You are here: HomeNewsSports NewsArgentina | Champion ding a lam-et Thumna

Argentina | Champion ding a lam-et Thumna

Written by  Khampi Published inSports News Thursday, 12 June 2014 02:38

~By: Khampi

 

Tukum World Cup Champion ding a aki lam-en thum na pen Argentina, South America lamte mah ahi hi. Kimawlna ah kua gualzo a kua in lel ding chih pen genkholh theih hi kei mahleh Champion ding a upmoh leh lametna om tek ahihman in Brazil, Spain khit a thumna ding Agentina hi chi ni.

 

Argentina Squad:


Lamhilh - Alejandro Sabella

Kungpang - Romero, Andujar, Orion

Nungdal - Zabalete, F.Fernandez, Garay, Rojo, Campagnaro, Demichelis, Basanta, Otamendi Alai - Mascherano, Gago, Biglia, Banega, Alvarez, A.fernandez, Sosa

Maitai - Leo Messi, Higuain, Aguero, Palacio, Lavezzi.

 

South America gam a ding in Brazil leh Agentina mah a muan pen uh hi a zong a kidem ngiatngiat uh ahi hi. Brazil in World Cup ngavei ngahta a Argentina in nihvei ngah pan hi. Argentina pen nidang pek pan in Nungdal muanhuai a neih ngei loh uh a tua bek tham lo in kungpang ki cian zong nei ngei lo ahihman in gualzawhna ngah di hamsa a sa uh ahi hi. Tukum a kimawl di-te en kik leng zong a kungpang muan pen pa uh a hi Romero hi in Monaco nangawn ah Lineup ngah zo lo ahih man in Sampdoria ah a kimawl ahi hi. A nungdalte en kik leng a ngeina mah bang in a minthang vangvang om lo uh hi. Compagnaro a muan pen uh hi kha thei ding a, amah na ngawn kum 30 valta ahih man in deih bang taktak zo nawn khawl lo kha ding hi.

 

F.Fernandez lah puai thupi te ah ki lim mawl kha ngei nai lo in Garay leh Otamendi lah a khial pahpah khat ahihman in nung dal zong muanhuai om lo cih ding hi. Tua teng bek tham lo in Lamhilh lam pang en leuleu leng Alejandro Sabella in 2011 pek pan a makaih hi phial mah ta se leh Brazil lamhilh Scolari te, Spain lamhilh Del Bosgue te tawh kikhai lai mahmah hi.Alai kimawl leh maitai kimawlte bel gen bang lua lo uh hi.

 

Lam khat ah Champion ding lametna khat ah tulai tak lei tung ah football siampen a minthang Leo Messi nei kha uh ahihman in lametna om tuam hi. Leo Messi in Argentina ah Maikai pi hong sep a ki pan in Goal zong hong khum zaw tham hi. Messi makai in Aguero leh Higuain tawh ki thuah leh a kisam goalte bel gen kul lo in hong khum ziahziah lel in ka um hi.

 

Bangbang ahi zong a tung a i gensa Kungpang leh Nungdal hong ginat nak leh Champion lampi ding a haksa om lo hi.

Read 1183 times
Login to post comments