You are here: HomeNewsWorld NewsInternationalSualluih nung a hingvui a om numei dam in suakta

Sualluih nung a hingvui a om numei dam in suakta

Written by  Published inInternational Thursday, 31 October 2013 14:48

LAHORE , Oct 30: Pakistan gam Punjab province sung ah numei naupang kum 13 mi khat sualluih ahihnung in hingvui in om a, hiai thu theihkhiak ahihphet in court in thiltung suizuina nei ngal ding in thupiak bawl hi.

 

 

Lahore khopi a kipan kiometre 225 a gamla Toba Tek Singh district sung a khua khat a teeng Siddique Mughal in a tanu kum 13 a upa Quran (Muslim sahkho bu) seminar neihna a tel meltheihlouh pawlkhat in pimang uh ahihdan police ah report bawl a, pimangtute'n a tanu a taimangpih nung ua pawngsual uh ahihdan leh a tanu pen a sihnung a koimun hiam a vui a om hiding a muangmawh ahihdan police-te kiang ah theisak hi.

 


Himahleh sualluih leh hingvui a om numei naupang in vui a omnung sawtlou in khuaphawkkhia a, leisai kivukkhum lak a kipan awl in pawtkhethei hi. Tua nung in panpihna ngen a, a kikou aw za kuate hiam in pikhia ua, huai kiim a om damdawi inn khat tun uhi.

 


Sualluih a om numei innkuante'n police-te kithuahpihna bangmah ngahlou ua, huaiziak in hiai thu a paisa Kiginni in Lahore High Court in theikha pan hi. Tu in High Court in hiai thiltung mulkimhuaitak suizui a sualluihtute kintak a mankhe ding in police- te thupiak khauhtak bawlkhum hi. (PTI)

 

 

Read 1046 times
Login to post comments