You are here: HomeNewsLamka PostThe Lamka Post | June 30, 2018

The Lamka Post | June 30, 2018

Written by  Published inLamka Post Saturday, 30 June 2018 08:25
The Lamka Post | June 30, 2018

Govt in Monsoon Session sukbuai nawn khak ding pilvanhuaisa

Vijay Goel in PM lui Manmohan Singh kimuhpih in Congress nunthuapna ngen

NEW DELHI, JUNE 29: Parliament Budget Sessionsecond leg pumpitatsatlou a kiphinna ina sukbuai dimdem tohkiton in, government in,tu in July 18, 2018 a kipanAugust 10, 2018 tan daihding Monsoon Sessionahleng huai bangmahahih nawn khak ding lauthonghuaisamahmah hi.Opposition partyte’nleng, thubuai tuamtuamkhenkhat sumvalue kiakniamna a kipanloubawlte haksatna lehdalit-te thangpaihna tanphahuap in, hun sawtpeka kipan government ananawk det uh thubuai omsatezang a, governmentnawk ek ding in kisakhollel uhi.

 

Maban a Monsoon Session sung a Parliament Inpi in nna hoihtak semkhesak ding a opposition lamte thuzak leh ngen kawm leng hingal ding in, zan Ningani in,minister of state for parliamentary affairs Vijay Goel in Prime Minister lui leh senior Congress makai Manmohan Singh kimuhpih hi. Karnataka chief minister HD Kumaraswamy in kichiamna a neih hun a, Bengaluru a opposition party-te’n pangkhawm a hat huntawk uh ahihdan a lahkhiak nung uh a khatveina hilai ding in, monsoon session ah ruling BJP leh opposition party-te kimaituah ding uhi. Kum 2016 a Pakistan pansan terror camp-te a surgical strike neihna video khahkhiakna thu a party nihte’n a thu a kidouna sousangtak a neih hun laitak uh himahleh, monsoon session hoihtak a neih ahihtheihna ding a, Congress-te kithuahpihna ngen ding in, Goel in Singh kimuhpih hi.

 

Goel in a gendan in, Lok Sabha a bill pending 68 leh Rajya Sabha a bill pending 40te toh sitting 18 nei ding session sung in, opposition-te kithuahpihna naktak in poimoh chi’n gen hi. Lok Sabha a bill 68te lak ah 12-te poimoh petmah ua, Rajya Sabha a bill 40te lak ah 9te leng poimoh petmah uh chi’n Goel in gen hi. Minister in a genzelna ah, Monsoon Session sung a Parliament Inpi lamzangtak a neih ahihtheihna ding a, Singh kiang a Congress-te gupna ngen hidan in gen hi. Goel in a genzelna ah, Singh in opposition party-te thuzakna ding a government panlakdan kipahpih mahmah hidan in gen a, Parliament in nna hoihtak a, a sep ding, ruling leh opposition party-te tuak mohpuak hidan inleng gen hi. Goel in a gendan in, Lok Sabha a gah piangkhia 4% leh Rajya Sabha 8% lel ahihziakin, Budget Session paisa se dimdem chi’n gen hi. Minister in a gendan in, khat leh khat kal a ngohna kibawltuahna hun ahikei a, himahleh session gah a tamtheilam a piakkhiakdan toh kisai I ngaihtuah zawk ding uh ahi chi’n gen hi. Hiai ding toh kisai a, gupna ngen ding a opposition party dang a makaite leng kimuhpih ding hidan in gen hi. Parliamentary affairs minister Ananth Kumar in a gendan in, Lok Sabha in a pass leh Rajya Sabha a awk triple talaq bill kichi government in a poimoh ngaih masakte lak a khat ahi chi’n gen hi. Ananth Kumar in a genzelna ah, session sung in Government in, National Commission for OBCs a dia constitutional status piak ding naktak in phu ding a, National Commission for Medical Education Bill leh transgender persons bill ban ah ordinance 6 sang a tamzaw leng pawlut ding chi’n gen hi.

 

 

YPA Zenhang Lamka in 38th Raising Day zang

LAMKA, June 29: Young Paite Assn (YPA)Zenhang Lamka Unitkum 38 chinna RaisingDay lopna tuni, June 29in VK Montessori Campusah om hi.Hiai hun zatna V.Daisong leh Kimte inmakiah ua, K. Shyama,Founder President, YPAZenhang Lamka Unitin YPA Puanlap kaipalhin sunma dak 11 in programmekipan hi. Hiaihun V. Hangkhanlian,Minister (Agri. Vety &AH); Ginsuanhau, MLA,Chairman, MANIREDA;Khaipao Haokip, Chairman,ADC Ccpur; V.Khaikhanmung, ViceChairman, ADC Ccpur lehLetkhochinthang Valte,Chief of Zenhang Lamkain chief guest, functionalpresident, guest of honor,chief host leh inntekpahihna toh uap uhi.

 

Hiai hun ah Chief Guest in hiai bang hun zat nuam mahleh hon omlouh sansate ngaihna thaksak hi’n gen a, paulam lemtang khat bawl a, khosung mipi kisuklimna hun khat zang a, nek-le-tak bawl a ngaih leh leng bituk omlou a innsuan a kiphal bangbang thohkhawm a, a kisam teng aman hudim dia chouna a bawl hiai hun toh kituak a lemtangtak omkha ahihdan gen hi. Hiai hun ah kuapeuh in chin a saklouhnate uh gen a, amah leng kibawlngai a om leh kibawl ding ahihdan gen hi.

 

Mipite’n thu tuamtuam satlou a, kituaktak a paikhawm a deih kibang a neihte uh theisak ding in ngen a, huaite sem buchinglou a gensiat a tang leh leng poi salou ding ahihdan gen in, mipite thu a mantheihna dia mipi’n leng amah thu mang a, lungsim munkhat a om di’n ngen hi. A constituency sung a khosak haksat ziak a suansam a meikuang paisuak ding a om leh, hausakna ding tan a panpihna zoulou ding himahleh nek-le-tak tasamte nek ding pia a, damlou chimohte leng bikhiah om a panpihna ngaihtuah ding ahihdan gen hi.

 

Inntekpa Letkhochinthang in Zenhang Lamka a pau tuamtuam chi 16 zang tengkhawm ahih ziak in vaihawmna nawngkai hun om ahihdan gen a, mipite kituak peuhmah leh a khua mipi a dia it neilou a pang ding ahihdan gen in, vengsung makaite’ kipiakzoh ziak a hiai hun zattheih a om ziak in kipahthu gen hi.

 

Guest of Honor Khaipao Haokip in Ccpur District sung ah Teiseng hausa leh Zenhang Lamka hausa vualzawl a om in Zenhang Lamka hausa pen khosung a tengte hauhsakna toh vuk a om in in khosung in Minister leh ADC a Vice Chairman suangkhia hi’n gen hi. Ginsuanhau leng Zenhang Lamka a kum 12 bang tengkha ban ah amah mah in leng Zenhang Lamka a inn kum 10 val neikha ahih ziak a ki-innteksak mahmah ahih dan gen in, Pathian in YPA leh Zenhang Lamka a vualzawl a deihsakthu gen hi.

 

Chief Host Khaikhanmung in YPA phuhkhiak ahihma a Youth Club a kivaipuak leh phatuam ngaihna nna teng ban ah kimawlna toh kisai a leng Youth Club in mohpuakna la in Zenhang Lamka khosung kivaipuak hi’n gen hi.

 

YPA heutu masate’ kipiakzohna leh kuhkalna ziak a Pathianni, June 29, 1980 a YPA Zenhang Lamka Unit dinkhiak a om in, khotang awlmohna ziak a YPA Zenhang Lamka Unit hun tamtak a phungvuh ahihdan a gen ban ah, khophat hunhun a Playground siiklam a pucca drainbawlsak ding ahihdan gen hi.

 

Functional President Ginsuanhau in hundang ah ensan sim le uh leng a lungsim a Zenhang Lamkate ahihna manglou ahihdan gen a, tuni a muffler a oh in kuamah kikhentuam thei omlou ahihdan langsak hi’n gen hi. “Tutan Toupa’n Honpi” chih thupi zang a hun zat aom thupisa mahmah ahihdan gen in a taksa Lailam Veng ah om lehleng a kha Zenhang Lamka a omlai hi’n gne hi. Tu a Guest House dia a zat, hun sawttak kha khat a Rs. 2,000 pia a, a luahnung a sih-le-man a tuah hun ua leng kingaktheihna dia innmun masapen Zenhang Lamka a leikhia leh amau nupa mahmah in Teklei leh Leingawi sawp a fencing bawl uh ahihziak in Zenhang Lamka a lungsim a mangthei vual hilou ahihdan gen hi.

 

Hiai hun zatna ah V. Tunzalian, Moderator, PCI (R), Zenhang Lamka in thumna in hun pan a, G. Khankhup, Chairman, Celebration Committee in vaidawnna thugen in, H. Tuankhanmung, President, YPA Zenhang Lamka Unit a pan Presidential Message genna om hi.

 

V. Chinbiaklian, Secretary, YPA Zenhang Lamka Unit in sunna hun makaih in Secretary Report pia a, T. Khailianthang, President, YPA-GHQ leh Inntekpa, Letkhochinthang a pan thugenna om hi. Khualliante a pan thugenna zoh in Pastor MT Khanlal, Local Pastor, EBCC Zenhang Lamka in hasotna thugen in YPA Zenhang Lamka a ding in thumsak a, Executive leh Sports Department, YPA Zenhang Lamka Unit makaih in kipahman tuamtuam hawmna om hi. T. Lianzasuan, Vice President, YPA Zenhang Lamka Unit in huntawp a kipahthu gen in, T. Pumkhotuan, Val-Upa, YPA Zenhang Lamka Unit in thumna in hunkhak hi.

 

Hun zatsung in V. Hangpu, Tuansonmung, V. Khupthansang, LL Muona, Christy Vunggohching, Damhoihching, TG Lian Valte, Pampi, Niangbiakmuang, Liansonmung, Pausianchin, Manhoihkimleh Zenhang Lamka Nupite a pan lasakna om a, Raising Day lopna in Sial 1 leh Bawng 2 gou in mipi’n ankuang umkhawm uhi.

 

 

NCC official 2 in NCC Rayburn College veh

LAMKA, June 29: Manipur a National Cadet Corps (NCC) a pan official 2 in tuni, June 29 sunma dak 11:30 in NCC Rayburn College hong veh uhi. Manipur a pan official hong hohte ahihleh Brigadier Vivek Sharma, AVSM Commander, Imphal Group NCC leh Colonel Manish Gosain, Commanding Officer, 14 Manipur Battalion, NCC Imphal hi ua, Lamka hong phak uh toh kiton in Rayburn Gate ah Cadet-te’n vaidawn in Rayburn NCC Quarter Guard, Rayburn Campus ah Guard of Honor pia uhi.

 

NCC Office ah Leutenant Suan Hauzel, Associate NCC Officer (ANO) toh NCC Ccpur Division tungtang genkhawm ua, tua zoh in Rayburn Library enkhia uhi. Tua zoh in Rayburn Chapel ah Ccpur NCC Division-te toh hun zangkhawm uhi.

 

Hiai hun ah Leutenant Suan Hauzel in officer-te mellahna leh pulakna nei a, officer-te a pan thugenna om hi. Hiai hun a Brigadier Vivek in a genna ah, NCC Cadet 14 Battalion in hiai bang a nasep hoihte uh ziak a kipahpih thugen in maban a leng NCC minhoihna ding kia hilou a gam leh nam a dia ahihtheih bangbang ua sem a panla ding in hasuan a, siamsin hih sung a kuhkal leh chitaktak a pang ding in hanthawn hi.

 

Tuni a Brigadier Vivek Sharma, AVSM Commander, Imphal Group NCC leh Colonel Manish Gosain, Commanding Officer, 14 Manipur Battalion, NCC Imphal in NCC Ccpur Division hong veh hun un Rayburn NCC leh Ccpur Government High School a pan NCC cadet-te tel uhi.

 

 

Mualnuam Church Centenary lopna kipan

LAMKA, June 29: Mualnuam Sub-Division headquarters, Mualnuam khua a Pathian thu (Gospel) a lutnung kum 100 chin lopna Mualnuam Church Centenary Celebration Committee inntekna in tuni, June 29 a pan July 1, 2018 sung om ding hi.

 

Hiai hun uap ding Lamka leh a sehvel a kipante tuni zingkal dak 9 Ebenezer Academy campus, Dorcas Road, New Lamka ah kingakkhawm ua, Bike, Diesel Auto, Car, Bolero leh Bus kigawm gari 30 val zang in kuan Lamka a pan Mualnuam zuan uhi. Mualnuam Church Centenary lopna hun uap dingte pai ding dan Upa L. Tualzalian in gen a, Rev. S. Thanglian in thumna in khakhia hi. Mualnuam khua a Pathian thu a lutnung in khosung mite’n mimal inn ah biakkhawmna nei masa ua, huainung kum 1918 a Biakinn a dinkhiaknung uh kum 100 chin lopna a neih uh ahi. Hiai hun ah “Toupa Lamkhiak Saptuam” chih thupi zang in Rev G Kamzamuan, DS/EBC Singngat Division leh Rev S Vung Minthang, General Secretary, EBC in Pathian thutak gen ding uhi.

 

 

Minister in Bilingual website hongkhia

LAMKA, June 29: Tuni, June 29, 2018 sunnung dak 4 in DC/Ccpur Office Chamber ah V. Hangkhanlian, Minister, (Agri. Vety & AH) Manipur in District Bilingual Website hongkhia hi. Honkhiak a om Bilingual website ahihleh http://Churachandpur.nic.in hi a, hiai tungtawn in government department tuamtuam in official thilte mundang ah baihlamtak in khakkhiak theih ding hi. Website honkhiak a om pen district a dia masawnna ahihdan Minister in gen a, website tungtawn a district mipi’n government toh kisai theihnuam a neihte uh enchian leh complain ban ah suggestion bawlthei ding uh hi’n gen hi. Huai ban ah hiai website ah government scheme tuamtuamte ettheih ding ban ah khantouhna tuamtuam toh kisai leng ettheih ding hi’n gen hi. Kh. Rajen Singh, SIO/NIC Manipur in India gamsung pumpi a district 750 ah hiai website honkhiak hita hi’n gen a, government thil toh kisai a information bangkim hiai website a om hi’n gen hi.

 

Hiai hun zatna ahihleh Shyam Lal Poonia, IAS, DC/Ccpur; Kabib K., IPS, SP/Ccpur leh SDO-te ban ah DC office staff-te’n uap uhi.

 

 

Kiren Rijiju, Imphal hong tung Naga political sukvengna nanungpen kibukkim geih kilemna hi ding: Rijiju

IMPHAL, JUNE 29: Ni nih sung Manipur veh dingin, tuni Sintawpni in Union Minister of State for Home Affairs Kiren Rijiju, Imphal tung a, Naga political kilemna nanungpen om ding kibukkim geih kilemna hi ding chi’n gen hi. Rijiju ahihleh Tripura Chief Minister Biplab Kumar Deb leh Ministry of Home Affairs (MOS) a official dangte’n kithuahpih ua, Imphal International Airport ah state Works Minister Thongam Biswajit Singh in na vaidawn hi. Airport a thuthaksaite kiang a, Rijiju in a gendan in, Manipur a hong vehna, Northeast a kithalawpna pekhe ding a PM Modi in thuchiam a bawl toh kisaikha hidan in gen hi. NE state Arunachal Pradesh a kipan Rijiju in a gendan in, a hun bangzel in Modi in Northeastah khantouhna masawnna omte enkhe zel chi’n gen hi. NE bial a developmental project tuamtuamte masawnna omte i-etkik thak zel ding uh ahi chi’n gen hi. Northeast mipite kiang a thuchiam pekhinta i hih ziak un, party in nasazaw sem a, ann a sep ding poimoh ahi chi’n gen hi.

 

Union Minister in a hongzin sung in, Imphal ah security review meeting leng nei ding hi. Tu in Manipur ah a ki om a, security review meeting khenkhat neih hi ding a, nasep ding poimoh omte Chief Minister leh officer dangte toh genkhawm hi ding chi’n Rijiju in gen hi. Naga political thubuai sukvengna ding toh kisai a media-te dotna Rijiju in a dawnna ah, a kisaikhakpih tengteng (stakeholders) thuzak in om lel ua, amaute kiang ah kimuanna tut hi ding chi’n gen hi. Thupukna nanungpen lak ahihma in, a kisaipih tengteng a nawlkhin hilou ding uh chi’n gen hi. Hiai tungtang ah Home Minister inleng thuchiam pekhin chi’n gen hi. Chief Minister tengteng leh a kisaikhakpih dangte leng kithuzak khin a, kilemna nanungpen om ding kibukkim geih khat hong hi ding chi’n gen hi. Khotang a nam khenkhat in thuvik a neihte uh toh kisai a, lungkhamna ding bangmah omlou ahi chi’n Rijiju in chiam hi. Naga political thubuai sukvengna nanungpen neih hun ding a nai deuhdeuh toh kiton in, central makaite kiang a state leitang gamgi leh kipumkhatna humbitsak ding a ngen ding in, a paisa Seppatni in, CM lui Ibobi makaih Congress palaite’n New Delhi zuan uhi.

 

Indo-Myanmar border a Manipur sector in a maituah gamgi thubuai om lelte leng sukveng hi ding chi’n Rijiju in gen hi. Gamgi thubuai toh kisai in, hun paisa in meeting thumvei neih in om khin a, hiai hun in Chief Minister lui O Ibobi Singh leng tel chi’n gen hi. India leh Myanmar in ki-unauna lamzangtak leh lawmtakna hoihtak nei a, local level a buaina khatpeuh omte sukveng zel hi ding chi’n Rijiju in gen hi. Hiai thu ah lungkhamna ding bangmah a om kei a, border area mipite kepbit hi ding chi’n gen hi. 

 

 

 

 

 

…akim zaw in : hiai mun ah

Read 370 times
Login to post comments