Print this page

Modi rally 9te thukkikna ding in SP in rally 18vei nei ding

Written by  Published inNational Tuesday, 22 October 2013 15:18

Lucknow, Oct 21: 2014 general elections om ding ding toh kisai a BJP-te’n panlakna aneihte uh naktak a thukkik ahihtheihna ding in, Seppatni in Samajwadi Party inleng elections ding toh kisai mah in meeting poimohtak nei uhi.


Party chief Mulayam Singh Yadav leh a tapa ban ah UP chief minister leh Akhilesh te’n state sung pumpi ah joint rally tuamtuam 18 vei neihsawm ua, panlak ding dan toh kisai leng Seppatni a meeting neihna hun ah party worker-te’n genkhawm ding uhi. Kiginni in Kanpur mun ah Gujarat chief minister Narendra Modi in rally 9vei aneih dingte lak ah rally masapen pankhia a, mihing a lakh a simte paikhawm uhi. UP ah dan-leh-thupiak ginatak a omlou a, sepna neilou pumdim kawm in UPA government naktak in humbit a, Akhilesh Yadav government phuksiat a om ding ahi chi hi. Centre a government bawlna ding a dinmun poimohtak luahtu UP state in Lokh Sabha ah MP 80 thohkhia a, amaute thuzoh ahihtheihna ding in BJP in rally 9vei neiding in pan nasatak in lalel hi. Seppatni a Akhilesh Yadav( 40) makaihna nuai a SP meeting nahun ah tuantualtak a om Muslim mite dopsang ahihtheihna ding thu genkhawm ua, amaute lak a vote tamsem kaihkhiat ahihtheihna ding ngimna toh state sung pumpi ah, BJP-te rally neihzah lehnih a tamzaw in, SP-te’n statewide rath yatra 18vei nei ding in thupuk uhi. Mulayam Singh party in Lokh Sabha ah MP 22 nei a, Centre a Congress makaih Manmohan Singh government in a polam akipat in gupna nasatak pia hi.(NDTV)

Read 1342 times
Login to post comments