You are here: HomeNewsLamka PostThe Lamka Post | July 20, 2018

The Lamka Post | July 20, 2018

Written by  Published inLamka Post Friday, 20 July 2018 09:36
The Lamka Post | July 20, 2018

Parliament Monsoon Session Day 2:

Mob Violence toh kisai a Rajnath Singh in thugenna a neih zoh in Opposition-te’n Lok Sabha pawtsan

NEW DELHI, JULY 19: Lok Sabha ah QuestionHour leh Rajya Sabha ahZero Hour toh tuni Ninganizinglam dak 11 in Parliamentmonsoon sessionni nihna ding in vaihawmnapat in om nawn hi.A thu-le-la omloua thagum a kivuaklupnathubuai toh kisai in,Congress-te’n Lok Sabhaah adjournment noticepia uhi. Loubawlte a diadikna piak ding ngetnain, parliament huang ahCongress MP-te’n kiphinnanei uhi. Home MinisterRajnath Singh in LokSabha ah mob violencetoh kisai in thugen hi.

 

Mob violence i chih vangtahhuaitak thiltung ahi a, tunai zek in, state tengteng kiang ah theihsakna piak in om ua, kum 2016 inleng theihsakna dang piak khit in om chi’n gen hi. Thuzuau leh thuthang thehdalhna ding in social media-te zat in omlel a, social site-te kiang ah, thuzuau leh thuthang thehdalhna etkaina ding dan bawl ding inleng nget in om chi’n gen hi. Congress member K C Venugopal dotna bawl home minister Rajnath Singh in a dawnna ah, mob violence thiltungte mohpaihna sangpen in mohpaih a, migiloute tung ah action khauhpen lak hi ding a, social media a thuzuau thehdalh a omte ziak in mob violence om sek chi’n gen hi. Gamsung a mob violence thiltungte toh kisai a Home Minister Rajnath Singh thugente lungtunhuai sak zohlouh ziakin, opposition party members-te’n Lok Sabha Inpi pawtsan uhi. Hiai zoh in nitaklam dak 2.10 tan Lok Sabha ah vaihawmna khawlsak in om a, Rajya Sabha leng nitaklam dak 2 tan khawlsak in om hi.

 

Tuni’n Rajya Sabha ah ngaihtuah leh pass ding in Right to Information (Amendment) Bill 2018, Prevention of Corruption (Amendment) Bill 2013, Motor Vehicles (Amendment) Bill 2017 leh Ancient Monuments and Archaeological Sites and Remains (Amendment) Bill 2018 chihte leng luikhiak hi ding hi.

 

Tuabangkal ah, zingchiang Sintawpni in Lok Sabha ah Prime Minister Narendra Modi’s makaih BJP government in no-confidence motion maituah ding a, hiai ah ruling BJP-te vualzou ding uh ahihdan chiangsa toh kibang a, himahleh hiai hun ruling coalition leh opposition party-te a ding in point ngahna ding hun lemtang suak ding hi. Zan Nilaini in Lok Sabha in Congress leh TDP tel in opposition party-te’n no confidence motion a thehlut uh pomsak a, zingchiang July 20 a no confidence motion toh kisai a discussion leh voting neih hi ding in Speaker in hun bikhiahsak hi.

 

No- confidence motion a ding in Biju Janta Dal (BJD) in party MP-te kiang ah zingchiang a Lok Sabha a telkimchiat ding in theihsakna bawl hi. Tulel in BJP-led coalition in member 535 omna Lok Sabha ah member 312 nei a, huai lak ah BJP MP 274 pha ua, test a vualzohna ding in government in member 268 poimoh hi.

 

Zan Nilaini in, Lok Sabha ah Fugitive Economic Offenders Bill, 2018 puaklut in om hi. Hiai bill in gawtna maituah ding lauh ziak a gamdang a kibumang sum-le-pai su thelthangte gou-lehgamte laksakna ding in government panlakna naktak in panpih ding hi. Bill pawluttu Finance Minister Piyush Goyal in a gendan in, bill in Rs. 100 crore vel kigolhkha a dan bohsiatna thubuaite huamkha vek ding chi’n gen hi.

 

 

CM in student liamte veh:

SI leh Constable suspend; Govt in MU buaina suizui di’n centre noh den: Biren

IMPHAL,JULY 19: Chief Minister N. Biren Singh in, tuni Ningani in, Raj Medicity, Imphal a etkol a om lel, a paisa Seppatni a student-te leh police-te kal a kinawktuahna hun a, truck khat a khutveilam a gawitansak student makai Sheetal Oinam tel in liamna tuak student-te va veh hi.

 

Hiai hun in, Deputy CM leh Cabinet Minister dangte, OSD to Chief Minister Sumant Singh, Imphal West SP Haobijam Jogeshchandra –te’n Chief Minister kithuahpih uhi. Chief Minister N. Biren Singh in thuthaksaite kiang a, a gendan in, State Government in Manipuri University community-te lungsim leh deihte theihsiampih chi’n gen hi. MUTA, MUSU leh MUSA-te deihna bang in State government in, Vice-Chancellor Prof. AP Pandey tung a ngohna omte suizui ding a High Court a retired Chief Justice makaih Committee khat bawlna ding in Central Government thuzoh chi’n gen hi. Suizuina pansan a Prof. Pandey khial ahihdan muhkhiak ahihleh automatic in paihkhiak hi ding chi’n gen hi.

 

Chief Minister in a gendan in, Manipur University i chih Central University a hih bang in, State government in hihtheih nei tawm mahmah a, himahleh State government in hiai thubuai toh kisai in Cabinet ah thupukna khat la khin a, thil omdan suizui ding in Central Government noh den chi’n gen hi. Zan Nilaini in Governor Dr. Najma Heptulla kiang ah leng thil omdan theihsak in om a, Governor inleng tulel dinmun toh kisai President of India kiang tun khin chi’n gen hi. Kiphinna nei student-te tung a kilawmloutak a gamtang police personnel-te tung a government panlakna toh kisai a dotna Chief Minister in a dawnna ah, thiltung toh kisai a video clip-te hoihtak a suizui a hih nung in, Sub-Inspector khat leh Constable khat suspend in om hi.

 

State government in tulle a ki-enkol liamna tuak student-te sen-le-pante si vek ding a, a hong damsiang pah ding uh leng deihsak mahmah a hihdan gen hi.

 

 

SI leh head constable suspend deihlouhna in police-te’n a thautawite uh koihkhia

IMPHAL, JULY 19: Nityapat Chuthek a BJPManipur Pradesh Officemai a kiphinna neistudent pawlte tung akhengval a gamtangleh sep ding seplouhziak a Manipur PolicePersonnel 2 suspendpuankhumna mohpaihnain,tuni Ninganinitaklam in ManipurPolice Personnel-te’n athautawite uh koihkhiaua, a kisaipih thuneite’npersonnel 2te tung asuspend puankhum a, azukkik ma teng uh dutykhawlsan ding in kiphinnakhat pankhia uhi.

 

Hiai thu zak a hihphet in, DGP, IGP, SP Imphal West tel in Manipur Police High Commanding Officer-te’n police personnel-te’n kiphinna a neihna mun uh Commando Complex, Minuthong kintak in zuan ua, police personnel- te kiang ah a thautawite uh koihkhe ding a thupukna a lak uh zukkik ding in ngen uhi.

 

Hiai nung in, police personnel-te’n Manipur Police High Commanding Officer-te a kipan thuchiam a ngah nung un, kiphinna a neih uh khawlsan ngal in ngeina bang in duty sunzom nawn uhi. Galvante koihkhia a kiphinna a neih sung un, MUSU-te’n 48 hours general strike a puan uh pailel mahleh Imphal valley a mun tamzawte police free zone suak man hi. Kilawmloutak a gamtang leh mohpuakna zoulouh ziak a suspend a om police personnel 2te ahihleh sub inspector Gunachandra Chanam leh head constable Sidarth Thokchom of Imphal-West District Police hi uhi.

 

 

PTC Mizoram HQ President di’n Vanlalveni @ Maveni Hangzo telching in om

LAMKA, July 19: Paite Tribe Council (PTC)Mizoram Headquartersin tuni, July 19 inMJA Press Club, Champhai,Mizoram ah PTCMizoram HeadquartersSpecial Assembly-cum-Election 2018 nei uhi. Hiaihun uap ding in PTC-GHQa pan member 6 - V Vungzathang,Chairman, CWC;K Suanthang, President;G Vungsuanthang ViceChairman, CWC; ThangzamuanTombing, GeneralSecretary; Chinkhup RTombing, Secretary (External) lehT Awnkhanlun, Secretary(Internal) in July 17 zingkaldak 5:30 in Lamkanusia in Champhai,Mizoram zuan uhi.PTC MizoramHeadquarters SpecialAssembly-cum-Electionhun ah Assembly Speakerin C Lawmkim, Chairman,CEC, PTC MizoramHQ leh Deputy Speakerin Damsavung, ViceChairman, PTC MizoramHQ pang ua, Speakermakaih in vaihawmnanei uhi. Assembly hun ahkhuallian B Suanzalang,IFS (Retired), InntekpaK. Suanthang, President,PTC-GHQ ban ahPresident, PTC MizoramHQ; President, SSPPMizoram HQ leh President,ZCS Mizoram a panthugenna om hi.

 

PTC Mizoram Headquarters Special Assembly-cum-Election 2018 hun ah PTC Mizoram Headquarters a pan Office Bearer leh CEC, Sub-Headquarters office bearer, block office bearer leh executive member, Unit chih a pan member 5 ban ah PTC GHQ leh candidate-te tel uhi.

 

Election ahihleh PTC-GHQ vaisaina nuai ah nei ua, huai ah 2018- 2021 sung PTC Mizoram Headquarters President ding in Vanlalveni @ Maveni Hangzo of Aizawl; Vice President: SB Dochinthang of Vaikhawtlang leh Treasurer ding in V Ginsiam of Mimbung telching uhi. Telching a om makaite, Upa V. Vungzathang, Chairman, CWC, PTCGHQ in kichiamsak a, Upa Zamzalang in Pathian min in thumsak hi.

 

PTC Mizoram Headquarters Presdent dia telching a om Vanlalveni @ Maveni Hangzo in ahihleh 2009-2011 sung PTC Mizoram Headquarters President hihna ana len ngeita hi.

 

 

New Bazar ah Police Picket om ding

LAMKA, July 19: Zan, July 18 a DC/Ccpur office a BRGF Resource Centre ah DLCC meeting hun a thupukna bang in New Bazar Bus Parking ah Police Picket koih hiding hi. Hiai thupukna sepsuahna ding in tuni, July 19 sunnung dak 1 in Kabib K., IPS, SP/Ccpur leh T. Kammuanlal Simte, MCS, CEO/ADC Ccpur in Police Picket mun ding enkhia uhi.

 

New Bazar a Police Picket koihna ding mun ahihleh Bus Parking huangsung a CDSU Administrative Office building hiding hi. Ccpur District Students’ Union (CDSU) ahihleh tulel dinmun a omlou toh kibang (defunct) ahihman in Police Picket a zat ding in tuni’n CDSU van neihte mundang ah tuahkhia ua, zingchiang a pan renovation bawl in August 2018 a pan Police Picket a zat hiding hi’n thutut kingah hi.

 

 

MUSU ‘48hrs general strike’ beita, bandh in hindan ngeina buaisak

Imphal, July 19: Manipur University Students’ Union (MUSU)-te’n dakkal 48 sung daih ding general strike a puan uh tuni Ningani in thovengtak in bei a, himahleh tuni a ni nihna ding a general strike in mipite hindan ngeina naktak in buaisak hi. Students organisation, civil society organization leh mimal tuamtuamte’n a nungthuap uh general strike in Valley district ah hindan ngeina khawlsak dimdem hi. Zan Nilaini a, thiltung om bangbang a om nawn khak ding venna ding in, tuni Ningani in general strike ni nanungpen ah security khauhsak in om hi.

 

General strike gupna in, tuni’n kiphintu tamsem paikhawm in lam kikabom poimoh Uripok, Khurai, Haobam Marak, Lamphel leh a dangdangte ah gari muh ding omlou in dai zikzik hi.

 

Tuabangkal ah, VC AP Pandey lakkhiak ding ngetna in sit-in-protest leng neih in om a, tuni’n general strike ni nihna ding in, Khwairanband Keithel, Paona Keithel ah dawr leh sumsinna bukte khak in om vek uhi.

 

 

Hill Town ah Routine Immunization nei

LAMKA, July 19: District Family WelfareOfficer (DFWO) Ccpurin kha teng a Ningani3na a Immunization Sitetelkhiak a omte a RoutineImmunization neih diathupuan a bawl toh kitonin tuni, July 19, ThirdThursday in site khat ahRoutine Immunizationnei uhi.

 

Tuni a immunization neihna mun ahihleh Hill Town Community Hall, Thangzam Road hi a, sunma dak 10 a pan in routine immunization kipan a, hiai hun ah numei naupaai laite tel in naungek piangtung a pan naupang kum 16 nuailamte damdawi kap uhi. Routine Immunization hun ah kikap ding hun a kikap khaloute leng kap in om uhi.

 

Tuni a Hill Town Community Hall a Routine Immunization in a huamkhakte ahihleh New Bazar area, Salem Veng, Hill Town areas chihte hi a, hiai area-te ah numei naupaai ban ah naupang kum 16 nuailamte kap in om ua, himahleh hiai area sung a tamzaw in Routine Immunization hoihtak a, a zuih ziak un, tuni a Routine Immunization neih hun ah damdawi kap ding tamlou hi. DFWO in ahihleh routine immunization toh kisai a numei naupaai leh naupang damdawi kikap ding a District Immunization Office (DIO) naihzouloute khualna a, khua leh veng tuamtuam a routine immunization a neih ahi. Maban ah veng tuamtuam a Routine Immunization neih hun ah damdawi kikapsak chiat ding in DIO/Ccpur in ngen hi.

 

 

YVA-GHQ makaih in Panglian khomite a ding tui pia

LAMKA, July 19: Young Vaiphei Assn (YVA) General Headquarters makaih in tuni, July 19 in phatuamngai mi bangzahhiam in DI Pickup 2 zang in Singngat Assembly Constituency huamsung om Panglian khua ah tuidawn ding va pia uhi. Lamka leh Singngat kikal Tedim Road in a totkhak Panglian khua in tuinek ding a lakna uh Panglian Lui ah zan nitaklam in kuahiam chih theihloute’n gu (poison) va khia ua, tui a damdawi gim a nam ban ah ngasa neute sisa muhtheih a om ziak in Panglian khomite’n lui a pan tuite tanky ah luanglut saklou in kisilna ding inleng zang ngamlou uhi. Tua ziak in Panglian khosung mipi’n tui nei ding leh zat ding taksapna liantak tuak uhi.

 

Panglian kho mipi’n tui taksapna liantak a tuah uh awlmoh in YVA-GHQ in P. Kamkholal, EM/ADC Ccpur thuzak ua, EM-pu’n panlakna in DI Pickup 2 la in Panglian kho mipi’n a zattawm ding uh tui a piak ban uah dawn ding tuisiang (Mineral Water) leng hunkhop pia ua, a poimoh bang a petou zel ding uh ahihdan leng theisak uhi.

 

Hiai toh kisai in, tuni’n Vaiphei People’s Council (VPC) GHQ; YVA-GHQ leh Zillai Ccpur District makaite Panglian khua kidelhhuan in Panglian khua ah thil omdan kansui in genkhawm uhi.

 

Hiai hun ah Vungminthang, President, YVA-GHQ in, YVA in ngetna a bawl ngai poimoh a P Kamkholal in a poimoh dingzah sum a piakna tung ah kipahthu gen a, hiai bang a mipi sihtheihna dia gamtangte matkhiak ahih theihna ding ua Police in panla dingin ngen hi. Huai ban ah tunung a hiai bang thil a tunnawnlouh deih thugen in khosung mipi patautak a om hun ua YVA makaite’n a delhpah theihlouhna tung uah khosung mipite’n theisiam ding in ngen hi.

 

Khatkhotong Baite, President, VPC-GHQ in a genna ah, Panglian khosung in tuisiang a taksap hun ua tui pia a kalsuante kipahpih ahihdan gen a, hiai bang a gamtangte zonkhiak poimoh ahihdan gen in, YVA hiam, Zillai hitaleh, a nasep hoih uh VPC leh nam pumpi a dia min hoihna ahih ziak in maban hun ah leng pangkhawm a kalsuankhawm ding in ngetna bawl hi.

 

Hiai thiltung toh kisai in YVA-GHQ leh Zillai Ccpur District in mohpaihna sangpen a mohpaih uh ahihdan puang ua, thiltung toh kisai VPC-GHQ in Police a FIR bawl ding leh a kigolhkha kintak a mankhe dia nohna bawl ding uh hi’n thutut kingah hi.

 

 

1951 pansan ding ahihleh 1951 a Hill District gamgite tundingkik hihen: JAC-AATB

LAMKA, July 19: Joint Action Committee Against Anti Tribal Bills (JAC-AATB) in Government of Manipur kiang ah May 10, 2017 a Memorandum of Understanding (MoU) suaikaih a om a thu leh a taktak a zui a zahtak ding in theisak hi. JAC-AATB in a taklatna ah, Chief Minister of Manipur, Bill Drafting Committee, JCILPS leh tribal civil society organisation-te’n Bill thak a “non-Manipur people” chih tungtang a consultative meeting a neih hun ua genkhawm a omte hoihtak a enchian uh hidan in taklang hi.

 

JAC-AATB in ahihleh tribal makai tuamtuam Manipur a tribal community-te khualna a thukup a bawlte uh hoihsa in lemsakpih a, himahleh tribal makaite’n ngaihtuahna chimtak zang a Bill thak bawl ding toh kisai a ngaihdan a piakte uh JCILPS leh State Government in nawlkhin ahihdan JAC-AATB in a theih a poisa leh Bill thak bawl ding tungtang a consultative meeting tamveitak neih a omte bangmahlou suak hidan in JAC-AATB in taklang hi.

 

JAC-AATB in a taklat zelna ah, draft Bill pen July 20, 2018 a kipan State Assembly om ding a luikhiak hidia gen ahihziak in JAC-AATB in tuni, July 19 in emergency meeting sam a, huai ah thupukna hiai bang a bawl uh hi’n taklang hi. Huaite ahihleh Bills 2 pending a omte - “The Manipur Land Revenue and Land Reforms (Seventh Amendment) Bill, 2015” leh “The Manipur Shops and Establishment (Second Amendment) Bill,  2015” zukkik ahihma Bill that khatpeuh ‘non-Manipur people’ chih toh kisai Assembly a puaklutlouh ding chih hidan in taklang hi.

 

Mr. K. Zou in RTI Act tungtawn a dotna a bawl Ministry of Home Affairs, Office of the Registrar General, India (Social Studies Division) in July 4, 2018 a dawnna a piakna ah, kum 1951 pen Manipur a dia pansan theihlouh ding leh 1951 a NRC muh ding omlouh ban ah tulel a Manipur state pen 1972 a bawlkhiak a om hidan in dawnna pia hi. Manipur mi leh milou khenna dia 1951 pansan ding ahihleh 1951 ma a Hill District boundary-te ahi bangbang in tunding nawn hihen chi’n JAC-AATB in ngetna bawl hi.

 

JAC-AATB in a taklat zelna ah, draft Bill Section 3 (3) ah district chih a non-Manipur mite chiamteh ding in deputy commissioner office-te mohpuakna pia hi. Hiai thu in thuneihna lianlou nei Autonomous District Councils (ADCs) power a laksak ban ah Constitution of lndia Article 371 kalhkha ahihman in pom theih hilou ding leh hiai thu pen consultative meeting neihnate a, a kituahpih thu dang a khekkhe dia ngetna om bang a khek ding in JACAATB in ngetna bawl hi.

 

Huai ban ah a kisaipih teng a pan ngaihdan lakkhawm ahihnung a ngaihdan leh deihdan piak a omte ngaihsaklouh pen consultative meeting hitheilou hi’n JAC-AATB in taklang a, consultation neih a om toh kisai thupi ngaihlou ahihleh government a dia hiai bang a kihouna neih sawm ding thil haksa hita ding hi’n taklang hi.

 

Tua ban ah, Manipur a tribal communityte toh kisai a hiai a tung a kitaklang teng ngaihtuah masak ahihma government in Bill thak bawlkhelou ding in JACAATB in ngetna bawl hi.

 

 

Pastor T Vungkhansuan in luang tamtak a vui khit nung in tuni’n amah vui in omta hi

LAMKA, July 19: Thomte khanggui apanhong piangkhia Pastor T.Vungkhansuan s/o Upa TGinkam, Zion Veng, NewLamka in zunkhum ziaka Kal buaina kum tamkuamtak a thuak nung ina natna thuak mualsuahzou nawnlou in zan sunningdak 1:20 in RIMSImphal ah a muan leh abelh Pathian kiang anazuanta hi. EBCC/Lamphelin khelahtak a zan khat aluang a kep nung un tunisun dak 11 in a tenna innZion Veng puak tung inom a, EBCC/Zion Vengin khelahtak mai a vuinaprogramme a zatpih nunguh sunnung lam in luangtamtak ana vuisate zuiding in amah leng YPA/New Lamka hanmual ahvuiliam in omta hi.

 

Amah ahihleh June 10, 1996 in Henglep Subdivision sung a om Vungbuk khua ah piang a, January 12, 1989 in Vunggin tanu Dimhauching toh saptuam dan in kiteng uhi.

 

Pastor T. Vungkhansuan in 1989 in Vimala Raina High School, Lamka ah Class-X zou a, huai zooh in Lamka College ah Class XII leh BA zou in, 1991 in Grace Bible College ah M.Div 2006 in zou hi. BA a zoh tung in Railway Deptt ah BA a zoh tung in interview a, huai toh kiton in EBCC ahleng teacher ding in interview hi. A nihtuak a lohching in, a Pu’n koipen join ding na hia chi a, a dot chiang in Pu nang thuthu ahi a chih leh a pu’n “kei thu ding ahihleh chi’n Railway Deptt a calling letter pen zialtom in Dustbin ah paih in Pathian nna na sem ding” chi a, huai dungzui in Sinjawl ah EBCC nuai a teacher ding in 1991 in kuan hi.

 

Thutut kingah dan in, teacher a sep sung in Sinjawl leh Mualnuam ah sem a, 2010 in Pastor ding in ordain a om in Hebron Veng, New Lamka ah posting in om a, hiai a, a om kawm in heutute’n muang mahmah in EBCC/ Dorcas Veng, Bethlehem EBCC, NLBC/New Lamka leh EBCC/College Veng, New Lamka ah Pastor incharge len kawm a, 2015 in EBCC/ Lamphel a local pastor ding in paisuk a, huai ah a sihtan dong sem hi.

 

Amah sihna toh kisai a Upa T Khaithang in a genna ah, “Pastor T Vungkhansuan toh Hebron EBCC ah ka kithuah kha ua, Kidney problem ziak a sum tamtak sen ngai a Dialysis bawl ngai himahleh, khatvei leng, sum-le-pai a, a haksat thu a gen ngei kei a, a natna na a sak thu leng a gen ngei kei a, a natna ziakin Pathian nn a sep ding a sem lou tuan kei a, suty leng a la ngei tuan kei, mi thupi, Belampu Muanhuai a Belamte a dia belhtak ahi” chi’n a it thu gen hi.

 

Huai banah, “Upa Phungzathang Tonsing leh Saptuamte kithuahpihna toh hospital hoihzaw a ki-enkol ding in a pai a, a hong tun inleng tampi a gen kei, saptuam leh Upa Phungzathang Tonsing tung ah ka kipak mahmah chih teng kia a gen, Pathian Hoihnate ziak in mimal pahtak a sawm kei chih a chiang mahmah” chi’n thupi a sak dan tuni a programme zatna mun ah gen hi.

 

 

 

 

 

…more detail : here

 

 

 

 

 

 

 

RELATED

The Lamka Post | July 14, 2018

The Lamka Post | July 15, 2018

The Lamka Post | July 17, 2018

The Lamka Post | July 18, 2018

The Lamka Post | July 19, 2018

Read 527 times
Login to post comments