You are here: HomeNewsSports NewsCristiano Ronaldo in amah leh amah kipahtawina dan in Museum khat hongkhe ding hi

Cristiano Ronaldo in amah leh amah kipahtawina dan in Museum khat hongkhe ding hi

Written by  Published inSports News Thursday, 05 December 2013 16:10

Lisbon: Sepnawnni a Football peksi­am a minthang mahmah Cristiano Ronaldo in agendan in, apianna mun Portuguese island mun ah amah leh amah kipahtawina dan a museum khat hongkhe ding ahihdan gen hi. Kum 28 a upa Real Madrid player CR7 in hiai museum ah kum 1990 a Madeira island a kipan lohchinna thupi taktak angahte koihkhawmna leh lahkhiatna(showcase) munpi ding in zang ding hi. Museum honkhiat ding toh kisai a plan omsa tengteng sufel ding in a Nu leh atapa Cristiano Ronaldo Jr toh Madeira mun vehna aneihna hun a gendan in, December 15 in Madeira's capital Funchal mun ah hiai museum honkhiatna om ding a, hiai hun amahleng vakihel ding ahi­hdan gen hi. Museum sung ah football chi tuamtuam, lemlak leh trophy an­eih tengteng koihvek ding hi. Khovel pumpi a football peksiam mahmahte lak a khat Ronaldo(CR7) in apa sepna mun island neuchik khat a local club FC Andorinha a kipan in a carreer pankhia hi. Kum 12 a hih in Lisbon zuan in Sporting Portugal zom ngal hi. Kum 19 ahih in Manchester United toh kilemna suaikai in international carreer pankhenawn hi. Madeira mun thuthaksaite’n, Ballon D'Or 2013 ngahtheihna ding chance nanei ding hiam chi a dotna abawl utoh kisai CR7 in adawndan in, lohchinna toh kisai kangahna ding mun awng sehsa a om ahi chi’n dawngtan geih hi. Kum 2008 in Ronaldo in Ballon D'Or sang a, himahleh hiai nung a kikhinpih Argentinian Lionel Messi thumvei akizom in latouden hi.(AFP)

Read 940 times
Login to post comments