You are here: HomeNewsLamka PostThe Lamka Post | June 29, 2018

The Lamka Post | June 29, 2018

Written by  Published inLamka Post Friday, 29 June 2018 08:47
The Lamka Post | June 29, 2018

Pherzawl District sung Taithu ah ‘Go to Village Mission’ zang

LAMKA, June 28:Mannuamching, IAS, DCPherzawl makaih in zan,June 27 in Pherzawl Districtsung Taithu khua ah‘Go to Village Mission’om hi. Pherzawl districtsung a ‘Go to Village Mission’sai dingte June 25,2018 in Lamka a pan kipankhiain Thanlon ahPolice Station, Bank lehBlock Complex enkhiaua, huai a pan Parbungmanoh in pai uhi.Zan sunma dak 10 akipan in Taithu ah ‘Go toVillage Mission’ pan ua,huai hun Mannuamching,IAS, DC PherzawlAddl DC, Pherzawl inchief guest leh guest ofhonor hihna toh uap ua,special invitees in Thingpan,Tuolbung, Damdiei,H. Maulien, Parbung lehPherzawl hausate panguhi.

 

Hiai hun ah Lalsuong Gangte, MCS, SDO Tipaimukh in vaidawnna thugen a, Block Level Committee member-te a pan government department tuamtuam nuai a hamphatpih theih ding scheme tuamtuam omte genna om a, Taithu Village Authority a pan thugenna om in, Lalkholien, Chairman, Taithu Village Authority in kipahthu gen in hun zangzou uhi.

 

Chief Guest in a genna ah, Pherzawl District pen district thak ahih dungzui a khantouhna toh kisai fund kiningching ompah dia lam-et ding hilou hi’n gen a, district puahna ding a hun sawt a awl a hong pai ding ahihdan gen in, khantouhna a om theihna dia kuapeuh in government ngak mailou a, khut nasep uangbawl a, kuapeuh kitoudelh zou in om leng district khangtou hiding ahihdan gen hi. Huai ban ah, district sung a khua tuamtuam a khamtheih hih uang mahmah a mu ahihdan gen a, khangthakte khualna a panla a khamtheih chituamtuam khamna bawl ding leh huai toh kisai numeite’n mohpuakna la ding in ngen hi. Hiai hun ah M/s Sunrise Indane Gramin Vitrak in beneficiary 2 kiang ah LPG connection bawlsak ua, ADC Pherzawl in sprayer 5 pekhia in, Tribal Affairs in school 6 kiang ah Water Filter leh school leh youth club-te kiang ah football 3 leh volleyball 3 pia ua, Forest Department in singnou tamtak hawmkhia uhi.

 

Hiai hunsung mah in Social Welfare Department in MOAP form 30 hawmkhia ua, beneficiary 20 kiang ah BPL Card pekhia uhi. Service delivery zoh in mipi’n haksatna a tuahte uh kikupkhawmna om a, hiai hun ah school lam in mid-day meal antang leh mehman ding a tun hun a kituahlouh ziak a haksatna a tuah tungtang uh gen ua, mipi’n Parbung a SDO, SDPO leh Police Station building bawl poimoh ahihdan gen in, hamphatna muthei ding tam mahleh NFSA nuai a hamphatna mu tawm leh Bank Branch omlouh ziak a mipi’n haksatna liantak tuak uh ahihdan gen uhi.

 

Aadhaar Card bawlna ah local mi mah min gelh in pang leh min gelhkhelh kichi tawmdeuh ding ahihdan gen ua, Anganwadi Workerte transportation cost piak ahihlouh ziak ua van puakman a tam taktak amau’ sumseng uh ahihdan gen uhi. Parbung CHC a doctor 6 poimoh lak a 2 lel a omziak a haksatna liantak tuak uh hi’n gen uhi.

 

DC leh a team-te Parbung a om sung un a tuilakna uh kisiat ziak a tui lam a haksatna tuak uh ahihdan mukhia ua, khosung a Transformer 3 om lak a khat a kisiat ziak in DC office complex tel in khisung mun bangzahhiam in meivak ngahlou ua, Pherzawl Govrnment High School a student naktak a kibehlap in, ni kum a student 65 om himaleh tu kum in student 285 a om ziak in SSA nuai a free uniform leh vanzat tamtak kidaihlou ahihdan leng DC leh a teamte’n mukhia uhi.

 

 

EOC in Assam Mission Field ah School & Quarter hongkhia

LAMKA, June 28: Evangelical OrganizatonChurch (EOC) in AssamMission Fields nuai a omGali Mechaki, Dhemajiah zan, June 27 in Rev.Zamlal Vaiphei EnglishSchool Building & StaffQuarter hongkhia uhi.

 

Huai hun ah Rev. Dr Th. Lamboi Vaiphei in Rev. Zamlal Vaiphei English School Building hongkhia in Rev. Dr. Kh. Khaizakham in Pathian min in laan hi. Rev. Dr. S. Lalpi Vaiphei, Executive Chairman, EOC in School Staff Quarter hongkhia in Rev. Dr. Harry Muanlal, Executive Director, EOC in Pathian min in laan hi. Hiai hun ah Gerizim English School, Selle, Miss Caroline leh Onward Christian Soldier-te a pan special item om a, Rev. Dr. Kh. Khaizakham in Pathian thutak gen in Upa Luttinthang in thumna in hunkhak hi.

 

School Building & Staff Quarter honna hun ah Rev. T Thangzasiam, Assam Mission Field Supt., EBCC, Dhemaji leh a seppih missionary 3 ban ah Rev. Dr. Robert H. Vaiphei, Missions Director, EOC in uap uhi. Rev. Zamlal Vaiphei English School Building & Staff Quarter ahihleh Rs 38 lakh vel bei a kibawl hi a, EOC in Dhemaji Mission  Field sung ah Gerizim English School leh Sanggo English School toh sim in School 3 a neihna uh hita hi.

 

 

Mualnuam hoh dingte Ebenezer Campus ah kingakkhawm ding

LAMKA, June 28: June 29 a kipan July 1, 2018 sung Mualnuam Church Centenary lopna om ding a Mualnuam a hoh ding Lamka leh a sehvel a kipante zingchiang, June 29 zingchiang zingkal dak 9 in Ebenezer Academy Campus a kingakkhawm ding uhi. Mahni gari zang dingte leh hire a zang dingte leng hiai hun a kimtak a telchiat ding a theihsak hi ua, huai ah Pastor G Khankham in Mualnuam Centenary uap dingte leh gari zat dingte thumna in khakhe ding hi. Ebenezer Academy Campus a pan zinglam dak 9:30 a kipatkhiak ding chih ahihman in a hoh ding teng zinglam dak 9 a hiai mun tungkim chiat ding in S. Thangzahau, Information & Publicity, Mualnuam Church Centenary Celebration Committee in theihsakna bawl hi.

 

 

HI in Mizoram Govt gin-omna leh chihtakna tung ah kipahthu gen

LAMKA, June 28: Mizoram Legislative Assembly in zan, June 27 a Sinlung Hills Council Bill a passed uh toh kisai in Hmar Inpui, General Headquarter in Mizoram Government in a thuchiam ua gin-om ahihdan taklang a, a thuchiam uh a sukbuching ziak un kipahthu gen uhi.

 

April 2, 2018 in Mizoram Government leh Hmar Peoples’ Convention-Democratic in State Guest House, Chaltlang, Aizawl ah Memorandum of Settlement (MoS) suaikai ua, MoS ah Mizoram Government in Assembly a Sinlung Hills Council Bill pawlut a, a pom ding chih ahi.

 

Sinlung Hills Council Bill passed ahih toh kiton in Assembly session sung in Sinlung Hills Council kivaihawm dan ding, Chariman, Deputy Chairman, Chief Executive Member leh Executive Member guan ding dan leng genkhawm ding uh ahihman in hiai kilemna pen lungtunhuai leh kisaktheihpih thamching hidan in Hmar Inpui, General Headquarter in taklang hi.

 

Mizoram Government in MoS kintak leh gin omtak a, hon sepsuah tungtawn a state sung a galmuanna leh lemna tun ding ahihdan taklang kawm in Mizoram Government gin-omna leh chihtakna Hmar Inpui, General Headquarter in theihtawpsuah a gum ding uh hi’n taklang uhi.

 

 

PWS saina nuai a First Aid Training paizom zel

LAMKA, June 28: Phoebe Welfare Society(PWS) in June 18, 2018 apan EBCC Hebron, SundaySchool Hall a FirstAid Training, Theory apat uh paizom zel a, trainingah mi 43 kihel ua,Matron Niangpi in sinsakin, PWS a pan Zamkhannem,President, Nemkhanchin,Vice President,Bliss Niangboi, Secretaryleh Sawmi, Treasurer inpanpih uhi.

 

Theory training ahihleh zinghal, June 30 in zousiang ding ua, July 2-30, 2018 sung Lamka Damdawi Inn ah practical training nei ding uhi. Practical training ahihleh Morning leh Evening a kikhen in hospital a ward tuamtuam, Medical, Surgical, Maternity, Children leh Minor OT ah routine dungzui in duty ding ua, huai hun a zat ding in tuni’n trainee-te kiang ah Apron piak in om uhi.

 

Phoebe Welfare Society in tutung a First Aid Training a sai uh ahihleh Batch 17na hita a, Phoebe Welfare Society tungtawn in mi 700 vel in first aid training zouta uhi. Training a telte a tangpi in pastor-te zi, Bible student leh missionary a kuan ding chihte hi ua, training dia applicant 30 tan lak ding chih himahleh poimohna ziak a kingetna pelut mi a tam ziak un lak ding zah sang a tamzaw lak a om hi’n vaisaite’n gen uhi.

 

 

7th Pay commission:

JAC strike ni 99 chingta, semtu khenkhat toh kilemna in bawl phatuamlou; Office tamtak gamtang theilou

IMPHAL, JUNE 28: AMGEO leh AMTUCJAC-te’n state a 7th PayCommission zatkhiakding ngetna a kiphinnaa neih uh tuni Ninganiin ni 99 chingta hi. Government in government employee pawl khenkhatte toh kilemna bawl khin mahleh government office tamtak ah office nasepna nawngkai mahmah hi. 7th Pay Commission zat ding thu a government toh kilemna bawl a hih toh kiton in, Secretariat Service Association leh Engineering Service Association-te’n cease work strike khawlsan mahle uh state government a department 105 a kipan member kaikhawm AMGEO leh AMTUC JAC in 7th Pay Commission zat ding ngetna in, emergency service-te huamsaklou in, cease work strike sunzom zel hi. Ni tamlou paita a, Imphal a treasury office a kipan JAC volunteerte’n bills payment toh kisaikha file –te laksak uh hidan in thusuak in taklang hi. Semtute’n cease worke strike a sutzop zel ziak un, scheme tuamtuam nuai a centre in a piakkhiak fundte piakkhiak theihlouh in om a, development workd process tamtak leng khawl hi.

 

AMGEO leh AMTUC JAC Publicity Secretary in a gendan in, tuni’n JAC team-te’n Thoubal leh Kakching district a government office-te enkhia uhi. DC ah vaulauna nuai om semtu khenkhat chihlouh te’n nasem mahle uh, semtute tengteng in JAC a gup vek ziak un, cease workd strike sunzom zel uh chi’n gen hi. Kakching district ah leng JAC makaih in semtute’n cease work strike sunzom zel uh chi’n gen hi.

 

 

‘The Governor’s Initiative for Green Manipur’ first phase closing function neih in om

IMPHAL, JUNE 28: Manipur governor Dr Najma Heptulla in a gendan in khanghong paitouzelte a ding khualna in tulaitak a sing leh lou kepbitna leh singnou suanna toh kisai awareness programme a tam theilam patkhiak poimoh ahi chi hi.

 

Hiai toh kisai ahihleh tuni a Nongmeibung Multipurpose Hall a ‘The Governor’s Initiative for Green Manipur’ first phase closing function neih ahih hun a Governor in a gen ahi hi.

 

Programme ahihleh Green Planters’ Society, ESC, Citizens Club, Wal United leh GPS-te’n kithuahkhawm a, a sai uh hi’n thusuak in taklang hi. Hun paisa a Assam Rfile-te’n kho tuamtuam a singnou suanna toh kisai a pan a laknate uh Governor in phathuai a sak thugen hi.

 

Dr Najma in a genzelna ah ni kum 2017 a Guru Puja hun lai a singnou suanna neih a om pen tuni a gah muh ding om panpanta ahihna kipak mahmah ka hi chi a, Raj Bhavan huangsung ah leng singnou tamsem suan beh hi lai ding chi’n gen hi.

 

I gamsung / state sung ah a kum a kum in kho lum uang deuhdeuh ahi chi a, singnou suanna lam toh kisai state mipite’n i hah bawl kei ua leh tu nung chiang a haksatna thupitak kituak ding ahi chi’n gen hi.

 

Tuni a singnou suan a omte a hong pichinna ding in kum 50 bang a hong lut ngai ahi chi a, maban a i tu I tate khang a ding hita ahihna ah amaute a ding khualna a hiai bang nasep hoih kuapeuh mah in ching chiat lehang gamsung a ding a nasem khat kihi mai ding ahi chi’n Governor in gen hi.

 

Huai ban ah piancham pha (birth day), kiten champha (weeding) leh inkuan sung a hunpi deuh i neih hun chiang un inn kim leh kiang ah singnou suanzel lehang houchik a nna hoihsem kisuak ding ahi chi’n Manipur Governor Najma in gen hi.

 

Manipur state ahihleh khovel pumpi a tehna dan a et in biodiversity ranking ah a 8th na a pang ban ahi chi a, hiai bang a sing leh lou toh kisai a khantouhna thupitak a om pen khang hong pai touzel ding a leng mansuah sawm louh ding ahihdan Governor in gen hi.

 

Tuni a programme neih ahih hun in mi poimoh tamtak kihel ua, amaute’n Konungmamang a singnou tamtak suan uhi. Huai ban ah ‘Governor’s Initiative for Green Manipur’ 1st Phase’chih toh kisai in Citizens’ Club leh Chapram Leirak Development Committee-te’n first leh second position la uhi.

 

Tuabangkal ah Wal United Club leh Nongmeibung Women Development Meira Paibi Association-te Best Supporters award piak ahih ban uah ESC Best Supporter & Organiser awards piak in om uhi.

 

 

Minister Shyamkuamr in YAF 1st Foundation Day hongkhia

IMPHAL, JUNE 28: Forest and Environment Minister Thounaojam Shyamkumar in tuni in kim leh kiang a sing leh lou omte kepbit poimoh mahmah ahi chi a, a ziak ahihleh sing leh loute ziak a mihingte leh ganhingte’n nuamtak a hinkhua kizang thei ahi chi hi.

 

Hiai toh kisai ahihleh tuni a MSFDS, Palace Compound, Imphal mun a first Foundation Day celebration of the Yening Animal Foundation (YAF) programme neih ahih hun a, a gen ahi hi. 1st Foundation Day celebration of the Yening Animal Foundation (YAF) programme ahihleh ‘Better Environment, Better Life, Better Future’ chih thupi pansan a zat a om hi a, IYF-te makaihna nuai a kizang ahihdan taklat in om hi.

 

Forest and Environment Minister in mipi paikhawmte mai a, a gendan in kim leh kiang a sing leh lou omte kepbit poimoh mahmah ahi chi a, amaute ziak a kho hun nuam leh huih siangdik ding kinei ahihna ah pilsiamtak a zat ahihkeileh ei leh ei kibawl hiding i hi chi’n gen hi.

 

Tu hun a sing leh lou kepnitna ipat ualeh maban ah gamsung nuam leh thoveng kia hilou in kim leh kiang siangthou ban ah gam nuamtak khat suaksak ding kihi ahi chi hi. Himahleh tu hun dan a hinkhua izat touhzel lai ua leh tunung zek chiang a i gamsung in siatna leh mangbatna thupitak kituak ding ahi chi’n gen behlap hi.

 

Gamsung nuam leh gamsung nuamlou a bawl theitu ei a gamsung mipite kihih ahihna ah deihtel in kuapeuhmah in panthak la chiat ni chi’n Minister Th Shyamkumar in gen hi. Mihingte’n sing leh lou nasatak a i hon sat puk chiang un mihingte mah in kituak a global temperature a kikhek ban ah kho hun huaituh vuah zukdan, kho votdan, tuilian, menchim leh a dangdangte gen ngaiselou a hong piangkhe mai ahi chi’n Minister in gen hi.

 

Hiai toh kisai ahihleh mihingte a ding kia a lauhhuai hilou a gamlak a gamsa omte a ding tan pha a bitlouhna leh galmuan louhna tuntu khat suak ahi chi’n gen hi. Hiai bang a mihingte a ding leh gamsate a ding a galmuan louhna a tun theitu ei mihingte mah a kihihna a pan thak la a, gam leh mihingte a ding a bitna a om theihna ding a singnou suan, a mawk a singsat puk chih leh kim leh kiang suse thei ding thilte hihlou ding in Minister in mipi paikhawmte kiang ah ngetna leh theihsakna bawl hi.

 

Hiai hun zatna ah Khurai MLA L. Susindro Meitei leh DJN Anand, PCCF (Wildlife) & Chief Wildlife Warden-te’n thugenna hun zang ua, Sapna Laishram, Chairperson, Yening Animal Foundation, Forest Department official, skul tuamtuam a pan sinlai naupangte ban ah Yening Animal Foundation member-te kihel uh hi’n thusuak in taklang hi.

 

 

Mizoram Assembly session neih zoh in om

Aizawl June 28: Mizoram Legislative Assembly tutkhawmna ni nih daih ding a zan a pat a om tuni in buaina bangmah omlou in hun zoh in om hi. Tuni in House dohkan ah lehkha poimoh 8 koih in om a, report 6 thehlut hi a, Government resolution khat pom ahih ban ah dan omsa sukhatsemna ding in Bill khat pass in om hi. Huai ban ah centre government in a biktak a Northeast state-te buaina Citizenship Act 1955 puahphatna ding a Citizenship Amendment Bill 2016 Home Minister R Lalzirlian in a puaklut pen Centre Governemnt kiang ah hiai bang Bill pen Mizoram state in deihlou ahihdan taklang ding in thupukna bawl uhi.

 

Citizenship Amendment Bill 2016 toh kisai ahihleh gamdangmite sahkhua dungzui a (minority religious) India gammi hihna piak ding chih ahi hi. Hiai bang Bill pen Mizoram state in pom theilou ding leh state sung ah gamdangmite gammi hihna piak kichi pen a gam neitute a ding a thil deih huailou ahihna ah phualpi solkar kiang a deihlou uh ahihdan taklat ding in member paikhawmte’n kithukimna bawl uhi.

 

Bill toh kisai R Lalzirliana in a gendan in kum 1955 a kipan ana kizang Citizenship Act, 1955 puahphatna ding a phualpi govt. in July 15, 2016 kum a Citizenship Amendment bill 2016 a bawlkhiak uh ahi chi hi. Hiai Bill pansan in Bangladesh gam a pan Buddhist sahkhua zui India gamsung ah dan phalna tellou a, a honglut ua India gamsung ah kum 7 sung a hong om ualeh India gammi hihna a nget ua leh piak ding chih hi a, hiai toh kisai in state government in pilvangtak a, i etkai uh poimoh mahmah ding ahi chi’n gen hi.

 

Aman a genzelna ah Bill pansan a dan kibawl pen etmai in hoih mahmah hidan a kilang ahi chi a, a ziak ahihleh kim leh kiang a gam omte ah India gamsung a mahni sahkhuapihte mah a hong galtai khak ua gami hihna a hon nget ua leh gammi hihna piak ding chih himahleh hoihtak a i etchian a leh gamdangmite gammi hihna piak ding kichi pen thil deih huailou mahmah ahihdan kimu chian mahmah ahi chi’n gen hi. Tuni a session neih ahih hun a Bill pass a om ahihleh “The Mizoram Public Demands Recovery (Amendment) Bill, 2018” hi’n thusuak in taklang hi.

 

 

 

…a kimzaw in : hiai mun ah

 

 

 

 

 

 

RELATED

The Lamka Post | June 27, 2018

The Lamka Post | June 28, 2018

Read 351 times
Login to post comments