You are here: HomeArticlesReviewsWatch Khrist Toh Bangkim | Latest Gospel Movie

Watch Khrist Toh Bangkim | Latest Gospel Movie

Written by  The Lamka Post Published inReviews Tuesday, 26 August 2014 03:35

Ei singtangmi khutsuak movie leh film-te hunteng a khahkhiak ding a om gige louh hang in tukum sung a khahkhiak a omte i sim kik leh khutmal kaihtheih sim leh kilawm hi. Tua dungzui in tuni chiang a latest Local movie i neih bangzahhiamte lak ah Gospel movie Krist Toh Bangkim saulou in etkikthakna nei ni hang.

 

2014 kumbul lam a khahkhiak a om hiai Gospel film ‘Krist Toh Bangkim’ kichi Grace Bible College khutsuak diktak ahi hi. Institution principal Rev. Dr V Ginsianthang in film kipatma deuh a Pulakna ana gelhna ah, hiai gospel fil in a tup thupipen bel, Krist lou a bangkim bangmahlou a hihdan leh Krist toh bel bangkim hihtheih a hihdan taklat ding chih ahi hi. Tangthupha puanzak ding gingtute khempeuh mohpuak ahi chih phawkthak a hiai gospel film pen tangthupha puanzakna vanzat poimawhtak hidia lamena toh GBC in a bawlkhiak a hihdna ana pulak hi.

 

A tanchin leh tangthu tomkim:

Movie kipattung a kilang masapen lead role play-tu Siam leh a zi Ngaih in kituak tak leh nuam satak in nupa hinkhua a zattouh lai un setan thilhihtheihna a lak ua hongtung a, Siam in a sepna toh kisai in diklou tak a heksiatna tuak in a sepna a kipan khawlsak in hong om hi. Tua ziak in a kallak ah lungkiakna tuak dek sek hi. Huchibang kawmkal ah, a zi Ngaih in a pasal simmoh bawl in tangval dang toh kop pan mahleh Siam thumnate Pathian in ngaihkhiak sak in ni khat tuh a innsung uah kipahna laithon hongtung hi. Hiai laithon a zin a sim in a lungsim ah, hunpaisa a a pasal a dia a ginom louhdan kiphawksuah in a biang a kipan khitui hong luangkhia a, huai a kipan nupa kituaktak in khosa nawn uhi.

 

Huchibang kawmkal ah, role poimawhtak play-tu Sangte (Chingngaihsang)-te innkuan sung bel a nu gitlouhna leh a pa thulimlouh ziak in khomial in pumtuam hileh kilawm hi. Neih leh lam ah tamtak nei mahle uh amau khrist kiang ah gou ana khol khalou uhi. Hichibang a innkuan haksatak a omtouh lai un kingaihsiatna ziak in Sangte hong kikhailum a, a sanggampa leng kingaihsiatna ziak mah in khamtheih ah hong kibual hi. Himahleh a tawp lam in Pathian thugen-te tungtawn in a innkuan sung uah khalam kikhekna thupitak hongtung in Pathian mai a kilatkhiakna toh Movie tawp hi.

 

Most remarkable dialogue:

• Siam in office a, a seppihte kiang ah, ‘Jesun ei bangzahvei honna zuausan a eita? Min khoul kai a haksatak a a muhte uh en nuamtak a nekmang sak ding maw?

 

• Sangte in heutupa kiang ah, ‘Pasal tengteng in zu dawn vek uh hia heutupa? Kikhailumte vangam a kai ding uam?’

 

• Heutupa’n Sangte kiang ah, ‘Lunggimna leh haksatna khovel ah tuah ding mah ahi’

 

• Sangte pa’n a zi kiang ah zukham kawm in ‘Moua (Noah) long sih feet bangzah a pha a?

 

• Sangte nu’n Pathian thugente kiang ah, ‘Kou innkuan sung a nang hong kitaklah nang omlou hial, ka sawm a khat leltak uh ne hilou maw nang?

 

• Midangten thil klham a mat chiang ua a lakhs a sim a side theih lai ua, eilawi vokpi mai a suangmantam paih toh kibang.

 

CLICK THE LINKS TO WATCH THE MOVIE

KRIST TOH BANGKIM - I
KRIST TOH BANGKIM - II
KRIST TOH BANGKIM - III
KRIST TOH BANGKIM - IV

 

 

 

Written and Directed by

KHENTHANG BUANSING

 

Film Manager

H JAMKHANMANG

 

Project Co-Ordinator

DR SUANKHANHAU & T DAMKHOTHANG

 

Edited by

AWN THIAN MUANSON

 

Audio/Video Editing

ANGEL’S VISION

Read 1598 times Last modified on Tuesday, 26 August 2014 23:02
Login to post comments