You are here: HomeNewsWorld NewsNationalIndia Mars mission lamzang, final orbit tungpahta ding

India Mars mission lamzang, final orbit tungpahta ding

Written by  Published inNational Wednesday, 13 November 2013 14:02

New Delhi: Kal masa in India in Mars planet enkhe ding in Mangalyaan satellite pua PSLV-C25 rocket kapkhia a, Seppatni in hiai Mars Orbiter Mission(Mangalyaan) in leitung a kipan kilometer 100,000 agamlatsan ding kuan in a nasepna aneihna hun ah spacecraft khohkhetu engine in buaina tuakkha a, himahleh Sepnawnni zingkal in, gel a omsa bang in, ISRO-te’n hiai spacecraft hat zosem in khohkhe nawn ua, Mangalyaan damtheihna lam leng hoih mahmah a, lungtunhuaitak in Leitung gamlat hiaihiai kimvel khualzinna aneih lamzang mahmah hi. December 1, 2013 chiang in leitung gim namkha nawnlou ding a, Mars planet zuan in zinkualta ding hi.

 

 

Sepnawnni a ISRO Chairman K Radhakrishnan in thuthaksaite kiang ah kipaktak in “All is well” chi’n gen a, gel a omsate tangtungtouzel a, dakkal bangzah hiam chiang in spacecraft in leitung kimvel kipei a khualzinna aneih final orbit a totkhak puankhiat hipahta ding chi’n gen hi.(NDTV)

 

Read 740 times
Login to post comments