You are here: HomeNewsLamka PostThe Lamka Post | July 06, 2018

The Lamka Post | July 06, 2018

Written by  Published inLamka Post Friday, 06 July 2018 08:50
The Lamka Post | July 06, 2018

Gamsung ah NDRF personnel 4,000 val zat in om Chinese millitary palaite’n Indian Army Eastern Command HQ veh

NEW DELHI, JULY 5: Gamsung a tuilian tunbaihnastate pumpi apanpihna leh hutkhiaknasepna a ding in, personnel4,000 val omnaNational Disaster ResponseForce (NDRF)team 89 zat in om uhchi’n senior official ingen hi. NDRF team 89lak ah Monsoon seasonsung a vuah leh tuiliana tunzelna state-te ahNDRF team 45te ama inkoihkholsa in om uhi.Assam ah NationalDisaster Response Force(NDRF) team 12 zat inom ua, Bihar ah team 7,Gujarat, Uttarakhand lehJammu and Kashmir ahteam 4 chiat, ArunachalPradesh leh West Bengalah team 3 tuak, Delhi lehPunjab ah team 2 tuak,  Sikkim, Tripura, HimachalPradesh leh UttarPradesh-te ah team 1chiat zat in om uhi. Teamdangte ahihleh mansain om ua, kigalgingsa inkoih in om uhi. Emergencythiltung khatpeuha puakkhiak leh pikhiaktheih ding in mansa inom uhi.

 

NDRF team khat ah personnel 45 zel om hi. Hiai team-te ahihleh emergency thiltung omte buaipihna ding in, amau ah kimuanna leh disaster response vanzat hoihtak toh thop in om uhi. Tulel a kikawmtuahna vanzat changkangpentetoh leng thop in om uh chi’n official in gen hi. Tutan in, NDRF team-te’n tuilian in a sukkhakna mun tuamtuam a kipan in mipi 13,550 val pikheta uhi. Tuabangkal ah, tuni Ningani in, India hong veh lel Chinese military delegation member 10-te’n Kolkata ah Indian Army Eastern Command headquarter veh in, a dinmun kibang luahpihte uh toh houlimna nei uhi.

 

Deputy Commander of Western Theatre Command of PLA, Lt General Liu Xiaowu in People Liberation Army delegation member-te makaih hi. Kolkata a hong tunma un, New Delhi, Agra, Sukhna of North Bengal munte pha khin uhi. PLA delegationte’n Sukhna ah Army 33 Corps Headquarters veh ua, huai a ni nih a om sung un senior officer-te houlimpih uhi. Nikum a gam nih kal a ni 73 sung kihoulemlouhna buaina a omna mun India-Bhutan-China tri-junction ah 33 Corps-te’n Doklam area veng uhi. Kibuaina mun a lampi bawlte India sepaihte’n ava khawlsaknung un, hiai kihoulemlouhna buaina sukbei in om hi. Delegation-te’n Fort William ah Eastern Command leng veh ua, huai ah Lt General Sunil Srivastava,Chief of Staff, EC leh officer dangte houlimpih uhi.

 

 

PLS saina in Paite Literary Festival 2018 nei

LAMKA, July 5: Paite Literature Society/ Paite Laipau Saipawl(PLS) saina in LalpuithluaiiFoundation Schoolah tuni, July 5 a pan inni nih sung daih ding inPaite Literary Festival2018 kipan hi.

 

Tuni, July 5 sunma dak 10:30 in Festival honkhiakna om a, hiai hun Paite sung a pawl tuamtuam a pan makaite tel in school tuamtuam a pan student tamtak paikhawm ua, Pauzagin Tonsing in hun zatna makaih in, K Suanthang, President, Paite Tribe Council (PTC) GHQ, T Khailianthang, President, Young Paite Association  (YPA) GHQ, Nengzalian Tonsing, Vice President, Siamsinpawlpi (SSPP) GHQ, Vumhau, Secretary, Paite Culture Society (PCS) ban ah Dr Tualchin Neihsial, President, PLS in Paite Literary Festival 2018 hongkhiakna in meisel de ua, S Lallianmang in vaidawnna thu gen in festival kipan hi.

 

Sunma dak 10:30 a pan sunnung dk 1 kikal in Paite Writing System toh kisai workshop om a, huai hun ah Moderator a John K Ngaihte pang in workshop makaih a, resource person Dr Tualchin Neihsial in ‘Evolution of Paite Literature’, Dr. H Kamkhenthang in ‘Paite Writing Sytmem’ ban ah Lalthanghlun Guite in ‘Comparative Study of Paite Writing System Before And After 1980’ chih toh kisai sinsak uhi. Sunnung dak 1 a pan sunnung dak 1:30 sung Vz Siam makaihma in Poerty Slam om a, sunning dak 1:45 a pan sunning dak 3 kikal Nangmuansang Lethil makaih in ‘Conversations with Writers’ om a, hiai hun ah resource person in BK Shwanno, VL Mangzo, Kattie Mawite, K Lianthansang, Lianzamang Tonsing, M Liankhansiam leh Valte Ginkhenpau pang uhi. Sunnung dak 3 a pan dak 3:30 kikal Folk Songs leh Fusion Music hun in zang ua, nitak dak 6 a pan dak 8 kikal Tangthu Genna leh nitak dak 8:30 a pan dak 10:30 kikal Paite Classic Movie Screening hun in zang uhi.

 

Zingchiang, July 6 sunma dak 10 a pan 10:30 kikal Moderator Golan Naulak makaihna nuai ah ‘Conversation with Producers Cable Network and Online News-site Administrators’ om ding a, huai hun ah Producers Cable Network a pan resource persons in Hornbill Cable Network, Tuilou Tv, Angels Vision leh Skynet pang ding ua, online news-site administrators a pan resource person in Zogam.com, Zogamonline leh Phualvatimes pang ding uhi. Sunma dak 10:30 a pan sun dak 12:30 kikal Moderator N Thangzamang makaihna nuai in Paite Laipau Bulsuutna om ding a, huai hun ah resource person M Nguldokhup in ‘Paite Syntax’, Rev Dr K Mangte in ‘Translation of Other Languages into Paite’, Khamkhokam Guite in ‘Paite Humuors and Creative Writing’ ban ah Dr Nianglianmoi Khuptong in ‘Paite Phonology’ toh kisai sinsak ding ua, sun dak 12:30 a pan sun dak 12:45 Folks Songs hun in zang ding uhi.

 

Sunnung dak 12:45 a pan sunning dak 1:45 kikal Moderator Dr Tualchin Neihsial makaih in Lapau Tips in Paite: Conversation with Songwriters om ding a, huai hun ah resource person in V Siampu, P Swant, T Pumkhothang leh V Nunlian pang ding uhi. Sunnung dak 2 a pan dak 3 kikal Moderator Thangkhanlal Ngaihte makaih in Conversation with Editors Printed Periodicals om ding a, huai hun ah resource person in Editors Printed a pan Manipur Express, The Lamka Post, Tongluang, Kristian Thukizakna, Khris Palai, PCI Messenger leh Ruth Messenger pang ding uhi.

 

Nitak dak 6 a pan dak 7:30 kikal in tangthu genna om ding a, nitak dak 7:30 a pan dak 7:45 in kipahman hawmna leh Paite Literary Festival 2018 khakna om in, nitak dak 7:45 a pan dak 8 kikal in mipi’n zangta lam khawmna nei ding uhi. Paite Literary Festival 2018 zat hunsung in Lalpuithluaii Foundation School Campus ah food staffs ban ah book exhibition & sale, costume display, art exhibition & sale, weaving/ handloom, traditional music instruments display, naangphan ban ah games chituamtuam om ding hi.

 

 

ZRO makaih in Public Consultative Meeting nei

LAMKA, July 5: Zomi Reunification Organization(ZRO) makaihin tuni, July 5 sunma dak11 in YPA-GHQ Hall, HiangtamLamka ah PublicConsultative Meeting omhi. Hiai hun zatna CalvinH, Vice President, ZROin makaih in gelhlutuin Khen Cin, Secretary,GAD pang a, Rev. STJamkhanthang in thumnain hun pan hi.

 

Thanglianpau, President, ZRO in vaidawnna thugen in, Vice President, Calvin H. a pan hun paisa a government toh kihouna omsata a pan tulel dinmun genna om hi. ZRO President in hiai hun ah Public Consultative Meeting neihna ziak leh kikupkhawm dingte gen a, paikhawmte a pan ngaihdan lakkhawm in om hi. Hiai hun ah Zomi Council leh a nuai a Frontal Organization tuamtuam, Tribe Council makaite, Intellectual, Church leader, Zomi Chief Association makaite leh Mizo Peoples’ Convention makaite ban ah elected representative-te tel uhi. Hiai hun ah paikhawm heutute’n minam kipumkhat a Mass Movement neih hun a pankhawm ding ahihdan leh stakeholder leh heutute’n a gengen uh pomkip theihchiat poimoh ahihdan gen ua, political movement, hiai tan a tun theihna Patian’ ziak ahihman in kuama’n vaituam-thutuam sat nawnlouh poimoh ahihdan gen uhi.

 

Hiai hun ah Territorial Council min ding toh kisai leng genkhawmna om a, min ding tuamtuam proposed piak in om hi. Heutu paikhawmte’n, KNO leh UPF kithutuahna mipi’n pompih chiat a, political solution manoh a paikhawm poimoh ahihdan gen ua, hiai tan Pawlpi kalsuanpihna tung a kipahthu gen in pawlpi langpang a thu leh la lehvek teiteite kuaman zui nawnlou ding in heutu paikhawmte’n gen uhi.

 

Huai ban ah hiai political opportunity suse thei ding a kuaman thu leh la vek ahih nawnlouh heutu paikhawmte’n deihthu gen uhi.

 

 

Tribal Martyrs Park bawlna paizom zel

LAMKA, July 5: Joint Action CommitteeAgainst Anti-Tribal Bills(JAC-AATB) in MataDam a Tribal MartyrsPark a bawl uh naseppaizom zel a, tulai in Salphate’Statute tunkhiaknading (Pedestal) nunglamleh a tuang ah tile phahlelua, Memorandum of Understanding(MoU) koihnading bawlna naseppailel hi.

 

Tribal Martyrs’ Park ahihleh JACAATB leh Manipur Government in kihou lemna a neih dungzui ua Salphate’ luang May 24, 2017 vuiliam ahihna mun a bawl a om ahi. Tribal Martyrs Park bawlna ah nasemtu 12 a mun ah giak in February 12, 2018 a pan nasep pan ua, Salphate hanmun ahihleh feet 44 a sau, feet 31 a lian leh step 4 om hi.

 

Salphate’ lim dan a kibawl statue tunkhiakna ding (pedestal) ahihleh, feet 10 a sang in feet 28 in sau a, feet 8 a lian in, statue-te feet 7 in sang hi. Salphate’ luang vuikhiak ahih theihna dia Manipur Government leh JACAATB in MoU suai a kaih ua thu kigelhte gelhna ding Feet 12 a sang, granite zang a kibawl, koihna ding tulai in bawl lel ua, August 31 “Tribal Unity Day” a puan ahih toh kiton in hiai ni a honkhiak man dia nasepna zoh sawm in panla lel uhi.

 

 

11th Disturbance Free Educational Zone Demand Day, 2018 public meeting leh mass rally nei

IMPHAL JULY 5: Education Minister Thokchom Radheshyam in a gendan in Disturbance Free Educational Zone a om theihna ding in society sung a stakeholder-te’n mohpuakna liantak nei uh ahi chi’n gen hi.

 

Hiai toh kisai ahihleh tuni a Iboyaima Shumang Leela Shanglen, Palace Compound mun a 11th Disturbance Free Educational Zone Demand Day, 2018 public meeting neih ahih hun a Minister in a gen ahi hi. Programme ahihleh Democratic Students’ Alliance of Manipur (DESAM)-te makaihna nuai a sai a om ahi. Huai ban ah Khuman Lampak, Sport Complex a pan in Minister in Disturbance Free Educational Zone Demand Day, 2018 toh kisai a lampi zuihna nei dingte flage off-na nei a, huai hun ah school leh college tuamtuam 67 a pan sinlai 4500 vel kihel uhi. Minister in a gendan in kum 2008 a pan in siamsinna huang a sinlai naupang tamtak honglut uh ahi chi a, a biktak in government school-te ah hidiak chi hi. Hiai bang a sinlai nauoang siamsinna huang a, a hong tawmlut ziak ziak uh ahihleh stakeholder-te panlakna leh kithuahpihna ziak a hiai bang thil hong piang ahi chi’n gen hi.

 

Democarcy gam ah mipite’n leng vaihawmna tutpha luah kha uh ahi chi a, huai ziak in Government panlakna pen mipite a hoih lam a thil bang kim a pai theihna ding a kithuahpihna leh nung thuap poimoh mahmah ding ahi chi’n Radheshyam in gen hi.

 

Hiai toh kisai in stakeholder-te’n siamsinna huang hi’n khotang khantouhna ding leh buaina omte toh kisai a panlakna neih peuhmah chiang ua kithuahpihna pe ding inleng ngetna bawl hi. Issue khat peuh a om hong om chiang in mipite hi’n pawl tuamtuamte hitaleh thagum leh thatang suah masa lou in houlimna tungtawn a nna khat peuhpeuh vai veng theih ahih lam kuapeuh mah in i phawk chiat ding uh ahi chi’n gen behlap hi.

 

Hiai hun zatna ah MLA, Moirang Assembly Constituency P Sharatchandra Singh, dignitaries, teachers, students leh civil organization member tamtak kihel uh hi’n thusuak in taklang hi.

 

 

UNC leh pawpi dangte’n tribal student pawlpi 3te indefinite bandh puan naktak in dal

SENAPATI, JULY 5: Tribal student pawlpi 3- Thadou Student’s Association -General Headquarters (TSA-GHQ), Rongmei Naga Student’s Organisation (RNSO) leh Liangmai Naga Katimai Ruangdi (LNKR)- te’n state pumpi huap a indefinite bandh a puan uh United Naga Council (UNC) tel in pawlpi tamtak in naktak in kalh uhi.

 

Student pawlpi 3te’n state a higher secondary school-te a tribal language (MIL) lecturer lak ding thuchiamte state government in tangtun ding a lohsappih ziak a, July 6, 2018 zinglam dak 6 a kipan state pumpi huap indefinite bandh puang ding a phutluih a om uh hidan taklang uhi Student pawlpi 3te thilsawm naktak a kalh kawm a, United Naga Council (UNC) in a taklatna ah, a kisaipih thuneite thuzakna tellou a kuama’nn UNC thuneihna nuai a om Naga area tengteng sukha thei ding indefinite bandh bawltheilou ding uh hidan in taklang uhi. Naga area-te Tom, Dick leh Harry-te kitengta lem kimawlna field hilou hidan inleng taklang uhi.

 

Tuabangkal ah, All Tribal Student’s Union, Manipur (ATSUM) in Thadou Students’ Association, General Headquarters (TSA-GHQ), Rongmei Naga Students’ Organisation leh Liangmai Naga Katimai Ruangdi (LNKR)-te kiang ah, ATSUM’s Charter of Demands a higher secondary school-te a MIL lecturer lak ding thu telkha leh zatkhiak hun ding naih mahmah a hihdan theisak kawm in, July 6, 2018 a kipan indefinite state-wide bandh bawl ding sawmna khawlsan ding in ngen uhi. ATSUM in a taklatdan in, TSA-GHQ in tribal pansan student organization khenkhat toh higher secondary school-te MIL lecturer lak ding thubuai toh kisai a nasep a patkhiak masak hun in, ATSUM in official laithon khat khak a, thilnget toh kisai ATSUM Charter of Demand nuai a telkha a hihna toh, ATSUM toh pangkhawm a nasemzaw ding in ngen uhi. Kuki Student Organisation (KSO), Imphal Branch in leng, indefinite statewide bandh naktak in dal uhi. KSO thusuak dungzui in, hiai bandh om ding, July 6 a annual felicitation programme nei ding KSO Imphal Branch-te indirect a tot hehna hidan in taklang hi. Tribal language (MIL) lecturer ding lakna thubuai leh Manipur University dinmunte, thilhihtheihna nei ATSUMte khut ah om a,n hiai thubuaite tribe khenkhat kia buaipih hilou in, state a tribe tengteng buaipih ahih ziak in, TSA, LNKR leh RNSO a-te’n hiai thubuaite a ATSUM panlakna, a nungthuap ding uh thil kilawm hizaw ding hidan in KSO in, indefinite Manipur bandh puang student pawlpi 3te thuhilh hi.

 

Indefinite bandh puan a om naktak a dal kawm a, Senapati District Student Association (SDSA) in a taklatna ah, Senapati district sung a siamtanhuailou bandh khatpeuh bawl ding phallou uh hidan in taklang uhi. Higher secondary school-te a tribal language (MIL) lecturer lak ding ngetna pangkhawm a panla a phutsuah tuak leh hiai thu enkai thei ding pawlpi diktak omsun ATSUM hidan in SDSA in taklang hi. Apex student body-ATSUM, KSO-GHQ leh ANSAM thuzaklou a hichibang bandh bawl ding pilhuailou hidan in leng Senapati student pawpli in taklang hi.

 

 

Eviction drive pailel State mipite deihdan ahi: Forest Minister

IMPHAL, JULY 5: Forest and Environment Minister Thounaojam Shyamkumarin, tuni Ningani in, Reserve Forest area a, dan toh kituaklou a tengte kiang ah, a baihtheilam a mun dang a kisuankhe ding in ngen hi.

 

Minister in, tuni a a Forest Guest House. Moreh a thuthaksaite kiang a, a gendan in, hun paisa a department in Reserve Forest area a dan toh kituaklou a tengte hawlkhiakna nasep a neihte sunzomtou zel chi’n gen hi. Department in Langol, Tarung, Iroisemba, Andro, Kakching Khunou leh mun dangdangte tel in, State sung a Reserve Forest area pumpi ah eviction drive sunzom zel ding chi’n gen hi.

 

Forest Rights Act, 2006 in kum 2005 ma a, tribal-te tenna munte huamkha hidan a gen kawm a, Minister in a gendan in, Act in tribal mipite kiang ah, dan bang a hawlkhiak a hihma ua alternative settlement arrangement piakkhiak ding dan (provisions) pekhia chi’n gen hi. Kum 2005 nung a Reserve Forest area a tengte Act in huamkhalou hidan inleng gen hi. Forest Rights Act, 2006 zangkhiallou ding a mipite pilvang ding a theisak kawm a, Minister in a gendan in, Forest Department in Google map apan panpihna la ding a, a ten kumte uh cross checking bawlna ding in base year leng pansan in nei ding chi’n gen hi. Eviction drive toh kisai mimal ahihkeileh minam khatpeuh tupna hilou hidan a gen kawm a, Minister in a gendan in, Government in state mipite deihna bang leh kim-le-kiang kepbitna ding in nasem chi’n gen hi. State khua-le-tuite ngaihdan leh thukupte kipahpih kawm in, Government in mipite nungthuapna poimoh gige chi’n gen hi. Minister in a kisaipih department-te kiang ah, forest land kigolhkhakna a land deed (patta) khatpeuh piakkhiak a hihma a, cross checking bawl ding leh Forest Department theisak zel ding inleng ngen hi.

 

 

ZSF-GHQ in ngaihdan kibatpihte nungthuap ding

LAMKA, July 5: Zomi Students’ Federation (ZSF) GHQ in tuni a thusuah a bawlna ah, March 12, 2018 a Manipur Cabinet in Tribal Language (MIL) 9 a ding lecturer 42 lakna ding a thupukna a bawl a tak a, a sepsuahlouh poisak thu taklang hi. Manipur Govt in tunai zek in lecturer lakna ding in notification suah a, himahleh huai lak ah Tribal MIL lecturer lak ding tungtang ah bangmah thusuah bawllou hi.

 

State Govt in Tribal MIL lecturer lak ding a thuchiam a bawl a baihtheipen semsuah ding in ZSFGHQ in ngen hi. Huai ban ah, ZSF-GHQ in Manipur singtangmite lak a student organisation leh CSO tuamtuam singtangmite a dia panlatute lak ah a ngaihdan kibatpihte nungthuap a dinpih ding ahihdan leng taklang hi.

 

 

TSA, LNKR leh RNSO in bandh puang; ATSUM leh KSO in gumlou

LAMKA, July 5: Govt of Manipur (GoM) in Higher Sec. School a singtang pau (Tribal MIL) lecturer lak ding a thupukna a bawl a sepsuahlouh ziak a lungkimlouh taklatna in zingchiang, July 6 a pan in Thadou Students’ Assn (TSA), GHQ; Rongmei Naga Students’ Organization, North East India (RNSO-NEI) leh Liangmei Naga Katimai Ruangdi, Assam, Manipur & Nagaland (LNKR-AMN) in Manipur pumpi ah indefinite bandh puang uhi.

 

Hiai bandh bawl ding pen Thadou Student’s Assn Ccpur inleng nungthuap ding a, Govt toh kihoulemna omna Ccpur district ah leng bandh sutzop hiding hi’n taklang hi. Huai toh kiton in district sung a pawlpi tuamtuam inleng nungthuap a kithuahpih ding in ngen uhi. Bandh zahtaklou a thilhoihlou tuak a om leh TSACcpur in mohpawlou ding hidan in taklang uhi.

 

Tua bangkal ah, All Tribal Students’ Union Manipur (ATSUM) in tuni a thusuah a bawlna ah, Tribal MIL Lecturer lak ding tungtang pen ATSUM in Manipur Govt kiang a ‘Charter of Demand’ a bawlte lak a tel ahihdan leh zingchiang, July 6 a Delhi a kipan National Commission for Scheduled Tribes (NCST) official-te’n Imphal hongpha ding leh TRI, Imphal a ‘Constitutional Rights of the Scheduled Tribes in India’ chih toh kisai Awareness hong nei ding uh ahihman in TSA-GHQ in bandh bawl a sawm pen khawlkik ding in ngen hi.

 

Huailou in, KSO-Ccpur inleng Manipur University buaina tungtang tel in Tribal MIL Lecturer lak ding tungtang pen ATSUM, ANSAM leh KSO-GHQ sai ding hizaw dan a taklang in TSA, LNKR leh RSNO in hiai tungtang a bandh bawl a sawm uh gumlou uh ahihdan taklang uhi. Huai toh kiton in, KSO-Ccpur in ATSUM a pan theihsakna omlou a Ccpur District sung a bandh bawl hitheilou ding hidan in taklang uhi.

 

 

 

 

 

…a kim zaw in : Hiai mun di

Read 292 times
Login to post comments