You are here: HomeArticlesInterviewShort Interaction with Lenlai Club | Winner of Zomi Nam Ni cum Mithun Festival Open Fotball Tournamnet

Short Interaction with Lenlai Club | Winner of Zomi Nam Ni cum Mithun Festival Open Fotball Tournamnet

Written by  Angel's Vision Published inInterview Tuesday, 24 February 2015 22:43

February 20, 2015 nitak dak 7:00 vel in Lamka pansan thuthak sai tuamtuam in Zomi Namni Football Tournament a Winner hihna ngah Lenlai Club Manager Kammuanlal kimuhpihna nei in huai ah Lenlai Club kivai puakna leh a vualzohdan uh thuguk dotna kinei a, Manager in leng Lenlai Club ahihleh 2001 kum a kiphut khia ahihdan leh 2002 kum a District League champion hihna ana tang in, 2004, 2005 lak in leng  League Champion hihna mah ana tang uh a, kumlui in ahihleh Second division a ding in Relegate uh a, himahleh tukum Tournament omding ziak in Lenlai Club Player lui bangzah hiam leh Imphal apan player bangzah hiam kaikhawm a pang uh hin gen a, Tournament pichin zawksemna ding a Nigeria apan Player khat Nonso kichi leng Team squad a telsak a om hin gen hi.

 


Short Interaction with Lenlai Club by Angel's Vision ZOGAMonline Media Partner

 

Kisakkholhdan toh kisai in, kumlui December apan player 14 vel in Nghathal play ground a practice pan uh hin gen a, Tournament pan theihna ding a sum tamtak sen ngai ahihna ah T shirt khawng zuak a fundraise bawl mai uh hin gen a, kithutuahna, kingaihniamna leh Pathian panpih na ziak a tuabang a Final tan tungthei uh ahihdan leh Winner hihna tanpha tangban uh hin Pathian ziak a vualzou uh hin gen hi. Huailou in Lenlai Club kichi Lamka a ding a Club minthang penpawl in leng ana pang ngei a, District teng a champion te kimawlna Winners Cup ah leng CCpur district sung a Final lut masapen club ahihban uah, Hill District a ding a Tournament minthang pawl a kigen, Shiroy Cup ah leng Lenlaui kihel kha ngei in huai ah 1-0 in Final ah TRUGPU te zoulou uhi. Tutung Tournament ah Lenlai in khatna la mahleh Manipur pumpi a Football league minthang pen Manipur State League a kimawl ding bel mit suan nailou hidan a a genban ah, tutung a khatna a lak uh toh kiton a pankhohthak sawm ahihdan leh tunung a Super Division tanpha hon lak touh uh leh CC Meet chih khawng mitsuan theipan ding uh hin Lenlai Manager in gen hi. Lenlai Captain Liankhosiam in a genna ah tutung kimawlna a Lenlai a pangte lak ah State League player nih leh 3 om mahleh amaute ziak a hat leh vualzou hilou in, Pathian kiang a vualzou sakdia a ngetna uh dawn a om ziak a Pathian in a kilam-etna uh vuaksuak saklou hizaw hin gen hi. Lenlai in tutung Champion ahih uh toh kiton in, dangka Lakh 1 leh Sial khat ngah uh a, himahleh tua sumte a mawk a zat thaang sawmlou uh ahihdan leh, Tagah khoina mun tuamtuam te a piak hiding hin Lenlai Manager zi Ramengmawi in gen hi. 

 

Read 2742 times Last modified on Thursday, 18 January 2018 21:50
Login to post comments