You are here: HomeNewsLamka PostThe Lamka Post | July 28, 2018

The Lamka Post | July 28, 2018

Written by  Published inLamka Post Saturday, 28 July 2018 08:32
The Lamka Post | July 28, 2018

7th Pay ngetna in kiphinna ni 128 chingta

AMTUC leh AMGEO JAC team-te’n President, PM leh FM-te kimuhpih ding

IMPHAL, JULY 27: All Manipur TradeUnions’ Council (AMTUC)leh All ManipurGovernment EmployeesOrganisation (AMGEO)JAC in August 2018nipikal masa sung inPresident of India, PrimeMinister leh FinanceMinister-te kimuhpihding uh hidan in tuni Sintawpniin JAC official ingen hi.

 

Manipur a 7th Pay commission recommendation zat ding ngetna a, AMTUC leh AMGEO JAC-te makaihna nuai a govt. department tuamtuam a semtute’n relay sit-in-protest cum cease work strike a neih uh tuni Sintawpni in ni 128 chingta hi. Tuni’n forest department employee union in Sanjenthong, Imphal a, amau office complex ah 7th pay zat ding ngetna in sit-inprotest cum cease work strike nei uhi. Kiphinna a tel forest department a sem K. Shyamsunder Singh in a gendan in, government in 7th pay zat ding a semtute ngetna sukvengsakna ding in kalbi lak ding awlmohpihlou ua, huai naksang in government in kiphinna nei semtute tung a action lakkhum chi’n gen hi. Kiphinna nei semtute’n a baihtheilam a buaina sukveng ahihtheihna ding in government kiang ah kihou ding a panlakpih ding in ngen hi.

 

June 18, 2018 a Manipur Government leh govt. employee organization dang khenkhatte kal a Memorandum of Understanding (MoU) suaikaih a om deihlouhna in, tuni’n kiphinna nei ua, bangteng hileh MoU khak thak hi ding chi’n kiphintu khat in gen hi.

 

Tua toh kiton in August nipikal masa sung in AMTUC leh AMGEO JAC team-te’n New Delhi zuan ding ua, President of India, Prime Minister Narendra Modi leh Finance Minister ban ah a kisaipih Govt. of India thuneite kimuhpih ding uhi.

 

 

Forest Minister Th. Shyamkumar in agar tree plantation programme hongkhia

CHANDEL, JULY 27: Forest and Environment Minister Th. Shyamkumar in tuni in Forest Department official-te toh kithuah in agar tree plantation programme Utangpokpi khua, Chakpikarong Subdivision, Chandel district ah hongkhia hi’n thusuak in taklang hi. Programme ahihleh Forest Department-te panlakna nuai a sai a om ahi hi. Minister Shyamkumar in Utangpokpi khomite kiang a, a gendan in agar singnouna in local mite income khangsak zou ding a, Manipur government inleng singnou suanna tungtawn a kim leh kiang kepbit ding chih thupi nei a panlakna tuamtuam ana nei ahihna ah tuni a singnou suan a omte a kepbitna toh kisai ah khosung mipite’n mohpuakna la ding in ngetna leh theihsakna bawl hi.

 

Aman a gendan in tuni a Agar singnou suan a omte kum 7/8 vel zoh chiang a local mite income Rs 30,000 a pan 40,000 tan a kalsak ban ding a, kim leh kiang kepbitna toh kisai ah leng dinmun poimoh tak luah ding chi hi.

 

Aman a genzelna Agar sing i chih a hoihna gam om a, huai ding in Manipur state sung ah Chandel, Jiribam, Kamjong leh Moreh chihte a hoih diak ding ahihdan misiamte a pan theih a om ahi chi hi. Hiai toh kisai in maban ah Horticulture and Soil Conservation department leh Forest department-te’n pangkhawm a developmental programme tuamtuam a hon sai ngei uh lam-et ahi chi’n gen behlap hi.

 

Hiai toh kisai in khosung mite Minister leh official-te tung a Agar singnou suanna toh kisai a pan a lak uh kipak mahmah uh ahihdan gen ua, huai kawmkawm in lampi hoihlou toh kisai a panlak ding dan leh hiai singnou suan a omte a fenching bawlna ding ngaihtuah di’n ngen uhi.

 

Huai ban ah hiai toh kisai a enkaitu ding leng sepkhe di’n ngen ua, forest fire protection material, bamboo plantation scheme chihte leng pankhe ding in ngetna bawl uhi.

 

Plantation programme neih ahih hun in Principle Chief Conservator of Forest & Head of Forest Force K. Angami, Chief Conservator of Forest (Territorial-II) Dhananjay Singh, Conservator of Forest (Eastern Circle) W. Yaiskul Singh, Khuraijam Sanajaoba, Divisional Forest Officer leh Chandel Forest Division-te kihel uh hi’n thusuak in taklang hi.

 

 

PCI Mizoram Synod Manipur Area in kisinsakna nei

LAMKA, July 27: Presbyterian Church ofIndia, Mizoram Synod,Manipur Area saina intuni, July 27 sunma dak10 a pan Synod Hall, IBRoad ah ‘Saptuam Ginnaa Halhthakna’ chih tohkisai in kisinsakna om hi.

 

Hiai hun ahMizoram Synod, ManipurArea sung a omLamka North Presbyteryleh Lamka South Presbyterya pan Ordinationtang Pastor leh SaptuamUpa, Pro-Pastor, TualsungUpa ban ah Saptuamsung a Departmenttuamtuam Numei Pawl,Tuailai Pawl leh NaupangPawl a makai 430 val kihelua, hun zatna hunpinih in khen uhi.

 

Hunpi masa sunma dak 10:30 a pan Rev. S. Khaikholam in makaih a, Thukhun Lui leh Thukhun Thak toh kituak a Halhthakna chih thupi pansan in Rev. Jerry Zoliansanga, Revival Committee Member in sinsak hi.

 

Hiai hun ah Thukhun Lui leh Thukhun Thak toh kituak a Halhthakna ban a Halhthakna dang toh kisai; Thukhun Lui leh Thukhun Thak a Halhthakna kibatlouhna; Halhna dik leh diklou ban ah Halhna dik tuntheih ding dan chih toh kisai kikumkhawm uhi.

 

Hunpi nihna, sunnung dak 1 in kipan a, hiai hun Upa Paukhawkap in makaih in, Rev. Joseph Lalnunmawia, Revival Committee Member in ah “Manipur Saptuam sung a halhna hong tun dan leh halhna paihpih dan ding” chih toh kisai sinsak hi. Kikupkhawmna hun ah Pathian Khasiangthou in hong veh hun om mahleh, tulai Khasianthou tung vang mahmah toh kisai; Halhthakna tankik theihna dia bang hiam poimoh; Halhthakna dik leh diklou om hiam chih leh Pathian phat a laam toh kisai ngaihdan leh limna Kha toh kisai ngaihdan kikumkhawm uhi.

 

PCI, Mizoram Synod, Manipur Area ahihleh Presbytery 4 a kikhen in, maban ah Presbytery dang te’n leng hiai bang kisinsakna neitou zel ding ua, Presbytery 4 ah Pastor Bial 23 om in, saptuam milip 18,000 val om hi’n kigen hi.

 

 

ADCC Chairman in kitawpna pia; ADCC meeting ding cancel

LAMKA, July 27: Autonomous District Council, Ccpur Chairman, Khaipao Haokip in tuni, July 27 in ADC Rules 6 (b) of the Manipur (Hill Areas) District Councils Rules, 1972 pansan in Governor of Manipur, Raj Bhawan, Imphal ah ADC Ccpur Chairman ahihna a pan kitawpna (resignation) pia hi.

 

Huai dungzui in, tuni mah in Shyam Lal Poonia, IAS, DC/Ccpur in thusuah bawl in, zingchiang, July 28, 2018 sunma dak 11:30 a ADC Ccpur Chairman paihkhiak ding tungtang a ADC Ccpur member teng in meeting nei ding a sapna bawl a om pen cancel ahihdan taklang hi. Khaipao Haokip in ADC Ccpur Chairman a pan kitawpna a piak ziak in V Khaikhanmung, Vice Chairman, ADCC in Chairman incharge len ding hi. Chandel ADC Chairman leng khamtheih toh kisai a mat a om ziak in Vice Chairman in Chairman incharge len hi.

 

 

SC in CBI director Manipur Extra judicial killing toh kisai a hilhchetna pe di’n sam

IMPHAL, JULY 27: Manipur extra-judicial killing toh kisai a mohpuakna piak a om CBI-te’n case 7 a ding chargesheet tuni tan a, a bawl nailouh ziak un Supreme Court in tuni in Central Bureau of Investigation’s director sam in thil omdan hilhchian ding in theihsak uhi. Justice Madan B Lokur in CBI Director Alok Kumar Verma kiang ah Court ah, hong tung ding Seppatni nitak lam dak 2 chiang a court mai a kilang ding a sapna bawl a om ahihdan taklat in om hi.

 

Justice Madan B Lokur in thangpai kawmtak in CBI’s Special Investigation Team-te’n bang ziak a tuni tan a chargesheets bawl nailou a report kichiantak piak ding nei nailou uh hiam chi’n gen hi. Additional Solicitor General Maninder Singh in Bench-te kiang a, a gendan in chargesheet case nih bawl zoh in omta a, a dang nihte tunung zek chiang a bawl zoh hiding chi’n report pia hi.

 

 

Mun 6 ah Routine Immunization nei ding

LAMKA, July 27: Routine Immunization neihna mun ding a telkhiak a om Session Site ah kha teng a Ningani leh Kiginni teng in ASHA, Aganwadi Worker leh Village Authority-te kithuahpihna toh Medical Team-te’n Routine Immunization nei zel uhi. Huai toh kiton in zingchiang July 28, 2018 in Session Site mun 6 ah Routine Immunization om nawn ding a, zingkal dak 6 a pan in Hmuia Veng leh a kimle- kiang naite’n Hausapa Inn ah nei ding ua, Lhangjol khua kim-le- kiang a omte’n Lhangjol ASHA House ah nei ding ua, B. Aijalon kim-leh-kiang a omte’n B Vengnom Community Hall ban ah Nehru Marg, Apollo Veng, Khumujaba, Beulalane, PKT Street, Peace Lane leh South of SA Road a omte’n St Joseph’s School Nehru Marg ah nei ding uhi. Sunma dak 8 a pan in Lailam Veng kim-le-kiang a omte’n Lailam Veng ASHA House ah nei ding ua, Tuibong kim-le-kiang a omte’n Tuibong Hausapa Inn ah nei ding uhi. Hiai mun ah numei naupaaite tel in naupang kum 15 nuailam Routine Immunization neilelte damdawi kikapsak theih ding hi.

 

 

EBC Lamka North Division BYF Khawmpi om ding

LAMKA, July 27: Evangelical Baptist Convention,Lamka NorthDivision nuai a BaptistYouth Fellowship (BYF)in hongtung ding September6-9, 2018 sungEBCC Hiangtam Lamkaah “Nang Vualzawlna HiIn” chih thupi zang in a9veina BYF Lamka NorthDivision Khawmpi neiding uhi.

 

Khawmpi hunsung in thugentu in Rev Kuman Suresh Singh pang ding a, Evan Lianding Guite leh T Pumkhothang in biakna leh phatna makaih ding ua, khua/veng tuamtuam a pan BYF in “Nang Vualzawlna Hi In” chih pansan in short play kidemna nei ding uhi. Rev K Kamchinkhup in “Mihing Hinsan” chih thupi leh Rev B Chinkhengoupau in “Thumanna : Vualzawlna Naak Ahi” chih pansan in seminar nei ding ua, “Issues And Challenges That Matter For Christian Youth” chih thupi pansan in Penal Discussion om ding a, hiai hun Jimmy Ginbiakthang in makaih ding hi. Hiai hun ah panelist in Rev K Kamchinkhup, Rev B Chinkhengoupau, Evan Dr Suankhanhau, Dr Niangsangching leh Evan G Pauzarual pang ding uhi.

 

 

RIMS Director in OPD counter, public kitchen leh public lavatory thak hongkhia

IMPHAL, JULY 27: Regional Institute of MedicalSciences (RIMS), Imphal DirectorProf. A. Santa Singh in,tuni Sintawpni in Departmentof Psychiatry, RIMS, Imphal ahOPD counter, Public Kitchenleh Public Lavatory thak hongkhiahi.

 

Prof. A. Santa Singh in a gendan in, kum tamtak paita in Department ah basic facility kiningching muh ding omlou a, himahleh tu in Department of Psychiatry panlakna nuai ah basic facility khenkhat OPD counter, public kitchen leh public lavatory-te a huntak in bawltheih in om ua, mipite kiang ah piakkhiak in om uh chi’n gen hi. Damloute’n hiai facitity-te hamphatpih diak ding uh chi’n gen hi. RIMS Director in department dangte kiang ah leng, institute khantouhna ding a panlakna tamsem bawlkhe ding in ngen hi. Prof. RK. Lenin Singh, head of department of Psychiatry in a gendan in, kum 10 ma in, damlou 20-30 lelte’n ni khat in Psychiatry OPD veh ua, himahleh tu in, Psychiatry OPD veh ni khat in damlou 100 valta chi’n gen hi. OPD counter thak honkhiak ahih zoh chiang in, tulel a kochiktak a gamtatna buaina omte vengthei ding chi’n gen hi. Bawl thak a om lavatory ziakin department a public toilet facility buaina sukvengsak ding chi’n gen hi.

 

Program zatna hun ah Prof. Ch. Arunkumar Singh, Medical Superintendent of RIMS Hospital, Principal, Dental College, faculty members, Deputy Director (Admn), Chief Accounts Officer, officials, staff leh student-te tel uhi.

 

 

Jiribam ah Section 144 CrPC koih in om

JIRIBAM, JULY 27: Jiribam district administration in tuni in district sung a mipite a dia dinmun lauhhuai leh van tuamtuam tanpha suksiat a, a om theih ding ziakin Section 144 CrPC pansan in prohibitory order suah uh hi’n thusuak in taklang hi. Hiai toh kisai thupuan bawl a, a om ziak ahihleh Manipur Assembly in kum 1951 pansan a Manipur People Bill, 2018 ana pass ziak a Manipur –Assam border a om Bengali leh Bengali Muslim-te’n a paisa July 25 ni a hiai bill deihlouh latsakna a kiphinna a neih pen un mai lam nawtzel ding dinmun a, a kilat ziak ahi hi.

 

Joint Action Committee (JAC)-te’n Bill toh kisai a gendan un kum 1951 pansan a Bill pass a om pen in Jiribam a om Bengali speaking leh state sung mun tuamtuam a om Punjabi, Bihari leh Nepali-te Constitutional right susia ahi chi’n taklang uhi. District Magistrate Robert Singh Kshetrimayum in a gendan in 144 CrPC koih a om pansan in mi 5 sang a tamzaw, chiang, suang leh hiamhei chituamtuam tawi muh ahih a leh offensive weapon hidan a ngaih a dan toh kituak a mat theih hiding ahi chi’n gen hi.

 

Singh in a genzelna ah hiai bang thupiak bawl a om pen in government agency-te huamkhalou ding a, dan leh thupiak enzuite leng huamkhalou ding chi hi. Himahleh pawl tuamtuam kibawl a kholai a mi nga sang a tamzaw kizui a rally neih sawm a om ua leh leng dan toh kituak a gawtna piak hiding chi’n gen behlap hi.

 

 

 

 

…for more detail : here

 

 

 

 

 

 

RELATED

The Lamka Post | July 22, 2018

The Lamka Post | July 23, 2018

The Lamka Post | July 24, 2018

The Lamka Post | July 26, 2018

The Lamka Post | July 27, 2018

Read 525 times
Login to post comments