong piangkhia ahia ? Hiai la kia phuah a ?

NMK : Saranghae hong kipat dan tuh hiai ahi - Numei 1 leh Pasal 1 fb tungtawn in hong kithei ua, sawttak hong ki-chat-ta uhi. Huchiin a numei pen in ana ngaita a, lah a pasal pen in lawm dan in ana enlai hi. Anumei pen in a pasal a ngaihluatman in a ngaihthu a gen di ana kinem gige hi. Huai dan hi a pai dan kenle sau ka theikei. Ala ahihleh U Minthang Guite toh a hon bawlkhiak uh ahi.

 

 

 

Bio-data :

Min : Nem Muankim

Pa Min : Dr. D.K. Mang Munluah

Nu Min : Donthianmuang

Date of Birth : 26th June 1991

Address : New Lamka, Hebron Veng- B

Education Qlfn : Post Basic BSc Nursing

 

Read 5663 times
Login to post comments