You are here: HomeArticlesInterviewInterview | ZOLMA 2014 - Best Male Artiste

Interview | ZOLMA 2014 - Best Male Artiste

Written by  ZOL Team Published inInterview Monday, 30 March 2015 15:05

K.Thangboi Vaiphei – KTV    |    Zogamonline - ZOL

 

 

Khamlienthang @ K. Thangboi Vaiphei ahihleh Pa Ginkhohau leh nu Chiinngaihkim tapa hi a, Tu in Compound Veng. D. Phailian ah a zi Kimhoivah leh atapa uh Haulaldong toh khosa lel uhi.                                                                                                                    

                                                         

 

ZOL: Nang toh houlim zekle’ng chi a hongkuan ka hi uh, na hun manphatak no’n petheidiam?

KTV: Hi pethei tham e.

 

ZOL: Amasa in ZogamOnline’te hunlem no’n piakziak in kipahthu k’on gen ua, ZOLMA Best Male Artiste 2014 na lakna tung ah k’on kipahpih mahmah uhi.

KTV: Kei le ka kipak hi.

 

ZOL: Laa – Audio/video/album bangzah himhim nana khah kheta a? hi

KTV: 2010 in ka debut album diing in Nam Lanu –I ka na bawl a, 2013 in Nam Lanu-II ka bawl nawn a, huchilou in Ka hun pak hi Album (Collection) ah la 2 ka sa khak toh sim album tuamtuam ah la 5 vel ka record khata.

 

ZOL: Bang chik apan in mipi ma ah lasak nana panta ale?

KTV: 2010 in mipi ma ah ka sapanta

 

ZOL: Bang laa saknop na sapen a? Zawlla maw, Pathian laa?

KTV: Zawlla.

 

ZOL: Na lasakte nang phuah ngen hia aíhke’h midang phuah?

KTV: Ke’n la 2 ka phuah chihlouh midang phuah ngen ahi ka sak.

 

ZOL: Na laphuahte nón hilhthei diam? Bangchi dan a na phuah a?

KTV: Hilhthei tham e, ‘’A thak zel sek” chih laa ahihleh ka hinkhua toh kituak a ka phuah ahi a, adang khatpen “Lungsiat thimthu” ahihleh tulai khovel dan toh kituak a ka phuah ahi. .

 

ZOL: Laa lam toh kisai in bang haksatna na tuak tampen? Banah, bang in hon kithalawp sakpen hi in na thei.

KTV: Recording leh Track bawlna ding in sum-le-pai banah, tha-le-zung tamtak kiseeng a himahleh zuakkhiatna(market) lam ah duhthusam a batlouh ziak in haksatna khenkhat kituaksek hi. Himahleh,Nu-le-Pa leh innsung mite banah midang laalam ngaina tute ziak in laasak ka kithalawp hi.

 

ZOL: Lamka leh a sehvel ah bangziak in eimi khutsuak, aw suak mahmah laate’n market hoihtak neizoulou hi’n na thei hia? Bangchi panlak hoih na sa?

KTV: Kisawmdawltuana taksap ziak banah copyright system zat dan siamlouh ziak a i market hoihlouh hi in ka thei a, I nam makaite hong hahpan uh henla market hon suklet sawm le uh deihhuai ka sa.

 

ZOL: Eimi lasasiam lak ah kua na ngaisangpen ale?

KTV: Vanlalsailo, Thangzangam (Musician).

 

ZOL: Ahihleh hunpaisa a I ZOLMA sai uah hiaitan tungdi’n nana kinemkha hia? Best Vocalist (Male) Award la na hi chih na theih in na lungsim ah bang hong om masapen a?

KTV: Ka na kinemkha kei, ka nu ,ka pa leh sanggam teng ka lungsim hong kilang uh.

 

ZOL: ZOLMA 2014 Best Vocalist (Male) Award na lak bangziak hipen in na thei a? Kua’n hon inspire pen hi in na thei a?

KTV: Min hon ngaihnat ziak uleh hon vote tam ziak ua hiaitan tung hi in ka thei.

 

ZOL: I ZOLMA sai uh bangchi na sa a? Sutzop zel hoih na sa hia? Mabana i masawnzawkna ding in bangchi bang in panlatou leng hoih na sa a?

KTV: Sutzop jel hoih ka sa, khangthak te khualna in.

 

ZOL: Nang a pat kupnop na nei hia leh?

KTV: Best Vocalist (Male) Award ka laktheihna dia hon ngaina a hon vote te tengteng tung ah Pathian min in kipahthu ka gen a, maban ah leng lam chituamtuam a hon kithuahpih jel diing in ka hon ngten hi.

 

ZOL: ZOLMA 2014 Best Vocalist (Male) Award chihlouh Award dang lakkhak na nei hia?

KTV: VAA Most Popular Artist Singer 2013 Award leh Zillai Award 2014 (Delhi) te ka sangkha hi.

 

ZOL: Kakipak uh e. ZOLMA te’n maban ah na hong lohchin sem a, n’ong lamzan zel a, i gam, i nam Melhoihsaktu na hong hih deihsakna lianpen k’on khak uhi.

KTV: Keile ka kipak lua.. ZOLMA Damsawt hen!!!

 

 

Read 1998 times Last modified on Thursday, 18 January 2018 21:47
Login to post comments