You are here: HomeArticlesInterviewZomi Idol – 2015 (India) hihna la Miss Chingngaihlian Toh Houlimna

Zomi Idol – 2015 (India) hihna la Miss Chingngaihlian Toh Houlimna

Written by  ZOL Team Published inInterview Saturday, 28 February 2015 11:13
Zomi Idol – 2015 (India) hihna la Miss Chingngaihlian Toh Houlimna

Zomi Idol – 2015 (India) hihna la Miss Chingngaihlian  ahihleh Pa LK Mang leh Nu Dimzaching te’ gil a goutan 4 (Numei nih leh pasal nih) te lak ah anihna ding in 25th September 1993 in Singngat khua ah ana piang hi. Tu in Vengnuam, New Lamka ah a sungkuan un khosa uhi. Ama’n tu in BA - 2 year, Ccpur Govt. College a sim lel hi. ZOGAMonline in Zomi Idol 2015(India) alak kipahpihna leh houlimpihna kinei a, huai a houlimna tamlou I phoulaak diing uh.

  

ZOL-ZOGAMonline | CNL – Chingngaihlian

 

ZOL:    Nang toh houlim zekle’ng chi a hongkuan ka hi uh, na hun manphatak no’n petheidiam?                     

CNL:      Pethei zenzen e, houlimpih taak n’on sa ua, ka kipaak

 

ZOL:    Amasa in ZogamOnline’te hunlem no’n piakziak in kipahthu k’on gen ua, ZOMI IDOL 2015(India) na lakna tung ah k’on kipahpih mahmah uhi.

CNL:      Kei le ka kipaak lua,

 

ZOL:    Ahihleh kum bangzah khawng na phak apan in laa lam ah lunglutna nana neita a?

CNL :     Kum l3 vel ka phak apan in ka lunglut.

 

ZOL:    Chik kum apan in mipi ma ah lasak nana panta ale?

CNL:      Mipi ma a ka lasak patna ahihleh kum 2006 in Biakinn ah ka saa.

 

ZOL:    Bang laa saknop na sapen a? Zawlla leh Pathian laa kikal bang ngaihdanna nei?

CNL:      Pathian ompihna toh laa lampang sak theihlouh luat ka nei kei, Zawlla selua in ka ngai kei a hilehle ken bel aw (voice) hon petu Pathian ahihman in amah phatna ding a zat hoih ka sa pen.

 

ZOL:    Laa – Audio/video/album bangzah himhim nana khah kheta a?

CNL:      Kou unau in Video Album khat ‘Genseng kei ni’ chih 2010 kum in ka bawl ua, huchi lou in Singngat Special leh Burnies Melody Albumte ah leng ka sa kha a, video record a kigawm in 15 vel ka nei hi.

 

ZOL:    Laa lam toh kisai in, bang haksatna na tuak ngei hiam? Banah, bang in hon kithalawp sakpen hi in na thei?

CNL:      Mipi mai ah ka din chiangin ka nervous sek a, tonsil ka neih ban ah damtheih lou ka hihman in, hiai teng in khat veivei haksatna hon tun sek. Pathian laa sa sak chiang in Pathian phatna dia s aka hihziak in hon kithalawp sak banah gam ngaihla ka sak chiang in gam-le-nam adia ka hihtheih omsun ahihziak in hon kithalawp sak hi.

 

ZOL:    Lamka leh a sehvel ah bangziak in eimi khutsuak, aw suak mahmah laate’n market hoihtak neizoulou hi’n na thei hia? Bangchi panlak hoih na sa?

CNL:      Hiai chu album bawlte’n le sum muh na’ng maimai abawl lou in, hah pang a pang in, laa hoihtak leh nounel tak a zil leh record bawl in performance tanpha en hoih le, mi lungsim zou di, mipte’n le copy/write bawl pah mawk lou in, alei lam ah pan la thak le, mi’n tha leh zung, sum leh pai tampi a sengna ua en innmun a 100/200 a lei pen chiil huai mahmah lou ahi.

 

ZOL:    Eimi lasasiam lak ah kua na ngaisangpen ale?

CNL:      Mimin Baite, Thangginsang, S. Chingnu chihte huchi lou sapla sa te lak ah Shania Twain ka ngaisang pen.

 

ZOL:    Tutung ZOMI IDOL sai uah hiaitan tungdi’n nana kinemkha hia? IDOL hihna la na hi chih na theih in na lungsim ah bang hong om masapen a?

CNL:      Huai kinem a kitel chu hia…. IDOL hihna la ka kitheih in kipahna in ka dim, Pathian kiangah kipahthu ka gen ngal chet..

 

ZOL:    ZOMI IDOL  na kidempihte lak ah huphulh guuk luat khawng na nei hia? Kua kua siamna sa a.?

CNL:      Pathian ompihna toh huphulh guk luat kanei kei. Contestant te a siam uh ka sa veka. Top 10 tan bang chu siam thei lua uh himai.

 

ZOL:    ZOMI IDOL 2015(India) hihna lakna diing in bang chi bang in panla in, na kisakhawl a le ?

CNL:      Zingkal chiang in 2/3vei khawng  laa ka sa jel a, nitaklam chiang in 5/6vei khawng ka sa jel hi. Live Music audition neih di kuan in jam room a musician te toh ka kizilna te uh mobile ah ka record a, huaite ka pa toh ka ngaikhia ua, huai dan in ka pa’n guiter hon tumsak in inn ah le ka sa jel. Banah, hiai kidemna a ka kuandek teng in ka nu’n thuumna in hon khakhe jel.

 

ZOL:    Na aim in life n’on hilh thei diam?

CNL:      Ka aim in life tuh, IAS ahi.

 

ZOL:    Nang a pat kupnop na nei hia leh?

CNL:      Kuapeuh in i  maban Pathian khut a nga in Amah kipisak thei le, huai banah, nu-le-pa thuman lohchinna

thuguk ahi chih I theih chiat uh hoih ka sa.

 

ZOL:    Kakipak uh e. ZOLte’n maban ah na hong lohchin sem a, n’ong lamzan zel a, i gam, i nam

melhoihsaktu na hong hih deihsakna lianpen k’on khak uhi.

CNL:      Kei le ka kipaklua, ZOGAMonline damsawt in masawn jel hen.

 

 

Read 3190 times
Login to post comments