You are here: HomeNewsWorld NewsNortheastPranab Mukherjee in “Hornbill Festival 2013” hongkhia

Pranab Mukherjee in “Hornbill Festival 2013” hongkhia

Written by  Published inNortheast Monday, 02 December 2013 17:11

KOHIMA, Dec 1: Ni nih sung daihding North eastern state nih-Arunachal Pradesh leh Nagaland veh a zinkhia President Pranad Mukherjee in Chief Guest hihna toh Pathianni zinglam dak 10:30 in Naga Heritage Village, Kisama, off Kohima mun ah “50th Nagaland Statehhood Day” lopna toh kithuah ni 10 sung daihding “Hornbill Festival 2013” kichi thupitak in hongkhia hi.

 

President Mukherjee in a thugenna ah, North East In­dia a state tuamtuam omte’n India toh kizopna hoihtak nei South East Asian gam tuamtuamte amakaih uh hunta chi’n gen hi. India leh South East Asian gamte kal a leilawn hoihtak nei North East region ahi chi hi. North East region poimo­hdan katheisiam mahmah a, sumnak hoihtak bawlkhi­atna munpi(centre) suak­thei ahihdan leng gen hi. Mukherjee in President of India aletnung Naga­land state nihvei vehta hi. Neiphiu Rio ichih chief min­ister ‘om maimai theilou’ leh fel mahmah khat ahihban ah hiai Hornbill Festival in Naga sung a tribe tuamtuam omte pumkhat suaksak ahi chi hi. Naga tuailaite thil­tup pholhsuah ahihtheihna ding in Nagaland state in lemna leh muanna aneih poimoh mahmah chi’n gen hi. Khovel kikheng zung­zung lak a khosa ihihna utoh kiton in, pangkhawm a state khantouhna ding lampi izon uh hunta ahi chi hi. Government of Nagaland in kum 50 buaina bangmah omhetlou in mualsuahpihta, hiaini lawm a kipak mahmah mipite toh hun kazatkhawm theihpen kalkisaktheihpih mahmah chi’n gen hi. Dr. S. Radhakrishnan in state thak liklek Nagaland kichi honkhiatna aneihlai in mip­ite lunglutna leh alungsim uh manban ding in Govern­ment kiang ah chialna bawl chi’n President in gen hi. Na­galand Governor Dr. Ash­wani Kumar leh State Chief Minister Neiphiu Rio-te’n thugenna nei uhi. Hornbill Festival in nam tuamtuam kaikhawm in Nagaland ahi­hna puangkhia a, Festivals of Festivals chi’n leng ana minloh hial uhi. Dr Ashwani Kumar in Coffee Table Book kichi laibu hongkhia a, copy masapen President kiang ah piak in om hi.(NNN)

Read 1579 times
Login to post comments